Վերջերս լույս է տեսել Ազգային անվտանգության նախկին փոխնախարար, ՍԴՀԿ անդամ Գուրգեն Եղիազարյանի «Արեգակի զավակը» գիրքը:
Թեև գիրքը գեղարվեստական է, սակայն հիմնված է պատմական փաստերի վրա:
Բավական ծավալուն այս գիրքը պատմում է Մեծ եղեռնի ժամանակ և դրանից հետո հայ վրիժառուների պայքարի մասին` Եղեռնից մինչև Արցախյան գոյամարտ:
Այսօր ՍԴՀԿ ատենապետ Լյուդմիլա Սարգսյանի ծննդյան օրն է: «ՍԴՀԿ կենտրոնական վարչությունը եւ կուսակիցները շնորհավորում են ՍԴՀԿ ատենապետ Լյուդմիլա Սարգսյանին` ծննդյան օրվա կապակցությամբ»:
«Իշխանությունները վաղուց պատրաստ են այդ տարածքները զիջելու, հակառակ դեպքում, ինչպես Լևոն Տեր-Պետրոսյանի օրոք էր արվում, նրանք այդ տարածքները վերաբնակեցնելու հստակ ծրագիր կիրականացնեին: Բայց նրանք դա չեն անում և հոգեբանորեն պատրաստ են հանձնելու տարածքները: Մնացածը ժամանակի խնդիր է»,- ԼՂՀ հարակից շրջանները չվերաբնակեցնելու քաղաքականությունն այսպես մեկնաբանեց ՍԴՀԿ ատենապետ Լյուդմիլա Սարգսյանը:
Օրերս Փարիզում ուշագրավ նախաձեռնությամբ է հանդես եկել ՍԴՀԿ համահնչակյան ԿՎ ատենապետ Սեդրակ Աճեմյանը, որով, ըստ էության, հաստատել է ընդդիմության վերջին տարիների պնդումները, որ ինքը 124-ամյա ՍԴՀԿ-ն քանդելու եւ այն Հայ ազգային կոնգրեսից հեռացնելու` Սերժ Սարգսյանի նպատակն է իրականացնում:
«Հայ ազգային կոնգրեսի համակարգող Լևոն Զուրաբյանն առաջարկել էր ապրիլի 8-ի հանրահավաքի անելիքների վերաբերյալ համապատասխան առաջարկներ ներկայացնել Կոնգրեսին:
ՍԴՀԿ ատենապետ Լյուդմիլա Սարգսյանին հարցրինք` ինչ առաջարկներ են եղել այս ընթացքում:
«Նախագահ Լևոն Տեր-Պետրոսյանը հայտարարեց, թե այուհետև Կոնգրեսի հանրահավաքները վերածվում են համաժողովրդական ֆորումի, որոշումները կայացվում են տեղում, ժողովրդի կամքով:
ՍԴՀԿ անդամ Գուրգեն Եղիազարյանը «Առաջին լրատվականի» հետ զրույցում, անդրադառնալով քրեական հետախուզության վարչության պետ Հովհաննես Թամամյանի ձերբակալությանը, ասաց, թե դա պարզապես ամոթ է պետության համար:
Ըստ նրա` սարսափելի է, երբ նման բարձրաստիճան ոստիկանը նման արարքներ է գործում: Ավելին, ըստ Եղիազարյանի, այդ ձերբակալությանը պետք է հետևեն մի շարք հրաժարականներ, այդ թվում` պետք է հրաժարական ներկայացնի Թամամյանի անմիջական ղեկավարը` ոստիկանապետ Ալիկ Սարգսյանը:
«Դա լուրջ հայտարարություն է, և կարծես թե անտեսվում է այն փաստը, որ դիպուկահարները տեղադրված են ադրբեջանական կողմից, և թե ինչքան զոհեր ենք մենք ունեցել դիպուկահարների կրակոցների արդյունքում: Այդ միակողմանի հայտարարությունը էլ ավելի է ոգևորելու ադրբեջանական կողմին, քան սաստելու»,- անդրադառնալով ԵԱՀԿ գործող նախագահի դիպուկահարներին ետ քաշելու վերաբերյալ Հայաստանում արված հայտարարությանը` «Առաջին լրատվականի» հետ զրույցում կարծիք հայտնեց ՍԴՀԿ ատենապետ Լյուդմիլա Սարգսյանը:
Նրա գնահատմամբ, ԵԱՀԿ գործող նախագահի հայտարարությունը ևս մեկ անգամ ապացուցում է, որ հայաստանյան դիվանագիտական կորպուսի և անձամբ Սերժ Սարգսյանի աշխատանքները արտաքին հարաբերությունների առումով բավականին անարդյունավետ են. «Այն դեպքում, երբ Ադրբեջանն անընդհատ հոխորտում է պատերազմի մասին, մենք ընդամենը ասում ենք, որ կողմ ենք խաղաղ կարգավորմանը, և զուգահեռ ԵԱՀԿ կողմից նման հայտարարություն է հնչում, ապա դա խոսում է մեր դիվանագիտական պարտության մասին»:
ՍԴՀԿ ատենապետի խոսքերով, տեղի է ունեցել ԵԱՀԿ դիրքորոշման որոշակի փոփոխություն ի վնաս Հայաստանի, ինչն էլ խոսում է հայաստանյան զիջողական քաղաքականության մասին:
Փետրվարի վերջին Լոռու մարզում կալանավորված երկու բժշկուհիների կալանքի ժամկետը երկարաձգվել է եւս 2 ամսով: Այս խնդրի շուրջ մեր զրույցը առողջապահության նախկին նախարար, Հայ ազգային կոնգրեսի առողջապահության հանձնախմբի անդամ Արարատ Մկրտչյանի հետ է:
- Պարոն Մկրտչյան, ինչպե՞ս եք գնահատում Լոռու մարզի 2 բժշկուհիներին կաշառք ստանալու մեղադրանքով կալանավորելու, այժմ էլ կալանքի ժամկետը երկարաձգելու փաստը:
Նոր կուսակցություն` գրպանային ընդդիմություն
ՍԴՀԿ եկած հետաքննիչը գնաց ու չվերադարձավ
Հայ ազգային կոնգրեսի մարտի 17-ի հանրահավաքի օրը հայտնի դարձավ, որ Արդարադատության նախարարության պետական ռեգիստրը գրանցել է ՍԴՀԿ-ից հեռացված Վահան Շիրխանյանի, Վարդան Խաչատրյանի, Գեւորգ Պերկուպերկյանի, Նարեկ Գալստյանի եւ այլոց նախաձեռնած «Հնչակյան» կուսակցությունը:
Նշված անձանց, ըստ ՍԴՀԿ-ականների տեղեկությունների, 3-րդ ուժ ստեղծելու եւ ՍԴՀԿ-ն ՀԱԿ-ից առանձնացնելու նպատակով հովանավորում եւ աջակցում է Սերժ Սարգսյանի եղբայրը` ԵՊՀ աստվածաբանության ֆակուլտետի հայ եկեղեցու պատմության ամբիոնի վարիչ Լեւոն Սարգսյանը, որի մոտ է աշխատում ՍԴՀԿ-ից հեռացված, «Ժառանգության» մանդատով հանդես եկող, Տիգրան Կարապետիչի միտինգներին ելույթ ունեցող Վարդան Խաչատրյանը: ՍԴՀԿ-ից հեռացվելուց հետո այդ անձինք մի քանի անգամ փորձել էին ՍԴՀԿ անվան հապավումների տարբեր դասավորությամբ նոր կուսակցություն գրանցել, որը սակայն պետռեգիստրը չէր արել` հաշվի առնելով, որ դա կուսակցությունների մասին օրենքի 6-րդ հոդվածի խախտում է: Այդ հոդվածով արգելվում է արդեն գոյություն ունեցող կուսակցության անվան բառերով նոր միավորման գրանցումը: Իսկ այն, որ այս անգամ պետռեգիստրը գնաց այդ կուսակցության գրանցմանը` արդեն ապացուցում է, որ կա ամենավերեւների հրահանգը, իսկ վերջինների մոտ էլ` այդ ապօրինության կարիքը:
Բայց ամենահետաքրքիրն այն է, որ իշխանությունները շարունակում են հետապնդել Լյուդմիլա Սարգսյանին, որի վկայությունը վերջերս նրան ոստիկանություն հրավիրելն էր: Ինչպես տեղեկացրել ենք, Լյուդմիլա Սարգսյանը ծանուցագիր էր պահանջել ոստիկանություն ներկայանալու համար, որը եւ ստացել էր: «Ես, իհարկե, չգնացի ոստիկանություն, ինչ-որ հետաքննիչ եկավ գրասենյակ ու ասաց, որ ուզում է տեսնել ՍԴՀԿ-ի 2004 եւ 2010 թ.թ. համագումարների արձանագրությունները: Գեւորգ Պերկուպերկյանը բողոք է ներկայացրել դատախազություն, թե իբր կուսակցության ատենապետն ինքն է, բայց ես ապօրինի կերպով ինձ մոտ եմ պահում կուսակցության կնիքն ու խորհրդանիշերը: Ես հետաքննիչին տեղեկացրի, որ Հայաստանի երկու ատյանի դատարաններում նիստեր են տեղի ունեցել, եւ դատական վճիռներ կան, որոնցով ճանաչվել է իմ ատենապետությունը: Հետաքննիչը հեռացավ ու դեռ չի վերադարձել»,- մեզ հետ զրույցում պատմեց Լյուդմիլա Սարգսյանը: Մեր հարցին, թե նրանց ինչի՞ն է պետք իր կուսակցության կնիքը, եթե նոր կուսակցություն են ստեղծել, Սարգսյանը պատասխանեց, որ նոր կուսակցության գրանցումը միջանկյալ լուծում է, որով փորձ է արվելու տարբեր ուժերի հետ հանդես գալ` սատարելով իշխանություններին: ՍԴՀԿ անդամ Գուրգեն Եղիազարյանն էլ, ուշադրություն հրավիրելով նոր գրանցված կուսակցության չակերտների վրա, հիշեցրեց, որ չակերտներում ընդհանրապես գրվում է այն բառը, որը պետք է հասկանալ փոխաբերաբար. «Իրենց ծիծաղն էլ է գալիս իրենց վրա: Թող կուսակցության անունը դնեին գրպանային ընդդիմություն, 3-րդ ուժ կուսակցություն, դա կլիներ ավելի անկեղծ, ավելի տղամարդկային եւ միգուցե ավելի հնչեղ»,- առաջարկեց Եղիազարյանը: Եւ քանի որ իրենց լրատվական կայքում ՍԴՀԿ-ից հեռացվածները նշել են, որ «իրենց տեղեկություններով» «Հնչակյանը» վայելում է սփյուռքի կառույցների աջակցությունը, երեկ զրուցեցինք նաեւ ՍԴՀԿ համահնչակյան ԿՎ անդամ Եղիկ Ջերջերյանի հետ: Նա ասաց, որ ինքն աջակցում է «Հնչակյանին», որն ընդհանուր առմամբ կողմ չէ ՀՀ իշխանություններին: Ջերջերյանը, սակայն, անմիջապես հավելեց, որ ընդդիմությանը` ՀԱԿ-ին էլ կողմ չէ, քանի որ այն միայն քննադատում է եւ ծրագիր չի ներկայացնում: Մեր դիտարկմանը, թե ճի՞շտ են արդյոք տեղեկությունները, որ սփյուռքի հնչակյանները լավ տեղյակ չեն հայաստանյան կառույցում տեղի ունեցողից, հայաստանյան իրականությունից, եւ վարվում են այնպես, ինչպես իրենց ասում են, Ջերջերյանը պատասխանեց, որ ինքը Հայաստանում աղբյուրներ ունի եւ տեղյակ է ամեն ինչից: Իսկ հարցին, թե տեղյա՞կ է ՀԱԿ-ի տարբեր հանձնաժողովների հրապարակած կրթական, առողջապահական կամ տնտեսական «100 քայլ» ծրագրերին, Ջերջերյանը պատասխանեց. «Դրանցից տեղյակ չեմ...Ես մեծ սիրով այդ ծրագրերը կնայեմ»:
ՀՀ արդարադատության նախարարության իրավաբանական անձանց պետական ռեգիստրի գործակալությունում մարտի 16-ին գրանցվել է «Հնչակյան» կուսակցությունը:
Այս կուսակցության հիմնադիրները երկու տարի առաջ Հայաստանի սոցիալ-դեմոկրատ հնչակյան կուսակցությունից սկանդալային պատմություններով հեռացած-հեռացվածներն են՝ Վահան Շիրխանյան, Վարդան Խաչատրյան, Գեւորգ Պերկուպերկյան (ատենապետ), Նարեկ Գալստյան, Արսեն Կուպելյան եւ այլք: Հիշեցնենք, որ ՍԴՀԿ ատենապետ Լյուդմիլա Սարգսյանն իր թիմակիցների հետ վերջիններիս մեղադրեց համահնչակյան կառույցի ատենապետ Սեդրակ Աճեմյանի հետ միասին իշխանություններին ծախվելու մեջ: Իսկ հեռացած-հեռացվածներն իրենց հերթին Սարգսյանին ու իր թիմակիցներին մեղադրում էին Հայ ազգային կոնգրեսի կամակատարն ու կցորդը դառնալու մեջ: Դեռ անցած տարեվերջին պետք է հեռացած-հեռացվածները նոր կուսակցություն գրանցեին, համագումար հրավիրեին եւ ամեն ինչ իր տեղը դնելով՝ փակեին հնչակյանների պառակտման արդեն երկու տարի շարունակվող թեման: Երեկ «Առավոտը» Նարեկ Գալստյանից փորձեց պարզաբանումներ եւ մեկնաբանություններ ստանալ: Վերջինս ասաց, որ առաջիկա մեկ շաբաթվա ընթացքում «Հնչակյան» կուսակցության ղեկավարությունը մամուլի ասուլիս կհրավիրի, եւ բոլոր շահագրգիռ կողմերը կստանան իրենց հետաքրքրող հարցերի պատասխանները: «Այս պահին, ձեր թույլտվությամբ, ձեռնպահ մնամ բոլոր հնարավոր մեկնաբանություններից»,- ասաց Նարեկ Գալստյանը: HayNews.am կայքը փոխանցում է, որ «Հնչակյան» կուսակցությունն ունի Սփյուռքի կառույցների եւ Կենտրոնական վարչության անվերապահ աջակցությունը եւ շատ շուտով վերսկսելու է ակտիվ քաղաքական գործունեությունը:
Երեկ այս առիթով ՍԴՀԿ ատենապետ Լյուդմիլա Սարգսյանի հետ զրույցում էլ տեղեկացանք, որ Գեւորգ Պերկուպերկյանն էլ դիմել է դատախազություն՝ ընդդեմ տիկին Սարգսյանի: Պերկուպերկյանը պնդում է, որ Լյուդմիլա Սարգսյանն անօրինական զավթել է կուսակցության ատենապետի աթոռը, որ օրինական ատենապետն ինքն է եւ խնդրում է իրավապահների միջնորդությունը՝ Սարգսյանից կուսակցության կնիքը բռնագրավելու ու իրեն վերադարձնելու համար: Այս առիթով Լյուդմիլա Սարգսյանը զայրացած-զարմացած էր. «Այդ տղան կամ հիմար է, կամ էլ շատ փուչ գործիք է»: Հիշեցնենք, որ կուսակցության «կնիքի գործով» ՀՀ երկու դատական ատյաններում անցած տարի հօգուտ լյուդմիլասարգսյանականների վճիռներ ընդունվեցին: Այնուհանդերձ, դատախազությունը բողոքն ուղարկել է ոստիկանություն, վերջիններս էլ տիկին Սարգսյանին են անհանգստացրել հեռախոսազանգով, ապա այցելել են կուսակցության գրասենյակ ու հենց այնտեղ էլ իրենց համար պարզել ու ծանոթացել են «կնիքի գործով» օրինական ուժի մեջ մտած վճիռներին: Տիկին Սարգսյանը խիստ կասկածում է, որ հայրենի դատախազությունն ու ոստիկանությունն անտեղյակ էին արդեն երկու տարի ընթացող կուսակցական այս վեճից ու դատարաններում կայացած վճիռներից: Պերկուպերկյանի բողոքն ու դրան այդպիսի օպերատիվ արձագանքը նրան զարմացնում է, ու դա որակում է ընդամենն իր քաղաքական ակտիվությունը սանձելու փորձ: Իսկ Պերկուպերկյանին անվանում է «ոստիկանության գործակալ»: Անկախ ամեն ինչից՝ ասում է, որ ինքը եւ իր կուսակիցները շարունակելու են իրենց խիստ ընդդիմադիր կեցվածքը՝ չվախենալով ոչ դատախազության, ոչ ոստիկանության, ոչ էլ առավել եւս՝ Պերկուպերկյանի ոտնձգություններից: Լյուդմիլա Սարգսյանը տեղեկացրեց նաեւ, որ իրենք մտավոր սեփականության գրասենյակում գրանցել են ՍԴՀԿ դրոշն ու զինանշանը՝ զրկելով «Հնչակյաններին» կուսակցության ատրիբուտներն օգտագործելու հնարավորությունից: Այս ամենի առիթով Լյուդմիլա Սարգսյանի դիտարկումները հետեւյալն են. «Իրենք միջանցիկ լուծում են փորձում գտնել, որպեսզի Սեդրակը դեռեւս կարողանա գոյատեւել Կենտրոնական վարչությունում: Ես տեղյակ եմ, որ նրա հետագա պաշտոնավարման հարցը բավականին սուր է դրված»: Ինչ մնում է նոր կուսակցության գրանցմանը, մեր զրուցակիցը վստահ է, որ անկախ հակառակ թեւի հավաստիացումներից՝ համահնչակյան Կենտրոնի հետ հակասություններ են լինելու, քանի որ՝ «Նույն անվան տակ չեն հանդես գալիս: Ինչ էլ ուզում է անեն՝ ավանդական հնչակյան կուսակցությունը Հայաստանում շարունակում է ներկայացնել ՍԴՀԿ-ն՝ իր պատմությամբ եւ կուսակցական ատրիբուտներով: Սա Սեդրակ Աճեմյանի եւ իշխանությունների կողմից իրականացվող քաղաքական ավանտյուրա է: Իրենք, միեւնույն է, չեն կայանալու, ի վիճակի չեն որեւէ քաղաքական գործունեությամբ զբաղվելու, եւ այդ կուսակցությունը երբեւէ դեմքերի կուսակցություն չի կարող դառնալ, քանի որ դրա հիմնադրումը քաղաքական հիմքեր չի պարունակում»:
Հ. Գ. «Հնչակյանները» երեկ ձեռնպահ էին մնում մեկնաբանություններից, սակայն հուսով ենք, որ առաջիկայում կարձագանքեն տիկին Սարգսյանի հնչեցրած մեղադրանքներին:
ՆԵԼԼԻ ԳՐԻԳՈՐՅԱՆ
Մարտի 1-ի հանրահավաքին ՀԱԿ-ն իշխանություններին դիմեց 15 կետից բաղկացած ուղերձով՝ իր պահանջների կատարման վերջնաժամկետ նշանակելով մարտի 17-ը։ Իշխանությունը ՀԱԿ-ի պահանջները որակեց «ուլտիմատում»՝ հայտարարելով, որ իշխանությունների հետ վերջնագրերով չեն խոսում։ ՀԱԿ-ի պահանջների կատարման վերջնաժամկետն արդեն լրացել է, և իշխանությունը, ըստ էության, անարձագանք է թողել դրանք։ «Կապիտալը» հնարավոր զարգացումների մասին խոսել է ՀԱԿ-ի անդամ, Սոցիալ-դեմոկրատական հնչակյան կուսակցության (ՍԴՀԿ) կենտրոնական վարչության ատենապետ Լյուդմիլա Սարգսյանի հետ։
-Տիկին Սարգսյան ինչպե՞ս եք գնահատում «Ժառանգություն» կուսակցության ղեկավար Րաֆֆի Հովհաննիսյանի անժամկետ հացադուլը։
-Այս իշխանությունների դեմ պայքարում հացադուլն արդյունավետ միջոց չէ։ Մենք դրա փորձը բազմիցս ունեցել ենք, իհարկե, ոչ առաջին դեմքերի մակարդակով, սակայն 2008թ. կեղծված նախագահական ընտրություններից հետո մեր կուսակցության երիտասարդները, վարչության անդամները 15 օր հացադուլի նստեցին, հացադուլ արեցին նաև ՀՀՇ ներկայացուցիչները, սակայն այդ միջոցառւմները որևէ արդյունք չտվեցին նույնիսկ այդ ծանր պահին։ Հիմա քաղաքական օրակարգում իշխանության լինել-չլինելու հարցն է, և այդ գործին հացադուլը որևէ օգուտ չի կարող տալ։ Հնարավոր է, որ Րաֆֆի Հովհաննիսյանը պայքարի այլ մեթոդ չի գտել, հնարավոր է, որ դա նաև պոռթկում է, որով նա, ի լուր աշխարհի, ասում է, որ գործ ունենք այնպիսի մարդկանց հետ, որոնց դեմ անզոր են պայքարի այլ միջոցները։ Ամեն դեպքում, դա Հովհաննիսյանի որոշումն է, իսկ ես կարծում եմ, որ բոլոր այն մարդկ, որոնք հասկանում են երկրում ծանրացած և խտացած խնդիրների լրջությունը, պետք է միավորվեին դեռ կեղծված նախագահական ընտրությունների ժամանակ։ Կարծում եմ՝ մենք այն ուժերից ենք, որոնք 2008-ից սկսած հետևողականորեն շարունակեցին իրենց պայքարը երկրում սահմանադրական կարգի վերականգնման ուղղությամբ, և այսօր հասել ենք որոշակի հանգրվանի, որն էլ ինձ իրավունք է տալիս ասելու, որ արդյունավետ պայքարն ամենօրյա պայքարն է կոնկրետ ուղղությամբ։ Մենք միշտ գնացել ենք հստակ ուղղությամբ և երբեք չենք շեղվել այդ ճանապարհից։ Մենք երբեք չենք կասկածել, որ պայքարում ենք հանուն մարդկանց բարեկեցության, հանուն արդարության և սահմանադրական կարգի վերականգնման։ Պարզից էլ պարզ է, որ այս ռեժիմի դեմ քաղաքական ուժերը միայնակ չեն կարող պայքարել և հասնել արդյունքի։ Հենց այս գիտակցումով է, որ մենք միավորվեցինք և ստեղծեցինք Հայ ազգային կոնգրեսը։
-ՀԱԿ-ն իշխանություններին մարտի 1-ին ներկայացրեց 15 կետից բաղկացած պահանջ, որի կատարման վերջնաժամկետը սահմանեցին այսօր՝ մարտի 17-ը։ Իշխանություններն այդ պահանջներից բխող որևէ քայլ չկատարեցին։ Ի՞նչ է անելու ՀԱԿ-ն այսօր՝ հեղափոխությո՞ւն, որի մասին ակնարկում էր, թե՞...
-Մենք հեղափոխություն երբեք ո՛չ ակնարկել ենք, ո՛չ հուշել։ Մենք այսօր տեսնում ենք այդ գործընթացը, տեսնում ենք, որ ժողովրդի մեջ հասունանում է բարեփոխումների պահանջը։ Մենք չենք կարող դա չնկատել և չխոսել այդ մասին։ Այն պահանջները, որոնք դրվեցին իշխանությունների առջև, ժողովրդի տրամադրությունների, ցանկությունների հավաքագրում է, որը ՀԱԿ-ը որպես միջնորդ ներկայացրեց իշխանություններին։ Իսկ թե ինչ կլինի այսօր, ցույց կտա երեկոյան հանրահավաքը, քանի որ որոշողը ժողովուրդն է։
-Նույն բանը երեկ ասուլիսի ժամանակ ասել է նաև ՀԱԿ-ի անդամ, ՀՀՇ վարչության նախագահ Արամ Մանուկյանը։ Չե՞ք կարծում, որ հաջորդ քայլը ժողովրդի վրա թողնելով՝ ՀԱԿ-ը, ամենաքիչը, խուսափում է պատասխանատվությունից։
-Մենք երբեք չենք խուսափել պատասխանատվությունից և չենք խուսափում։ Երբ մենք ասում ենք, որ որոշողը ժողովուրդն է, դա իրոք այդպես է։ Որևէ քաղաքական ուժ երկրում որևէ բարեփոխում չի կարող իրականացնել, եթե դա տեղի չի ունենում ժողովրդի ցանկությամբ։ Հետևաբար՝ հենց ժողովուրդը պետք է կիսի այդ պատասխանատվությունը, որպեսզի տերը լինի իր երկրին և կարողանա շնչել գալիք իշխանության թիկունքին, որպեսզի հաջորդ իշխանությունները չկատարեն այն սխալները, որն այսօր կատարում են այսօրվա իշխանությունները։
-Եթե որոշողը ժողովուրդն է, ապա ինչո՞ւ ՀԱԿ-ը ո՛չ 2008թ., ո՛չ էլ հետագայում չկատարեց հասարակության պահանջը՝ իրականացնել հեղափոխություն հենց այդ պահին։ Չէ՞ որ ժողովուրդը բազմաթիվ անգամներ է պահանջել «հիմա»։ Եվ եթե այսօր հանրահավաքին ժողովուրդը պահանջի հեղափոխություն, ՀԱԿ-ը կգնա՞ դրան։
-ՀԱԿ-ը հեղափոխություն իրականացնող չէ, ՀԱԿ-ն ընդամենը կարող է ժողովրդի պայքարը տանել այն հունով, որ այն չվերածվի երկրի համար վտանգավոր ցնցումների։ ժողովրդի պահանջած «հիման» միշտ էլ կարելի է կազմակերպել, սակայն հեղափոխություն պահանջողը չպետք է լինի ժողովրդի մեկ տոկոսը, առնվազն 5-10 տոկոսը դա պետք է ցանկանա։ Իհարկե, ես համաձայն եմ, որ ՀԱԿ-ը երբեմն անտեղի զսպել է ժողովրդի ցասումը, որպեսզի հնարավորություն տա իշխանություններին ինչ-որ կերպ կարգավորել երկրում ստեղծված իրավիճակը, սակայն քանի որ իշխանությունները չունեն այդ քաղաքական կամքը և չեն էլ կարող ունենալ, քանի որ իրենց բուրգը կառուցված է օլիգարխիկ հենասյուների վրա, ՀԱԿ-ը թերևս անցնի ավելի արմատական քայլերի։
-Առաջիկա ընտրություններին ՍԴՀԿ-ն սատարելո՞ւ է Լևոն Տեր-Պետրոսյանի թեկնածությունը, թե՞ հանդես է գալու առանձին թեկնածուով։
-Ինչպես 2008թ., այնպես էլ առաջիկա ընտրություններին մեր միակ թեկնածուն Լևոն Տեր-Պետրոսյանն է։
-Մարտի 1-ի հանրահավաքից հետո սկսեցին լուրեր շրջանառվել ՀԱԿ-իշխանություն համագործակցության մասին։ Մտավախություն չունե՞ք, որ ՀԱԿ-ի առաջնորդները գնացել են կամ կգնան նման քայլի։
-ՀԱԿ-ի առաջնորդներից մեկն էլ ես եմ և նաև կենտրոնական շտաբի անդամ եմ։ Ես բացառում եմ այդ համագործակցությունը, քանի որ եթե նման բան լիներ, առաջիններից մեկը ես տեղյալ կլիներ այդ համաձայնությունից։ Իհարկե, քաղաքականության մեջ որևէ բան չեմ բացառում. հնարավոր է, որ գա մի պահ, երբ ինչ-որ հարցերի շուրջ իշխանություն-ընդդիմություն երկխոսությունը կայանա, բայց, հավատացեք, դա կարվի միայն երկրում անցնցում իշխանափոխություն իրականացնելու նպատակով։ Այլ խնդրով բանակցություններ ՀԱԿ-ի և իշխանության մեջ չի կարող տեղի ունենալ ունենալ։
-Այդ դեպքում ինչո՞վ եք պայմանավորում իշխանության տարբեր ներկայացուցիչների կողմից ՀԱԿ-ին արվող ուղղակի և անուղղակի ռևերանսները։
-Իսկապես, շուրջ 15 օր է, որ այդ ռևերանսներն արվում են, սակայն դա ո՛չ խոսում է իշխանության բարեփոխումների պատրաստակամության մասին, ո՛չ էլ վկայությունն է այն բանի, թե իբրև կա ինչ-որ կուլիսային համաձայնություն ՀԱԿ-ի և իշխանության միջև։ Սա թերևս նշանակում է, որ իշխանության ներսում կան մարդիկ, որոնք հասկացել են, որ կորցնում են իշխանությունը և փորձում են մի փոքր ավելի զուսպ լինել՝ դրսևորելով զգուշավորություն։
Այսօր ժամը 20.00-ի սահմաններում Ոստիկանության Կենտրոնի բաժնից զանգահարել են ՀԱԿ ներկայացուցիչ, Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանին և հրավիրել են ոստիկանություն: Այս մասին Epress.am-ին հայտնել է Լյուդմիլա Սարգսյանը:
Հարցին, թե ինչի համար են իրեն կանչում ոստիկանություն, Լյուդմիլա Սարգսյանին պատասխանել են, որ իր դեմ բողոք կա` կապված կուսակցության գործունեության հետ:
«Ես էլ ասացի, որ եթե կուսակցության գործունեության հետ կապված բողոք կա, ես ոչ թե ձեզ մոտ պետք է գամ, այլ դատախազություն: Ասացի նաև, որ շատ միամիտ փորձեր եք անում, եթե կարծում եք, որ նման ձևով կարելի է ինձ հետ խոսել»,- Epress.am-ի հետ հեռախոսազրույցում պատմել է Սարգսյանը:
Նրա խոսքով` ոստիկանությունից իրեն հայտնել են նաև, որ «շատ բաներ չեն ուզում հեռախոսով խոսել», ինչին Լյուդմիլա Սարգսյանը պատասխանել է. «Ինչի այդքան վախենո՞ւմ եք ԱԱԾ-ից»:
Ոստիկանությունից դարձյալ պնդել են, որ Սարգսյանը գնա իրենց մոտ, սակայն վերջինս հրաժարվել է դա անել` նշելով, որ միայն ծանուցագիր ստանալուց հետո կգնա ոստիկանություն:
Լյուդմիլա Սարգսյանը կարծում է, որ այս ամենը կապված է իր մարզային այցելությունների հետ: ՍԴՀԿ ատենապետի խոսքով` ԱԱԾ տեսախցիկները, որոնք իրենց ամենուր հետևում են, հավանաբար, ֆիքսում են, որ ակտիվ հանդիպումներ են տեղի ունենում մարզերում, «դրա համար էլ վախենում են»:
«Կարծում եմ, որ իրենց արածը միամտություն է: Այն մարդիկ, ովքեր երեք տարի է` պայքարի մեջ են, ոչնչից չեն վախենում, շատ լավ գիտեն իրենց իրավունքները, գիտեն պայքարի տրամաբանությունը և իրենց խոսքի ազդեցությունը: Այնպես որ, անիմաստ է նաև լիդերներից մեկին կանչել ոստիկանություն կամ ահաբեկել»,- ասել է մեր զրուցակիցը:
Հայ Ազգային Կոնգրեսի անդամ, ՍԴՀԿ անդամ, Առոջապահության նախկին նախարար Արարատ Մկրտչյանն այսօր «Սոցիալ-տնտեսական ճգնաժամը Հայաստանում և երիտասարդության խնդիրները» թեմայով սեմինար էր կազմակերպել:
Սեմինարին մասնակցում էին ՍԴՀԿ «Սարգիս Տխրունի» երիասարդական միության երիտասարդները:
Իր խոսքոի ընթացքում Մկրտչյանը նկատել է, որ այսօր բարձր պաշտոններ զբաղեցնող երիտասարդները կառավարման դպրոցի ճանապարհը չեն անցել:
«Երիտասարդների համար մեր իշխանությունները նաև պրոբլեմ են ստեղծում: Ասում են՝ լավ ծառայել ես, գնա աշխատի: Դրանով արջի ծառայություն են մատուցում երիտասարդներին, քանի որ նրանք, զբաղեցնելով բարձր պաշտոններ, բայց չունենալով բավարար հիմք` չեն կարողանում աշխատել»,- ասել է Մկրտչյանը:
Նա ընդգծել է այսօրվա երիտասարդության առջև ծառացած երեք հիմնական խնդիրները՝ նյութական, սոցիալական և մշակութային:
«Իշխանությունները խարսխված են բազեաարծիվական խնդիրների վրա, իսկ մնացած երիտասարդների խնդիրները անտեսված են: Եվ բյուջեով նույնիսկ «Բազեի» համար գումար են ամրագրել»,- ասել է բանախոսը՝ հավելելով, որ «ով արծիվ չի, ով բազե չի, այլ ուղղակի երիտաասարդ է, նրա խնդիրներն անտեսված են»:
Սեմինարին մասնակից երիտասարդները ևս փաստել են, որ այսօր երիտասարդների համար խնդիր է այն, որ իրենք կարողանան հնարավությունների շրջանակներում դրսևորվեն և իր իրենց վաղվա օրը տեսնեն:
Նրանց խոսքով՝ այդ վաղվա օրը չտեսնող երիտասարդը մի օր կթողնի ու կգնա Հայաստանից, ինչը հաճախակի բնույթ է կրում այսօր:
http://www.epress.am/2011/03/13/հայաստանում-չեն-անտեսվում-միայն-բազե/
Ոստիկանապետ Ալիկ Սարգսյանը կառավարության վերջին նիստից հետո հայտարարել էր, թե «Փորձեք հեղափոխություն անել և կտեսնեք իմ վերաբերմունքը»: Ընդ որում` սա առաջին դեպքը չէր, երբ ոստիկանապետը նման հայտարարություններ է անում: Այս կապակցությամբ զրուցեցինք ԱԱ նախկին փոխնախարար, ՍԴՀԿ անդամ Գուրգեն Եղիազարյանի հետ:
- Ոստիկանապետ Ալիկ Սարգսյանը նախօրեին հայտարարել է, թե ինքը թույլ չի տա, որ Հայաստանում հեղափոխություն լինի: Ինչպե՞ս կմեկնաբանեք նրա հայտարարությունները:
- Ես նրան պարզապես խորհուրդ կտամ ուշադիր նայել իր կոլեգաների երեսներին: 30-40 տարվա բռնապետություններում իշխած ոստիկանապետերն անգամ թողեցին փախան այն բանից հետո, երբ ժողովուրդը ոտքի կանգնեց: Ես հիշում եմ Կիրգիզիայի ոստիկանապետին. մեկ օր առաջ նա հայտարարեց, թե մորթազերծ կանի բոլոր նրանց, ովքեր կհամարձակվեն դեմ դուրս գալ իշխանություններին, բայց հաջորդ օրը նա լուռ, գլխիկոր նստած էր, և ինչ-որ մարդիկ խփում էին նրա գլխին: Ես չեմ ցանկանա նույնը մեզ մոտ լինի. մեր աշխարհագրությունը դա թույլ չի տալիս: Այնուամենայնիվ, նման ամպագոռգոռ հայտարարությունները լինում են մինչև ժողովրդի ոտքի կանգնելը:
- Ձեր կարծիքով, եթե ժողովուրդը ոտքի կանգնի, ոստիկանապետն արդյո՞ք իր սպառնալիքը կիրականացնի, թե՞ ոչ:
- Ամեն տեղ էլ իշխանությունը սկզբում բորբոքված հայտարարում է, թե կխեղդի, այս կամ այն մայմունությունը կանի, ատամներ ցույց կտա: Դա բազմիցս ենք տեսել: Անգամ մարտի 1-ի սպանությունները չկոտրեցին ո՛չ ժողովրդի, ո՛չ էլ անգամ զոհվածների հարազատների կամքը: Ավելին` դատարանում մենք տեսանք, որ երբ «7-ի գործ»-ով իմ ընկերներին մարտի 1-ի սպանությունները կազմակերպելու մեղադրանքով բերեցին դահլիճ, սպանվածների հարազատները հոտնկայս ծափահարում էին նրանց, քանի որ գիտեին իրական մարդասպաններին: Այսինքն` այդ ծափերը թուք էր իշխանությունների երեսին: Այս ընթացքում ոչ մի բան չկոտրեց ժողովրդի կամքը` ո՛չ Ազատության հրապարակում 2008թ. մարտի 1-ի վաղ առավոտյան կատարված հարձակումն անմեղ ժողովրդի վրա, ո՛չ էլ հետագա խոշտանգումներն ու սպանությունները: Ընդհակառակը, այդ ամենը բոլորովին հակառակ ռեակցիան տվեց, և ժողովուրդը դուրս եկավ փողոց: Եթե իշխանությունները մտածում են, որ ոստիկաններն այդքան խելք չեն ունենա և ինչ-որ մեկի միլիարդները պաշտպանելու համար դուրս կգան սեփական ժողովրդի դեմ, չարաչար սխալվում են, որովհետև իր վերջո այդ ոստիկաններն էլ են ժողովրդի զավակները:
- Կարելի է ենթադրել, որ ոստիկանապետն, այսպիսով, զբաղված է քաղաքականությամբ, քաղաքական հայտարարություններ անելով: Որպես իրավապահ համակարգում աշխատած մարդ, Ձեր կարծիքով, ունի՞ նա դրա իրավունքը, թե՞ ոչ:
- Իհարկե, ոստիկանապետն իրավունք չունի նման հայտարարություններ անելու: Բայց հավանաբար նա չի հասկանում, թե որտեղ է աշխատում: Այս ընթացքում կատարվող այլանդակությունները, Կոնգրեսի ակտիվիստների վրա հարձակումները կանցնեն, կգնան: Հետո նրանք կսկսեն մեղանչել, թե հարձակվողն իրենք չեն եղել կամ էլ` չեն հասկացել, թե ինչ են անում, ինչ հրաման են կատարում: Ես կարծում եմ, որ իրենք այդքան խելք կունենան և ժողովրդի դեմ դուրս չեն գա, ուրիշի միլիարդները պաշտպանելու համար նրանք չեն ապականի իրենց ապագան: Կարծում եմ` կգիտակցեն այդքանը: Իսկ ամպագոռգոռ հայտարարությունները, քիթը քաղաքականության մեջ մտցնելը ժամանակավոր է:
- Իսկ Ձեր կարծիքով, հեղափոխությունն իրո՞ք վտանգավոր երևույթ է, որ իրավապահները պետք է պայքարեն դրա դեմ:
- Հայաստանում ոչ թե հեղափոխություն կլինի, այլ` սահուն իշխանափոխություն: Եթե իշխանությունները շատ թե քիչ տրամաբանություն ունենան, ապա չեն թողնի, որ դանակը ոսկորին հասնի: Մեր պահանջն օրինական է` արտահերթ նախագահական և խորհրդարանական ընտրություններ: Հարցնում եք` ինչո՞ւ: Ասեմ` Հայաստանում ո՛չ նախագահն է լեգիտիմ, ո՛չ խորհրդարանը: Իսկ մենք ցանկանում ենք, որ ե՛ւ նախագահը, ե՛ւ խորհրդարանը լինեն լեգիտիմ, լինեն ժողովրդի կողմից ընտրված: Պարզապես տեսեք, թե ինչ է կատարվում այն երկրներում, որտեղ նախագահներն ընտրված չեն: Ես ուզում եմ մեջբերել ՀՀ-ում ԱՄՆ դեսպան Մարի Յովանովիչի խոսքերը, ըստ որի` այն երկրներում, որտեղ իշխանությունները լեգիտիմ են, ժողովուրդը նրանց դեմ ոտքի չի կանգնում:
«Առաջին լրատվականի» զրուցակիցն է Հայ ազգային կոնգրեսի անդամ Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը
- Տիկին Սարգսյան, մարտի 1-ի հանրահավաքում ՀՀ առաջին նախագահ Լևոն Տեր-Պետրոսյանը հանրահավաքի անունից 15 կետից բաղկացած պահանջներ ներկայացրեց, որոնցում, ի թիվս իրավական հարցերի, ներառված էին նաև սոցիալական ոլորտին առնչվող պահանջներ: Իշխանությունները մինչ օրս անտեսել են Հայ ազգային կոնգրեսի ներկայացրած պահանջները և ծրագրերը: Ո՞րն է երաշխիքը, որ այս անգամ կարձագանքեն ՀԱԿ-ի պահանջներին:
- Իմ տեղեկություններով, իշխանությունների կողմից չի եղել արձագանք: Կարծում եմ` առաջիկայում էլ չի լինի: Այս իշխանությունը հիմնված է այնպիսի սյուների վրա, որ եթե ցանկանա էլ ինչ-որ բան փոխել, միևնույնն է, չի կարողանա դա անել: ՀԱԿ-ը գիտակցում է, որ իշխանությունը չի կատարի այդ պահանջները, բայց առաջարկում է երկխոսություն: Իսկ այդ երկխոսության նպատակը երկիրը ճնշումներից զերծ պահելն է: Եթե նրանք ի վիճակի չեն բավարարելու ՀԱԿ-ի առաջարկած երկխոսության պահանջը, ապա հետագա զարգացումների պատասխանատվությունն ընկնում է նրանց վրա: Վստահ եմ, որ ցանկության դեպքում նրանք կարող են գոնե մինչև մարտի 15-ը ազատել բոլոր քաղբանտարկյալներին: Երկխոսությունը իշխանության և ընդդիմության միջև հնարավորություն կտա անցկացնել անցնցում իշխանափոխություն` ՀՀ նախագահի և Ազգային ժողովի արտահերթ ընտրությունների տեսքով: Իսկ ընտրությունների արդյունքները ցույց կտան, թե ժողովուրդն ում է վստահում: Մենք գործ ունենք մի իշխանության հետ, որն ընտրված չէ, պատասխանատվություն չի կրում ժողովրդի առջև և հակված չէ ծառայելու ժողովրդին: Այս իշխանությունը հիմնված է քրեաօլիգարխիկ համակարգի վրա: Եթե այսօր Սերժ Սարգսյանը փորձի կատարել ՀԱԿ-ի ներկայացրած պահանջները, իշխանության սյուները տապալվելու են: Այն պահանջները, որոնք ներկայացրեց Լևոն Տեր-Պետրոսյանը, ես համարում եմ մեր հասարակության պահանջները: Իշխանությունները երկիրը ղեկավարում են տղայական մեթոդներով և չեն կարող հաղթահարել ժողովրդի և իրենց միջև ստեղծված անջրպետը:
- Իսկ չե՞ք կարծում, որ արտաքին աշխարհի աչքում սեփական իշխանությունը լեգիտիմացնելու նպատակով Սերժ Սարգսյանը կարող է անցկացնել ԱԺ արտահերթ ընտրություններ, թվանկարչությամբ ձևավորել նոր խորհրդարան և լուսանցք մղել ընդդիմադիր Հայ ազգային կոնգրեսին:
- Ես չեմ կարծում, որ նույնիսկ ԱԺ արտահերթ ընտրությունների միջոցով Սերժ Սարգսյանին կհաջողվի լեգիտիմացնել իր իշխանությունը: Եթե նա փորձի ձևավորել նոր խորհրդարան, այնպես է անելու, որ այնտեղ հայտնված ուժերից առաջիկա ՀՀ նախագահի ընտրություններում ստանա աջակցություն: Հայ ազգային կոնգրեսը պահանջում է անցկացնել ՀՀ նախագահի արտահերթ ընտրություններ:
Ինչ վերաբերում է ՀԱԿ-ին լուսանցք մղելուն, ես կարծում եմ, որ Սերժ Սարգսյանը շատ լավ հասկանում է, թե ինչ գրագետ ընդդիմության հետ գործ ունի: Նա այլևս չի կարող ժողովրդի աչքին «թոզ փչել», քանի որ Հայ ազգային կոնգրեսը գրագետ ձևով աշխատում է ժողովրդի հետ: Օր օրի ավելանում է գիտակից, իր իրավունքների համար պայքարող քաղաքացիների թիվը, և բոլորն են հասկանում, որ ԱԺ արտահերթ ընտրություններ անցկացնելով հնարավոր չէ թոթափել ներքաղաքական լարվածությունը Հայաստանում:
- Երեք տարի է անցել 2008թ. ՀՀ նախագահի կեղծված ընտրություններից, սակայն Հայ ազգային կոնգրեսն իր պայքարը շարունակում է ոչ միայն ակցիաներ և հանրահավաքներ կազմակերպելով, այլև` մարզային այցերով և բնակչության հետ ունեցած հանդիպումներով: Ընդ որում` մարզեր կատարած այցերի ժամանակ էլ իրավապահները փորձում են ճնշումների միջոցով բնակիչներին հետ պահել ՀԱԿ-ի ներկայացուցիչների հետ հանդիպումներից: Ըստ Ձեզ` ի՞նչ պետք է անել մարզերի բնակիչներին տեղեկատվական շրջափակումից դուրս բերելու, նրանց բավարար չափով իրազեկելու համար:
- Շուրջ տասներեք տարի Հայաստանում իշխանությունը բռնազավթված է, և այդ հանգամանքը խոր հետք է թողել ժողովրդի հոգեբանության վրա: Մարզային հանդիպումների ժամանակ մենք տեսնում ենք, որ ամեն ինչ կորած չէ: Մարդիկ հետաքրքրվում են, հարցեր են տալիս, մտահոգություններ արտահայտում: Նրանք հիմա ավելի վճռական են տրամադրված, քան` նախկինում: Մարզերի բնակիչներն էլ են սկսել հասկանալ, որ այս իշխանությունների օրոք հնարավոր չէ իրականացնել որևէ բարեփոխում, որ նրանք վարում են ազգադավ քաղաքականություն: Ես չեմ կասկածում, որ հայ մարդը ազատատենչ է և պատրաստ է տեր կանգնել իր իրավունքներին: Իշխանությունները փորձում են ստեղծել այն թյուր կարծիքը, թե Հայաստանում հեղափոխության նախադրյալներ չկան: Այդ հեղափոխական ձգտումներն ինչ-որ չափով զսպել է ՀԱԿ-ը, որը ցանկության դեպքում կարող էր բորբոքել:
- Սակայն այսօր նույնիսկ «Ժառանգություն» և Հայ հեղափոխական դաշնակցություն կուսակցությունների ներկայացուցիչները չեն խորշում խոսել հեղափոխությունից: Մասնավորապես` դաշնակցական Վահան Հովհաննիսյանը հայտարարել է, որ համաշխարհային պատմության փորձը ցույց է տալիս, որ ոչ մեկին չի հաջողվել օրորոցում խեղդել հեղափոխությունը: Նա նաև նշել է, որ եթե դա մեզ հաջողվի, ցույց կտանք, որ ունիկալ ազգ ենք:
- Երբ ՀՅԴ-ի և «Ժառանգության» ներկայացուցիչները խոսում են, որ ընդդիմությունը պետք է միավորվի, ինձ զարմացնում են նման հայտարարությունները: Ընդդիմությունը միավորվել է վաղուց: Նրանք, ովքեր գիտակցում են, որ այս համակարգի դեմ պետք է միավորվել, միավորվել են: Ես չեմ նկատել, որ Դաշնակցությունը պայքարի Սերժ Սարգսյանի դեմ: «Ժառանգությունը» եթե ընդդիմություն է և ուզում է պայքարել Սերժ Սարգսյանի ռեժիմի դեմ, կարող է միանալ Հայ ազգային կոնգրեսին: Եթե «Ժառանգությունն» ուզում է պայքարել միայնակ, կարող է այդպես էլ պայքարել, և դրան ոչ ոք չի խոչընդոտում:
- Ոստիկանությունն այսօր ձեռք է բարձրացնում նույնիսկ ԱԺ պատգամավորների վրա, ՀՀ քաղաքացիներին պարբերաբար փորձում են ճնշումների միջոցով հետ պահել հանրահավաքներից: Չե՞ք կարծում, որ իշխանական համակարգում էլ են սկսվել խմորումներ և անվերահսկելի գործընթացներ:
- Այդ ամենը ցույց է տալիս, որ մեր երկրում իրավապահ մարմինները չեն հարգում Սահմանադրությունը, օրենքները և մարդու հիմնարար իրավունքները: Եթե նույնիսկ ԱԺ պատգամավորի վրա են ձեռք բարձրացնում, դա նշանակում է, որ հենց իշխանական ճամբարում կա լուրջ խուճապ: Եվ դա ցույց է տալիս, որ իշխանությունները չեն տիրապետում իրավիճակին: Իշխանությունն այսօր այլևս մոնոլիտ չէ և կարող է փլվել նույնիսկ մեկ օրում:
- Վերջերս հետաքրքրություն են առաջացրել ՀՀ-ում ԱՄՆ դեսպան Մարի Յովանովիչի ելույթները, որոնցում կան հստակ ուղերձներ քաղաքացիական հասարակությանը: Ինչո՞ւ է , ըստ Ձեզ, Արևմուտքը սկսել հետաքրքրվել մեր երկրում ժողովրդավարական գործընթացներով:
- Արևմուտքը, շատ երկրներում աջակցելով բռնապետական ռեժիմներին, հասավ նրան, որ ժողովուրդը ոտքի կանգնեց, որպեսզի ազատվի այդ ռեժիմներից: Այդ նույն վտանգը Արևմուտքը տեսնում է նաև Հայաստանում:
ՍԴՀԿ ատենապետ Լյուդմիլա Սարգսյանը «Առաջին լրատվականի» հետ զրույցում անդրադարձավ Սերժ Սարգսյանի հայտարարությանը, թե ԼՂ խնդրում Բաքվի դիրքորոշման մեջ որոշակի առաջընթաց կա, և մոտ ապագայում հնարավոր կլինի որոշակի համաձայնության հասնել ԼՂ խնդրի կարգավորման սկզբունքների շուրջ:
«Շատ հստակ է, որ բանակցային գործընթացում որևէ խնդիր չկա: Խնդիրը Ալիև-Մեդվեդև հարթության մեջ է, իսկ Սերժ Սարգսյանն ամեն ինչի հետ համակերպվում և համաձայնում է: Ու քանի որ երկրի ներսում իրավիճակը շատ ծանր է, նա իշխանությունը պահելու խնդիր ունի, ուստի` ինչպես նախկինում, այնպես էլ այսօր պատրաստ է զիջումների գնալու»,- նշեց ՍԴՀԿ ատենապետ Լյուդմիլա Սարգսյանը:
Ըստ նրա` ակնհայտ է, որ այսօր տրվող յուրաքանչյուր լուծում չի լինի ի նպաստ ԼՂՀ-ի:
Շատ տրամաբանական է, որ երեկ ՀՀ ոստիկանապետն ասել է, թե հեղափոխությունների նկատմամբ սիմպատիա չունի, որովհետեւ հեղափոխությունը ցնցում է… Մինչեւ վերջին պահն էլ իշխանությունը պետք է փորձի ժողովրդին համոզել, որ Հայաստանում հեղափոխական տրամադրություններ չկան: Դրանով փորձում են ժողովրդի ռադիկալ տրամադրությունները մեղմել: Կույր պետք է լինել, որպեսզի չտեսնել, թե իրականում Հայաստանում ինչքան են հեղափոխական տրամադրությունները հասունացած: Եվ դա կարող է շատ ավելի շուտ հասունանալ, եթե Հայ ազգային կոնգրեսը լուրջ աշխատանք չտաներ ժողովրդի հետ եւ երբեմն զսպեր նրա ռադիկալ տրամադրությունները:
Բայց գալիս է մի պահ, երբ արդեն ամբողջ ժողովուրդն է հասկանում, որ ոչ մի դրական սպասելիք այս իշխանությունից ակնկալել չի կարող. օր օրի սոցիալական վիճակը ծանրանում է, ավելին՝ ահագնացող է դարձել: Եվ եթե Հայաստանը լքում են՝ միայն այն պատճառով, որ ոչ մի ապագա չեն տեսնում երկրում, դա արդեն իսկ հուշում է մեզ, որ երկրում հասունացել են հեղափոխական տրամադրությունները: Ինչու ոչ, եթե ժողովուրդը ցանկանում է, ապա միանշանակ այն կիրագործվի: Եթե այս պահին ժողովուրդն իր կամքն արտահայտի, եւ իշխանությունները, ինչպես նաեւ ոստիկանությունը փորձեն զսպել իրենց հայտնի մեթոդներով, դա ավելի կարագացնի հեղափոխական գործընթացը:
Եվ սահուն իշխանափոխությունը կդնեն վտանգի տակ, իսկ ՀԱԿ-ն այսօր ուզում է սահուն իշխանափոխություն՝ ժողովրդի ցանկությամբ ու պահանջով: Վերջերս որոշ քաղաքական շրջանակներ հեղափոխությունը բացառում են մեր երկրում, դա նաեւ կապելով մեր մենթալիտետի հետ: Բայց Սերժ Սարգսյանի եւ Ռոբերտ Քոչարյանի մենթալիտետը խիստ տարբերվում է հայ ժողովրդի մենթալիտետից:
Էնպես որ, թող չփորձեն իրենց մենթալիտետը փաթաթել մեր վզին: Մեր ժողովուրդը ազատատենչ ժողովուրդ է, արժանապատիվ ժողովուրդ է, եւ այն ստորացված վիճակը, որ այսօր կա Հայաստանում, եւ ժողովուրդը ընչազուրկ է, դա մեր ժողովրդին հուշում է, որ պետք է մտածել ապագայի համար: Ժողովուրդը ռադիկալ տրամադրությունների մեջ է, որովհետեւ այլընտրանք չի տեսնում, քան իշխանափոխությունն է: Հետեւաբար էդ իշխանափոխությունը տեղի կունենա: Իսկ որոշ մարդիկ սխալ են հասկանում «հեղափոխություն» արտահայտությունը: Ի վերջո հեղափոխություն՝ դա չի նշանակում արյունահեղություն, ալան-թալան, ջարդ ու փշուր, դա նաեւ ժողովրդի կամքի արտահայտումն է: Հեղափոխություն՝ նշանակում է բարեփոխում: Եթե ընդառաջ չգնան ժողովրդին, չեմ կարծում, թե կգտնվի թեկուզ մի քաղաքական ուժ, որը կկարողանա զսպել էդ տրամադրությունները:
Լյուդմիլա ՍԱՐԳՍՅԱՆ-ՍԴՀԿ Ատենապետ
http://www.hraparak.am/2011/03/11/hakn-uzenar-hexapoxutyune-patraster/
Հայ ազգային կոնգրեսի մաս կազմող ՍԴՀԿ ատենապետ Լյուդմիլա Սարգսյանը մեզ հետ զրույցում, հակադարձելով իշխանությունների պնդումներին, թե ուլտիմատումների լեզվով չպետք է իրենց հետ խոսել, նշեց.
«Նրանք մոռանում են, որ իրական իշխանությունն այս երկրում ժողովուրդն է, և այս պահանջը ժողովրդի քվեարկությամբ ու ժողովրդի ցանկությամբ է ներկայացվել. դա Հայ ազգային կոնգրեսի պահանջը չէր, այլ ժողովրդի:
Եվ վերջին հաշվով՝ իշխանությունը բռնազավթած մարդիկ իրավունք չունեն խոսելու իշխանության անունից, մանավանդ որ այդ վերջնագրի պահանջները իրենք են ստեղծել»:
Իսկ խորհրդարանական ընդդիմությանը տիկին Սարգսյանը հակադարձեց. «Ինձ համար ծիծաղելի է առնվազն ՀՅԴ պահվածքը: Կա իրական խնդիր՝ իշխանությունը բռնազավթած մարդկանցից երկիրն ազատելու, իշխանությունը ժողովրդին վերադարձնելու: Մենք հիմա դրանով ենք զբաղված: Եթե իրենք համամիտ են մեզ հետ, այս պայքարը կարող են մեզ հետ միասին շարունակել. միայն ուրախ կլինենք:
Բայց նրանց կողմից դեռ նման միտում չեմ տեսնում»,- ասաց տիկին Սարգսյանը:
