Арарат Мкртчян: «Переговоры между властью и оппозицией заложили основу новой политической культуры в Армении»

Экс-министр здравоохранения Армении, представитель социал-демократической партии "Гнчак" ("Колокол") Арарат Мкртчян в интервью «ВК» подводит итоги 2011 года и дает прогнозы на 2012 год.

- Какие наиболее важные, на ваш взгляд, события произошли во внутриполитической жизни Армении в ушедшем году?

- Правящая коалиция (в лице парламента и правительства) полностью провалила свои предвыборные обещания, а также программу правительства на 2008-2012 годы. Свидетельством этого можно считать недавнее выступление премьер-министра Тиграна Саркисяна, в котором он указал на очень высокий уровень бедности и миграции.

Realpolitik ծրագրի հյուրն է Արարատ Մկրտչյանը

Ճգնաժամը եկել ու դուրս չի գալիս

Հարցազրույց ՍԴՀԿ անդամ, առողջապահության նախկին նախարար, բժշկական գիտությունների դոկտոր Արարատ Մկրտչյանի հետ
- Ինչպե՞ս կգնահատեք անցնող տարին. սոցիալ-տնտեսական առումով այս տարին ինչ տվեց Հայաստանին:
- 2011 թ. բավական հետաքրքիր տարի էր այն առումով, որ նաեւ պետք է լիներ իշխող կոալիցիայի կառավարության հաշվետվության տարի: Մի քանի ամիս հետո կանգնելու ենք ընտրությունների շեմին: Եվ հիմա կոալիցիան պետք է հաշվետվություն ներկայացներ իր կառավարության ձեւավորման ժամանակ տված խոստումների կատարման առումով: Բայց այս տարի ոչ միայն հաշվետվություն չեղավ, այլեւ՝ կոալիցիան նոր ծրագրեր է առաջարկում: Ես կցանկանայի դիտարկել, թե սոցիալական պաշտպանվածության խնդիրների առումով ինչ արեց կառավարությունն ու ինչ ցուցանիշներ արձանագրեց:

Մեծ է հավանականությունը, որ ՀՀԿ-ն և ԲՀԿ-ն առաջիկա ընտրություններին կգնան միասնական ցուցակով. ՀԱԿ

Հայ ազգային կոնգրեսի անդամ Արարատ Մկրտչյանի կարծիքով՝ բավական մեծ է հավանականությունը, որ ՀՀԿ-ն և ԲՀԿ-ն առաջիկա ընտրություններին կգնան հենց միասնական ցուցակով: Այս մասին նա ասաց «Առաջին լրատվական»-ի հետ զրույցում:
«Իշխանության նման գործողությունը ես նորմալ եմ դիտարկում, որովհետև մինչև օրս ոչ սահմանադրական, ոչ կանոնակարգված կոալիցիայից այս տարիների ընթացքում ամեն բան տեսանք: Այնպես որ, մինչև ընտրություններ ցանկացած տեսակի միավորումներ հնարավոր եմ համարում՝ ինչպես ԲՀԿ-ի, այնպես էլ ՕԵԿ-ի հետ կապված: Ինձ թվում է՝ լուրջ ինտրիգ չի լինի, քանի որ նրանք տարիների ընթացքում գործել են նույն ձեռագրով և վարած քաղաքականության ու ծրագրերի մեջ էլ էական տարբերություններ չկան: ՀՀԿ-ն էլ, ԲՀԿ-ն էլ օլիգարխիկ բնույթ ու ծնունդ ունեն, և բավականին նորմալ է, որ նրանք միասնական ցուցակ ունենան»,- ասաց նա:

ՀԱՅԱՍՏԱՆՈՒՄ ԲՆԱԿՉՈՒԹՅՈՒՆԸ ԾԵՐԱՆՈՒՄ Է

«Գոնե ինձ մոտ տպավորություն ստեղծվեց, որ հենց իմացել են` սերտիֆիկատ են ստանալու, միանգամից վազել են ննջասենյակ եւ զբաղվել են երեխայաստեղծ գործունեությամբ»,-անդրադառնալով կոալիցիայի «Ծնելիության սերտիֆիկատ» նախաձեռնությանը  եւ դրան վերագրվող ծնելիության աճին` նշեց առողջապահության նախկին նախարար, Հայ ազգային կոնգրեսի անդամ Արարատ Մկրտչյանը:
-Պարո՛ն Մկրտչյան, հայտնի է, որ առողջապահության նախարարությունն ակտիվ քննարկում է կամավոր առողջապահական ապահովագրության մասին օրենքի նախագիծը, որից հետո, ըստ տեղեկությունների, անցում է կատարվելու պարտադիրին: Մինչդեռ մասնագետները նշում են, որ դա դառնալու է նոր ԱՊՊԱ:

Կառավարությունը խաբե՞լ էր

Առողջապահության նախկին նախարարը՝ 2012-ի բյուջեի մասին

«2012-ի բյուջեով գոնե կոալիցիոն կառավարությունը որոշակի գաղափարական փոփոխություններ ամրագրեր, որպեսզի ընտրողների առջեւ ասելու բան ունենային. ասենք՝ խոստացված տարածաշրջանային առողջապահական կենտրոնների վերաբերյալ այսպիսի գումարներ ենք հատկացրել եւ այսպիսի ծրագրեր ենք անելու… ՀՀԿ նախընտրական ծրագրում առողջապահական ոլորտի առաջնահերթություն էր ամրագրված պետպատվերի տեղադրման նոր ձեւի ներդնումը: Դժբախտաբար, այս բյուջեում էլ դա չենք տեսնում, եւ, որ ամենակարեւորն է, 2012-ի բյուջեի նախագծով էլ չի նախատեսվում կատարել կառավարության ծրագրում ամրագրված հիմնական խոստումներից մեկը՝ առողջապահական բյուջեին հատկացումները հասցնել 2,2 տոկոսի՝

Արարատ Մկրտչյան. «Շուկայի 70 տոկոսը Սամվել Ալեքսանյանինն է»

Ըստ առողջապահության նախկին նախարարի, Հայաստանում կեղծ եւ ժամկետանց դեղերի խնդիրը կոծկում են՝ օլիգարխների շահույթը չսահմանափակելու համար

Հոկտեմբերի 8-ին ԵԽ-ում ընդունվել էր «Մեդիկրիմ» հռչակագիրը՝ ընդդեմ կեղծ դեղամիջոցների եւ ոլորտում կեղծարարության: Հոկտեմբերի 26-ին Եվրոպայի խորհրդի նախաձեռնությամբ անցկացվեց ընդդեմ կեղծ դեղամիջոցների գիտաժողով, որտեղ ներկայացվեց «Մեդիկրիմը»: Այս պահին «Մեդիկրիմը» ստորագրել է 12 պետություն. Գերմանիա, Իսրայել, Իսլանդիա, Իտալիա, Կիպրոս, Պորտուգալիա, Ռուսաստան, Ուկրաինա, Ֆինլանդիա, Ֆրանսիա, Շվեյցարիա: Հռչակագիրը բաց է ստորագրման համար: Հայաստանը չի միացել այդ հռչակագրին, մինչդեռ, ըստ տեղեկությունների, Հայաստանում շատ կան լեհական արտադրության կեղծ դեղեր:

Չի բացառվում, որ Սերժ Սարգսյանը մոտ ապագայում ցրի Ազգային ժողովը. ՀԱԿ ներկայացուցիչ

Հայ ազգային կոնգրեսի ներկայացուցիչ Արարատ Մկրտչյանը կասկածում է, որ ԱԺ նախագահ Հովիկ Աբրահամյանն ու նախագահի աշխատակազմի ղեկավարի տեղակալ Միքայել Մինասյանը, սեփական պաշտոններից հրաժարվելով, «գնում են» ՀՀԿ շտաբը ղեկավարելու, և նրանց` նման որոշում կայացնելու պատճառներն ավելի խորքային է համարում: Նման տեսակետ Մկրտչյանը հայտնեց «Առաջին լրատվական»-ի հետ զրույցում:
«Միաժամանակ, չեմ կարող հստակ ասել, թե ո՞ւր են նրանք երկուսը գնում, բայց դժվար թե ՀՀԿ շտաբը ղեկավարելու: Ընտրություններից մի քանի ամիս առաջ շտաբի ղեկավար և առաջին տեղակալ նշանակելը ժամանակավրեպ է, իսկ եթե այս ամենը համապատասխանում է իրականությանը, ուրեմն մենք գնում ենք արտահերթ ընտրությունների: Բացի այդ, այն ձևակերպումը, որ հրաժարականից հետո արեց նախագահի աշխատակազմի ղեկավարի տեղակալ Միքայել Մինասյանը, մի քիչ տարակուսանք է հարուցում և կասկածներս հիմնավորում:

Վարչակազմը տապալել է առողջապահության համակարգի բարեփոխումների ծրագիրը

2007 թվականի խորհրդարանական ընտրություններից ի վեր Հայաստանում առողջապահության ոլորտում գրեթե ոչ մի բան չի արվել, վարչակազմն ամբողջությամբ տապալել է այդ համակարգի բարեփոխումների ծրագիրը:«Առաջին լրատվականի» հետ զրույցում նման տեսակետ հայտնեց Հայ ազգային կոնգրեսի առողջապահության հանձնախմբի անդամ Արարատ Մկրտչյանը:

Ամբողջությամբ խաթարված են ժողովուրդ-առողջապահություն հարաբերությունները. Արարատ Մկրտչյան

Ասել, թե Հայաստանում առողջապահության ոլորտում վերջին տարիներին հայտնագործություններ են կատարվել, սխալ կլինի: Գիտական մշակումների նկատմամբ երկրի ամենաբարձրաստիճան ղեկավարի կողմից անտարբերություն է ցուցաբերվում: «Առաջին լրատվական»-ի հետ զրույցում այս մասին ասաց Հայ ազգային կոնգրեսի առողջապահության հանձնախմբի ղեկավար Արարատ Մկրտչյանը:

ՎԱՐՉԱՊԵՏՆ ՈՒ «ԿՐԻՏԻԿԱԿԱՆ ԶԱՆԳՎԱԾԸ»

Նախկին նախարարը քննադատում է 
«Ես գտնում եմ, որ Սերժ Սարգսյանն էլ իր հերթին առաջարկեց բանակցային ֆորմատ»,- նկատի ունենալով երկխոսության վերաբերյալ նախագահի հրապարակած սկզբունքները՝ «Առավոտի» հետ զրույցում ասաց առողջապահության նախկին նախարար Արարատ Մկրտչյանը: Բայց նա գտնում է, որ կառավարության հետ սոցիալ-տնտեսական հարցերի շուրջ բանակցելու խնդիր չկա, քանի որ Տիգրան Սարգսյանի կառավարությունն արդեն քանիցս ապացուցել է, որ ինքն ի վիճակի չէ որեւէ բան անել: Ամեն դեպքում, նա, ի հեճուկս արտահերթ ընտրությունները բացառելու մասին մինչ օրս իշխանավորների կողմից արած հայտարարությունների, դեմ չէ նախագահի աշխատակազմի կամ ԱԺ նախագահի հետ քննարկել արտահերթ ընտրությունների ժամանակացույցը եւ թափանցիկության ապահովումը: Թեեւ ամառվա ընթացքում, ըստ ՍԴՀԿ ներկայացուցչի, հայաստանյան ներքաղաքական կյանքում էական զարգացումներ չեն լինի, բայց դա չի նշանակում, որ «կափարիչը դրվեց կաթսայի վրա. ուղղակի չի երեւում, որ գոլորշի է բարձրանում»:
Բացի արտաքին սուր մարտահրավերներից, մեր զրուցակիցը կարեւորում է ներսում առկա աննախադեպ սոցիալ-տնտեսական իրավիճակը:

Մեծ կոռուպցիան` մեծերով

Փետրվարի վերջին Լոռու մարզում կալանավորված երկու բժշկուհիների կալանքի ժամկետը երկարաձգվել է եւս 2 ամսով: Այս խնդրի շուրջ մեր զրույցը առողջապահության նախկին նախարար, Հայ ազգային կոնգրեսի առողջապահության հանձնախմբի անդամ Արարատ Մկրտչյանի հետ է:

- Պարոն Մկրտչյան, ինչպե՞ս եք գնահատում Լոռու մարզի 2 բժշկուհիներին կաշառք ստանալու մեղադրանքով կալանավորելու, այժմ էլ կալանքի ժամկետը երկարաձգելու փաստը:

PS. Հյուրը Արարատ Մկրտչյանն է

«Սոցիալ-տնտեսական ճգնաժամը Հայաստանում և երիտասարդության խնդիրները»

 

Հայ Ազգային Կոնգրեսի անդամ, ՍԴՀԿ անդամ, Առոջապահության նախկին նախարար Արարատ Մկրտչյանն այսօր «Սոցիալ-տնտեսական ճգնաժամը Հայաստանում և երիտասարդության խնդիրները» թեմայով սեմինար էր կազմակերպել:

Սեմինարին մասնակցում էին ՍԴՀԿ «Սարգիս Տխրունի» երիասարդական միության երիտասարդները:

Իր խոսքոի ընթացքում Մկրտչյանը նկատել է, որ այսօր բարձր պաշտոններ զբաղեցնող երիտասարդները  կառավարման դպրոցի ճանապարհը չեն անցել:

«Երիտասարդների համար մեր իշխանությունները նաև պրոբլեմ են ստեղծում: Ասում են՝ լավ ծառայել ես,  գնա աշխատի: Դրանով արջի ծառայություն են մատուցում երիտասարդներին, քանի որ նրանք, զբաղեցնելով բարձր պաշտոններ, բայց չունենալով բավարար հիմք` չեն կարողանում աշխատել»,- ասել է Մկրտչյանը:

Նա ընդգծել է այսօրվա երիտասարդության առջև ծառացած երեք հիմնական խնդիրները՝ նյութական, սոցիալական և մշակութային:

«Իշխանությունները խարսխված են բազեաարծիվական խնդիրների վրա, իսկ մնացած երիտասարդների խնդիրները անտեսված են: Եվ բյուջեով նույնիսկ «Բազեի» համար գումար են ամրագրել»,- ասել է բանախոսը՝  հավելելով, որ «ով արծիվ չի, ով բազե չի, այլ ուղղակի երիտաասարդ է, նրա խնդիրներն անտեսված են»:

Սեմինարին մասնակից երիտասարդները ևս փաստել են, որ այսօր երիտասարդների համար խնդիր է այն, որ իրենք կարողանան հնարավությունների շրջանակներում դրսևորվեն և իր իրենց վաղվա օրը տեսնեն:

Նրանց խոսքով՝ այդ վաղվա օրը չտեսնող երիտասարդը մի օր կթողնի ու կգնա Հայաստանից, ինչը հաճախակի բնույթ է կրում այսօր:

http://www.epress.am/2011/03/13/հայաստանում-չեն-անտեսվում-միայն-բազե/

Ազատություն ռադիոկայան.21.11.2010-Արարատ Մկրտչյան.

Իշխանությունը լսողության հետ խնդիր ունի

Այս տարեսկզբին Հայ ազգային կոնգրեսը ներկայացրեց «100 քայլ. սոցիալ-տնտեսական քաղաքականության համակարգային վերափոխման ծրագիրը»: Դրանից հետո Հայ ազգային կոնգրեսը հրապարակեց նաեւ «Կենսաթոշակային բարեփոխման ծրագիրը» եւ «Առողջության պահպանման քաղաքականություն. հիմնադրույթները»: ՀՀ նախկին առողջապահության նախարար, Հայ ազգային կոնգրեսի անդամ Արարատ Մկրտչյանից հետաքրքվեցինք, թե իշխանություններն արդյոք արձագանքե՞լ են Հայ ազգային կոնգրեսի ներկայացրած ծրագրերին: Արարատ Մկրտչյանը հիշեց, որ «Առողջության պահպանման քաղաքականություն. հիմանդրույթներ» ծրագիրը հրապարակելուց եւ հանրայնացնելուց հետո լրատվամիջոցներից մեկը հարց էր ուղղել Առողջապահության նախարարին ծրագրի վերաբերյալ: Առողջապահության նախարարը պատասխանել էր, որ ՀԱԿ-ը ներկայացրել է իրենց շատ հասարակ, սովորական մի ծրագիր: «Իշխանությունները համապատասխան կառույցներին հրահանգել են չարձագանքել մեր ներկայացրած ծրագրերին: 100 քայլին չարձագանքեցին, չարձագանքեցին նաեւ «Առողջության պահպանման ծրագրին»»,- ասաց Արարատ Մկրտչյանը: Նա կարծիք հայտնեց, որ ցանկության դեպքում իշխանությունները կարող էին այդ ծրագիրը դնել քննարկման, հարցադրումներ առաջ քաշել, սակայն դա չարեցին:

http://www.facebook.com/group.php?gid=160147397790

ԻՇԽԱՆՈՒԹՅԱՆ «ՎԵՐՋԻՆ ՇԱՆՍԸ»

Ի՞նչ էին խոստանում՝ ինչ ստացվեց
Հայ ազգային կոնգրեսում 2011-ի բյուջեի նախագծի քննարկումների արդյունքում հանգել են այն տեսակետին, որ 2011 թվականի պետբյուջեի նախագիծը Տիգրան Սարգսյանի կառավարության եւ կոալիցիոն կուսակցությունների՝ խոստումների իրականացման վերջին շանսն է: Այս տեսանկյունից, «Առավոտի» հետ զրույցում ՀՀ առողջապահության նախկին նախարար, ՍԴՀԿ անդամ Արարատ Մկրտչյանը փորձեց համադրել կուսակցությունների եւ կոալիցիոն կառավարության, նախագահ Սերժ Սարգսյանի նախընտրական խոստումների՝ առողջապահությանը վերաբերող բաժինը՝ 2011-ի բյուջեի նախագծի հետ: Ի հեճուկս ՀՀ իշխանավորների՝ կոռուպցիոն ռիսկերի եւ բյուջեի թափանցիկության մասին անընդհատ խոսակցությունների, Արարատ Մկրտչյանն «Առավոտի» միջոցով իրազեկում է, որ համաշխարհային պրակտիկայում բյուջեի թափանցիկության խնդիրներով զբաղվող կազմակերպություն գոյություն ունի:

Ժողովրդագրական ցուցանիշները բարելավելու համար պետք է իշխանափոխություն

Արարատ Մկրտչյան

Ասում է առողջապահության նախկին նախարար, Հայ Ազգային Կոնգրեսի առողջապահության հանձնաժողովի անդամ, ՍԴՀԿ անդամ Արարատ Մկրտչյանը

- Պարոն Մկրտչյան, ՀՀՇ համագումարի ժամանակ ուենցած իր ելույթում ՀՀ առաջին նախագահ Լեւոն Տեր-Պետրոսյանը ահազանգեց ժողովրդագրական ցուցանիշների վատթարացման մասին: Նախօրեին էլ արդեն հրապարակված տվյալներով` 91-ից այս կողմ Հայաստանը լքել է 1.3 միլիոն հայ, եւ բացի այդ էլ` երկիրը լքելու ցանկություն ունեցողների թվով, նախկին ԽՍՀՄ երկրների շարքում Հայաստանը առաջին տեղն է զբաղեցնում, ինչը ի դեպ, ըստ Gallup-ի տվյալների, ավելացել է 2008-ից հետո: Որպես առողջապահության ոլորտի մասնագետ, կարո՞ղ եք ասել` ինչո՞ւ է Հայաստանը կանգնել նման ցուցանիշների առաջ, ինչո՞ւ են առաջացել այս խնդիրները:

ՍԴՀԿ-Ն ՉԻ ՇԱՐՈՒՆԱԿՈՒՄ ՊԱՌԱԿՏՎԵԼ

Արարատ Մկրտչյանը սփյուռքյան ընկերներին կոչ է անում դուրս գալ ակումբային մտածելակերպից


«Կուսակցություններում ինքնամաքրման, առողջացման գործընթացներ են գնում, եւ դա նորմալ է: Նույնը կցանկանայի տեսնել իշխանական, իշխանամետ կուսակցություններում. դա առողջացման պրոցես է՝ ներկուսակցական, արտակուսակցական մարտահրավերներին դիմակայելու եւ պայքարելու»,- «Առավոտի» հարցին՝ ի՞նչ կարծիք ունեք վերջին 1-2 ամսում ՀՀՇ-ի հետ եւ շուրջ տեղի ունեցածի վերաբերյալ, մանավանդ, որ ամիսներ առաջ ՍԴՀԿ-ն անցավ այդ ամենի միջով, ասաց ՍԴՀԿ (լյուդմիլասարգսյանական) անդամ, ՀՀ առողջապահության նախկին նախարար Արարատ Մկրտչյանը: Տարակուսանքին՝ այսինքն, դուք համարում եք, որ Արարատ Զուրաբյանը, Խաչատուր Քոքոբելյանը, Մասիս Այվազյանը եւ մյուսներն այն «հիվանդ» հատվածն էին, որից ՀՀՇ-ն մաքրվե՞ց, պարոն Մկրտչյանը նշեց. «Ոչ, թյուրընկալում եղավ. նրանք իմ ընկերներն են, իրենց հետ ես ճանապարհ եմ անցել եւ չեմ կարող որեւիցե բացասական որակում տալ: Իմ տպավորությամբ՝ դա անձերի կարծիքների բախման արդյունք էր: Ոչ ոք դուրս չի մղվել, Զուրաբյանն էլ վարչության անդամ է: Կարապետ Ռուբինյանի ձեւակերպումներն ինձ մոտ տպավորություն թողեցին, որ մարդը նեղացել է: Իրավունք ունի նեղանալու, երեւի թե, բայց՝ ոչ ավելի: Հետագա զարգացումներում, ինչպես տեսնում ենք, ՀՀՇ-ն կարողացավ բաց քննարկել խնդիրները եւ գնալ առաջ: Դա լավագույն ձեւն ու օրինակն է: Կրկնում եմ՝ ուրախ կլինեի, որ իշխանական կուսակցություններում էլ կարծիքների բախում լինի, այլ ոչ թե շարունակես տանել որոշված գիծը եւ ասել որոշված ասելիքը: Մեծ կամք պետք է ունենալ՝ ճշմարտությունն ասելու, կայուն մնալու եւ առաջ գնալու համար: Այստեղ, կարծում եմ, մեծ դեր ու նշանակություն ունեցան նաեւ ՀԱԿ-ում ինտեգրված կուսակցությունները, ՀՀ առաջին նախագահը: Անընդհատ ասում են (իշխանությունները- Ն. Գ.)՝ տարբեր գաղափարախոսություն դավանող մարդիկ ո՞նց կարող են ծրագիր համատեղել: Ահավասիկ»: Մեր զրուցակիցը չկիսեց «Առավոտի» տպավորությունը, որ ՀԱԿ-ը տարբեր ոլորտներին պատկանող ծրագրերի պատրաստմամբ եւ ներկայացմամբ նախապատրաստվում է 2012 թվականի խորհրդարանական ընտրություններին: Արարատ Մկրտչյանի խոսքով՝ ՀԱԿ-ը պատրաստվում է ցանկացած՝ նախ՝ արտահերթ, հակառակ պարագայում՝ հերթական ընտրության. «Քաղաքական գործընթացները ՀԱԿ-ում բնականոն հունով են ընթանում՝ կուսակցական տեղական մարմինների, ՀԱԿ-ի գրասենյակների հզորացումն այն բնականոն հզորացումն է, որը պետք է լինի, եւ պետք է պատրաստ լինել ցանկացած ընտրության: Ինքս կողմ եմ արտահերթ ընտրությունների, որովհետեւ վիճակը ծայրահեղ եմ գնահատում՝ բոլոր առումներով»:
Ի դեպ, պերկուպերկյանական հնչակյաններն անընդհատ խոսակցություններ են տարածում, որ հակառակ թեւում գործերն այնքան էլ լավ չեն՝ անհամաձայնություններ կան Լյուդմիլա Սարգսյանի եւ Արարատ Մկրտչյանի, Գուրգեն Եղիազարյանի միջեւ: Ասում են, որ տարաձայնություններն այնքան են խորացել, որ վերջիններս անգամ կուսակցական գրասենյակ չեն այցելում: Հետաքրքրվեցինք՝ համապատասխանո՞ւմ են դրանք իրականությանը: Արարատ Մկրտչյանն այդ խոսակցություններն այսպես բնութագրեց. «Այդ մարդիկ գուշակումներ են անում՝ սուրճի բաժակի մակարդակով: Մենք եւ ներկայանում ենք ՍԴՀԿ անդամներ, եւ գրասենյակ ենք հաճախում, բնականոն իրականացնում ենք մեր կուսակցական պարտավորությունները, եւ թե ինչ լուրեր են տարածում կամ իրենց գրասենյակներում ինչեր են խոսում՝ երկրորդական է»: Հետաքրքրվեցինք՝ թե այդ դեպքում ինչո՞ւ բուռն չարձագանքեցին նրան, որ պերկուպերկյանականները դատարանում պարտվեցին: Պարոն Մկրտչյանը նկատեց, թե մի բանը, որն իրականությանը համապատասխանում էր, չէր կարող արտառոց արձագանքի արժանանալ: Ըստ նրա, այդ վճիռը շատ կարեւոր էր, քանի որ իրավական հարթության մեջ հարցին լուծում տրվեց, նաեւ՝ եզակի դեպք էր մեր իրականության մեջ, որ չժխտվեցին իրավական նորմերը: Հարցին էլ՝ եթե մյուս թեւը «պրոյեկտ» էր, տրամաբանական չէ՞ր, որ իշխանությունը՝ ի դեմս դատարանի, պաշտպաներ նրանց, մեր զրուցակիցը պատասխանեց. «Ուրեմն, արդեն հետաքրքիր չեն: Դե գիտեք, պրոյեկտ է, փորձում են՝ չի ստացվում, այլ տեղ են փորձում՝ գուցե կստացվի: Շախմատիստներ են, չէ՞. սպորտային դիվանագիտություն է, շախմատային քայլեր... Այս ամենում մի բան էր կարեւոր. մարդիկ, ովքեր նվիրված էին կուսակցությանը, կայուն մնացին իրենց դիրքերում, եւ արտառոց ոչինչ տեղի չունեցավ: Կարծում եմ, որ ՀՀ օրենսդրության հետ պետք է հաշվի նստի նաեւ Սփյուռքը եւ դադարի ակումբային խնդիրների հարթության մեջ Հայաստանում կուսակցական խնդիրներ լուծելուց: Սփյուռքյան մեր ընկերներին կոչ եմ անում ողջամիտ լինել, խորհուրդ կտամ վեր կանգնել ակումբայինից եւ գործել «Կուսակցությունների մասին» ՀՀ օրենքի եւ ՀՀ արդարադատության նախարարությունում հաստատված կանոնադրության շրջանակներում»:
Հ. Գ. ՀՀՇ համագումարում ՀՀ առաջին նախագահի ելույթի դեմոգրաֆիական խնդիրների վերաբերյալ Արարատ Մկրտչյանի վերլուծությունները՝ վաղվա համարում:

ՆԵԼԼԻ ԳՐԻԳՈՐՅԱՆ
http://aravot.am/am/articles/politics/81484/view

Արարատ Մկրտչյանը ծանոթ է Հարություն Քուշկյանի կերպարին

«Եթե համադրենք առողջապահության նախարարության կողմից իրականացվող ծրագիրը Հայ ԱզգայինԿոնգրեսի ներկայացրած ծրագրի հետ, ապա ոչ մի համընկնումներ չենք տեսնի։ Այստեղ ակներեւ է դառնում, որ առողջապահության նախարարը չի ծանոթացել ՀԱԿ ծրագրին»,-NEWS.am-ի թղթակցի հետ զրույցում, մեկնաբանելով առողջապահության նախարար Հարություն Քուշկյանի հայտարարությունը՝ ասաց առողջապահության նախկին նախարար, Հայ Ազգային Կոնգրեսի առողջապահության հանձնաժողովի ղեկավար Արարատ Մկրտչյանը։ Նշենք, որ Հարություն Քուշկյանը Ծաղկաձորում օրերս տեղի ունեցած սեմինարի ժամանակ լրագրողներին ասել էր, թե «Հայ Ազգային Կոնգրեսի առողջապահական ծրագիրը առողջապահության նախարարության  առօրյա աշխատանքի արձանագրումն է, որում նոր երանգներ կան, սակայն  նոր առաջարկ չկա»:

«Առողջապահության նախարարությունը հարկավ իրականացնում է կառավարության եռամյա ծրագիրը, որը դրված է կառավարության պաշտոնական կայքում։ Իսկ եթե այլ ծրագիր է անում, այսինքն այն, որը ՀԱԿ-ի ներկայացրած ծրագրի կրկնությունն է, ապա այստեղ ի հայտ է գալիս վարչապետի պրոբլեմը, քանի որ ստացվում է, որ կառավարությունը հաստատել է մի ծրագիր, իսկ նախարարությունն  իրականացնում է այդ ծրագրի այն դրույթները, որոնք ներկայացրել է նաեւ ՀԱԿ-ը»,-մեկնաբանելով Քուշկյանին՝ ասաց Արարատ Մկրտչյանը՝ միաժամանակ հավելելով, թե  նախարարի հայտարարությունը պետք է որ վարչապետի ուշադրությունը գրավի։    

Ի դեպ,  նույն սեմինարում Հարություն Քուշկյանն ասել էր նաեւ, թե չի ճանաչում Արարատ Մկրտչյան անունով մարդու։ Արարատ Մկրտչյանը նախարարի այս արտահայտությունը չցանկացավ մեկնաբանել, միայն նշեց, որ ինքը գիտի եւ ճանաչում է Հարություն Քուշկյան անունով անձի։ «Նրան տեսել եմ հեռուստատեսությամբ, երբ որպես քաղաքապետի թեկնածու՝ Երեւանի ավագանու ընտրությունների ժամանակ իր ծրագիրն էր ներկայացնում։ Երբ հաղորդավարը՝ Պետրոս Ղազարյանը հարց տվեց, թե ո՞վ է իր պատկերացմամբ երեւանցին, Քուշկյանն ասաց, թե երեւանցու իր պատկերացրած կերպարը Թումանյան փողոցի կրպակում ծխախոտ վաճառող Փուռթոուլն էր։ Իսկ երբ հաղորդավարը հարցրեց,  թե ո՞ր կառավարման համակարգն է  իր համար հոգեհարազատ, Քուշկյանի պատասխանը եղավ սա՝ «սովետական կառավարման համակարգի մեթոդաբանությունը»։ Ահա այս ձեւակերպումներից եմ ես ճանաչում նրան»,-նշեց Մկրտչյանը։

Հիշեցնենք, որ Հայ Ազգային Կոնգրեսը վերջերս հրապարակել է առողջապահության քաղաքականության հիմնադրույթների իր ծրագիրը, որտեղ մեծ տեղ է հատկացվում հիվանդությունների կանխարգելմանը։

http://news.am/arm/news/24284.html