«Ցավալի է, երբ ավանդական կուսակցության ներսում չկա փոխհամաձայնություն, բայց ամեն ինչ իր պատճառներն ու հիմքերն ունի: Ավանդական կուսակցություններն ունեն իրենց յուրահատկությունները, եւ քանի որ դրանք ներկայացված են բազմաթիվ երկրներում, շատ հաճախ դրսի կառույցներում տեղյակ չեն լինում, թե ինչ է իրականում կատարվում Հայաստանում, ինչ քաղաքական շահեր են հետապնդում իրենց քույր կառույցները, եւ արդյոք ծառայո՞ւմ են այն նպատակին, որի համար ստեղծվել է կուսակցությունը»,- երեկ «Առավոտի» հետ զրույցում անդրադառնալով ՀՅԴ Արեւմտյան Ամերիկայի կենտրոնական կոմիտեի հայտնի հայտարարությանը, որում բավականին սուր գնահատականներ էին տրված ՀՀ նախագահ Սերժ Սարգսյանի պաշտոնավարմանը, ասաց մեկ այլ ավանդական կուսակցության՝ ՍԴՀԿ ատենապետ Լյուդմիլա Սարգսյանը:
