ԱՍՈՒԼԻՍ՝ ՀԱՅԿ ԲԱԲՈՒԽԱՆՅԱՆ ԵՎ ԼՅՈՒԴՄԻԼԱ ՍԱՐԳՍՅԱՆ

Սեպտեմբռրի 28-ին «Հայելի» ակումբը հյուրընկալել էր ՍԻՄ նախագահ Հայկ Բաբուխանյանին և ՍԴՀԿ ատենապետ Լյուդմիլա Սարգսյանին: Ասուլիսի թեման՝ «Թուրքական ագրեսիայի 90-ամյակը: Ներքաղաքական դաշտ. ուժերի հարաբերակցություն»:

Վարող.-Բարև՛ ձեզ, շնորհակալություն, որ հրավերն ընդունեցիք, այսօր մեր հյուրերն են ՍԻՄ նախագահ Հայկ Բաբուխանյանը և ՍԴՀԿ ատենապետ Լյուդմիլա Սարգսյանը: Մենք այսօր ավելի շատ ներքաղաքական խնմդիրներին ենք անդրադառնալու, բայց մինչ այդ ինձ պրն Բաբուխանյանը հուշեց, որ այսօր շատ կարևոր օր է՝ թուրքական ագրեսիայի 90-ամյակն է:

ՍՈՑԻԱԼ-ԴԵՄՈԿՐԱՏՆԵՐԻ ԵՎ ԱԶԱՏԱԿԱՆՆԵՐԻ ՄԻՋԵՎ ԳԱՂԱՓԱՐԱԽՈՍԱԿԱՆ ՏԱՐԱԾՈՒԹՅՈՒՆԸ ՓՈՔՐԱՑԵԼ Է

Պնդում է ՀԱԿ կենտրոնական գրասենյակի անդամ, քաղաքագիտության դոկտոր, Լիհայ համալսարանի պրոֆեսոր Արման Գրիգորյանը:
- Շուրջ երկու ամիս առաջ Դուք հայտարարել էիք, թե ՀԱԿ-ն ի վերջո ձախակենտրոն ուժ է դառնալու, որտեղ գերիշխող է լինելու սոցիալ-դեմոկրատական գաղափարախոսությունը: Ինչպես եւ կարելի էր սպասել՝ հայտարարությունը ոչ միանշանակ գնահատականների արժանացավ: Մասնավորապես, որոշ մարդիկ դա մեկնաբանեցին որպես ՀԱԿ-ի պառակտման նշան:
- Դե, հիմա Հայաստանում քաղաքականության մասին շատ ու դատարկ խոսելը փեշակ սարքած մարդկանց մի խումբ կա, որի բան ու գործը ՀԱԿ-ի պառակտման ու կործանման նշաններ տեսնելն է: Այդ մարդիկ անձրեւոտ եղանակն էլ են ՀԱԿ-ի պառակտման ու կործանման նշան համարում:

Սոցիալիզմ և սոցիալ-դեմոկրատիա

Սոցիալիզմը սոցիալական կազմակերպման ձև է` հիմնված արտադրության միջոցների կոլեկտիվ սեփականության վրա` ի հակադրություն կապիտալիզմի:
Սոցիալիստական շարժումը փնտրում է սոցիալական արդարություն և քննադատում է մարդու շահագործումը և սոցիալական անհավասարությունները, պաշտպանում է սոցիալական առաջադիմությունը, քարոզում է հավասար հասարակություն` առանց սոցիալական դասակարգերի:

Սոցիալիզմի տարբեր իմաստները

Համաձայն աշխարհագրական մոտեցման
Սոցիալիզմ բառը տարբեր իմաստներ է ձեռք բերել` համաձայն երկրի: Այսպես`այժմ միջերկրածովյան և կենտրոնական Եվրոպայում ''սոցիալիզմը'' այն է, ինչ համապատասխանում է գերմանական կամ սկանդինավյան մշակույթ ունեցող երկրների սոցիալ-դեմոկրատիային: Ֆրանսիական, իտալական, իսպանական և այլ սոցիալիստական կուսակցությունները մեծամասամբ նույնպես պաշտպանում են սոցիալ-դեմոկրատիան:
Անգլո-սաքսոնական երկրներում ''սոցիալիզմ'' ասելով ավելի շատ հասկանում են շարժման հեղափոխական հոսանքը: Անգլերենում, սոցիալիստ տերմինը պահպանել է իր արմատական իմաստը: Այն օգտագործվել է ծայրահեղ ձախականություն ցույց տալու և ասոցացվել է կոմունիստ տերմինի հետ: Նաև, օր. Շոտլանդիայում Solidarity (Scotland's Socialist Movement) Համերաշխություն /Շոտլանդիայի սոցիալիստական շարժում/ ծայրահեղ ձախ կուսակցություն է, ինչպես նաև Մեծ Բրիտանիայի սոցիալիստական կուսակցությունը:

Համաձայն քաղաքական տեսանկյունների
հեղափոխական կամ բարեփոխական սոցիալիզմ. սոցիալիզմը կարող է լինել միայն կապիտալիզմի համընդհանուր ոչնչացմամբ և նրա փոխարինմամբ սոցիալիստական հասարակությամբ և սրան հասնելու համար հարկավոր է անել մի շարք հեղափոխություններ կամ բարեփոխումներ:

Սոցիալ-դեմոկրատիա. Սոցիալիզմը կարելի է իրականացնել ռեֆորմների միջոցով` մնալով կապիտալիզմի շրջանակներում և ''լբերալ'' տնտեսության հետ փոխզիջումների շնորհիվ: Սոցիալիզմի մասին այս տեսակետները, որ արդի քաղաքական լեքսիկոնով կոչվում է սոցիալ-դեմոկրատիա կամ ''չափավոր'', չի ընդունվում որպես իրական ''սոցիալիստական'' սոցիալիզմի այլ ճյուղերի կողմից:

Խորհրդային վարչակազմի հարցը: Սոցիալիզմ տերմինն օգտագործվել է սովետական առաջնորդների կողմից սեփական վարչակարգը բնութագրելու համար /ԽՍՀՄ/: Լենինյան տեսաբանների կողմից սոցիալիզմը համարվում էր դեպի կոմունիզմ` իդեալական և առանց դասակարգերի հասարակություն, տանող միջանկյալ փուլ: Պատմական տեսանկյունից սառը պատերազմի ընթացքում համընդհանուր օգտագործում էր գտել ''սոցիալիստական ճամբար'' հասկացությունը` /ի դեմս ԽՍՀՄ-ի և Վարշավայի պակտի երկրների/ ի հակադրություն ''կապիտալիստական ճամբարի'' կամ ''Արևմուտքի'' /ի դեմս ԱՄՆ-ի և ՆԱՏՕ-ի անդամ պետությունների/:

Սոցիալ-դեմոկրատիա
1-ին աշխարհամարտի նախօրեին սոցիալ-դեմոկրատիան և սոցիալիզմն առանձնապես իրարից չէին տարբերվում: Տարբերությունները միայն վերաբերվում էին 2-րդ Ինտերնացիոնալի մեջ մտած կուսակցությունների /ավստրոմարքսիզմ, բրիտանական լեյբորիզմ, բելգիական սոցիալիզմ/ ծրագրային նրբերանգների: Կապիտալիզմը մնում էր սոցիալիզմի գլխավոր հակառակորդը` անկախ նրանց բարեփոխական, կենտրոնամետ թե հեղափոխական ճյուղերի: Նրանց բոլորի համար էլ արտադրամիջոցների հանրայնացումը անքննարկելի էին: Տարբերությունները բարեփոխիչների և հեղափոխականների միջև միայն ծագում էին պառլամենտի տեղի և դերի և նոր քաղաքական ռեժիմի մասին հարցերում:
Ռուսաստանում բոլշևիկյան դիկտատուրայի հաստատումից հետո, միջազգային սոցիալ դեմոկրատիայի համար նոր փուլ սկսվեց: Բոլշևիկները միջազգային արենայում հանդես էին գալիս որպես Մարքսի միակ օրինական հաջորդներ և ներկայացուցիչներ, ինչն էլ ստիպեց սոցիալ-դեմոկրատական կուսակցությունների ղեկավարներին ավելի հստակեցնել իրենց դիրքորոշումը մի կողմից կապիտալիզմի, մյուս կողմից կոմունիզմի նկատմամբ: Սոցիալիստ-դեմոկրատների առջև հարց առաջացավ. Արդյո՞ք կարող է լինել սոցիալիզմ առանց ժողովրդավարության: 1918թ. Բեռնի միջազգային համաժողովի ժամանակ սոցիալ-դեմոկրատների մեծամասնությունը կողմը կքվեարկեց մի բանաձևի, որի մեջ նշվում էր, որ սոցիալիստական վերափոխումը չի կարող իրականացվի, եթե այն չի հենվում ժողովրդավարական ձեռքբերումների վրա և եթե այն արմատներով չի գնում ազատության սկզբունքը:
20-ական թվականներին, բազմաթիվ սոցիալ-դեմոկրատական կուսակցություններ մշակեցին արտադրության ազգայնացման և սոցիալիզացման բազմաթիվ ծրագրեր: 30-ական թվականներից տեղի ունեցավ սոցիալ-դեմոկրատիայի կողմնորոշումը դեպի «խառը տնտեսություն», որի հիմքում ընկած էր շվեդական սոցիալիստների փորձը: 1935թ. շվեդ սոցիալիստները սկսեցին իրականացնել «ժողովրդական տուն» ծրագիրը, որը սոցիալական բարեփոխումներ էին` ուղղված հարկերի վերաբաշխմանը հոգուտ չունևոր խավերի և շուկայի խրախուսմանը պետական պլանավորման միջոցով:
Սոցիալ-դեմոկրատական այս բոլոր տարրերը սկսեցին ավելի լայնորեն իրականացվել 2-րդ աշխարհամարտից հետո լեյբորիստների կողմից Մեծ Բրիտանիայում, սոցիալ-դեմոկրատական կուսակցության կողմից Գերմանիայի Ֆեդերատիվ Հանրապետությունում, սոցիալիստների կողմից Ֆրանսիայում և եվրոպական այլ երկրներում համապատասխան կուսակցությունների կողմից: Սոցիալ-դեմոկրատիան ընդունում է սոցիալիզմի ոչ դոգմատիկ լինելը և գտնում է, որ հասարակությունը պետք է անընդհատ ենթարկվի բարեփոխումների և զարգացման, խրախուսում է ստեղծագործական վճիռները, քանզի յուրաքանչյուր ազգ և յուրաքանչյուր սերունդ պետք է ինքը որոշի սեփական նպատակները:
Այսօր սոցիալ-դեմոկրատական կուսակցությունները հանդես են գալիս հետևյալ հիմնական կետերով`
• Սոցիալական արդարություն, ազատություն, հավասարություն և եղբայրություն
• Մարդու իրավունքներ
• Հավասար իրավունքների և հնարավորությունների սկզբունքների պաշտպանություն
• Քաղաքական և գաղափարական բազմազանություն
• Սոցիալական կողմնորոշում ունեցող շուկայական տնտեսություն` ի հակակշիռ բացարձակ ազատ շուկայի
• Շուկայի սահմանափակ պետական կարգավորում
• Ձեռնարկատիրության մեջ արդյունավետ կարգավորիչ մեխանիզմների ստեղծում` ի շահ աշխատավորության և փոքր ու միջին ձեռնարկատիրության
• Արդար առևտրի սկզբունքը
• Բոլոր տեսակի ունեցվածքի իրավահավասարություն և պաշտպանություն
• Մասնավորի հետ հավասարապես մրցակցող հզոր պետական սեկտորի ստեղծում
• Ռազմավարական նշանակություն ունեցող ձեռնարկությունների ազգայնացում /ռազմական, աերոկոսմիկական, մետալուրգիական, նավթարդյունաբերության, էներգետիկայի սեկտորներ/
• Սոցիալական գործընկերություն աշխատավորների և գործատուների միջև
• Արհմիությունների հետ համագործակցություն
• Աղքատների և հարուստների միջև տարբերության կրճատում
• Բնակչության չքավոր խավերի օժանդակություն
• «Ընդհանուր բարեկեցության պետության» ստեղծում
• Աշխատավորների տնտեսկան իրավունքների պաշտպանության համակարգ
• Սոցիալական ապահովության արդյունավետ համակարգ:
• Բնության և շրջակա միջավայրի պահպանության վերաբերյալ նոր օրենքների ընդունում
• Ներգաղթի սահմանափակումների կրճատում և մշակույթների ու քաղաքակրթությունների խաղաղ գոյատևում
• Բազմակողմ հարաբերությունների սկզբունքների համապատասխանող արտաքին քաղաքականություն, ՄԱԿ-ի և այլ միջազգային կազմակերպությունների աշխատանքներին մասնակցություն
• Ժողովրդավարացում, ապառազմականացում և ագրեսիվ ռազմական դաշինքների չմասնակցություն

Վահան Շիրխանյանը երգեց իր կարապի երգը

«Վահան Շիրխանյանը երգեց իր կարապի երգը»,– Теrt.am–ի հետ զրույցում անդրադառնալով Վերաքննիչ դատարանի երեկվա որոշմանը՝ ասաց ՍԴՀԿ ատենապետ Լյուդմիլա Սարգսյանը։ Հիշեցնենք, որ երեկ Վերաքննիչ դատարանը մերժեց ՍԴՀԿ շիրխանյանական թևի հայցն ընդդեմ ՍԴՀԿ ատենապետ Լյուդմիլա Սարգսյանի, որով հայցվորը կողմը վիճարկում էր Սարգսյանի ատենապետության օրինականությունն ու պահանջում նրանից կուսակցության կնիքը։

Շիրխանյանը ծոծորակը կտեսնի

 
Երեկ Վերաքննիչ դատարանը մերժել է ՍԴՀԿ վահանշիրխանյանական թեւի հայցը, որով վերջիններս պահանջում էին իրենց տրամադրել հնչակյան կուսակցության կնիքը: Հիշեցնենք, որ շիրխանյանական թեւը դատի էր տվել ՍԴՀԿ ատենապետ Լյուդմիլա Սարգսյանին` պահանջելով կուսակցության կնիքը եւ դիմել էր Վարչական դատարան, որը մերժել էր շիխանյանենց հայցը, ինչից հետո վերջիններս հայց էին ներկայացրել Վերաքննիչ դատարան:
http://www.zhamanak.com/news/12118/  

Մոյ ադրես սովետսկիյ սոյուզ

ՍԴՀԿ Կենտրոնական վարչություն ստորագրությամբ նախօրեին հայտարարություն տարածվեց այն մասին, որ այդ անվանումով կառույցը անհամատեղելի է համարում Հայ ազգային կոնգրեսի հետ հետագա համագործակցությունը:

Ինչպես հայտնի է` 2008-ի օգոստոսի 1-ից, այսինքն Կոնգրեսի կազմավորման օրվանից ՍԴՀԿ-ն ստորագրել է Կոնգրեսին միանալու մասին հռչակագիր: Նախօրեին ՍԴՀԿ ատենապետ Լյուդմիլա Սարգսյանը բազմաթիվ լրատվամիջոցներով հայտարարեց, որ իր ղեկավարած կառույցը շարունակելու է անդամակցել Կոնգրեսին: Ու այստեղ հարց է առաջանում, թե ի՞նչ ՍԴՀԿ անունից էին հանդես գալիս Կոնգրեսի հետ չհամագործակցելու մասին հայտարարության հեղինակները, ովքեր 2009-ից առանձնացել են Լյուդմիլա Սարգսյանի ղեկավարած ՍԴՀԿ-ից, հայտնի են Շիրխանյանական թեւ անվանումով եւ նոր ատենապետ են ընտրել Գեւորգ Պերկուպերկյանին:

Երեկ ՀՀ ԱՆ Պետռեգիստրից փորձեցինք պարզել` արդյոք ՀՀ-ում կա՞ ՍԴՀԿ անունով գրանցված մի քանի կուսակցություն: ՀՀ Արդարադատության նախարարության աշխատակազմի հասարակական միավորումների, ոչ առեւտրային իրավաբանական անձանց, միությունների գրանցման բաժնի պետ Էդիկ Մարգարյանը մեզ տեղեկացրեց, որ ԱՆ-ում գրանցված է մեկ Սոցիալ դեմոկրատ հնչակյան կուսակցություն, որի կենտրոնական վարչության ատենապետը Լյուդմիլա Սարգսյանն է: Էդիկ Մարգարյանը ավելացրեց, որ կա նաեւ Հայաստանի սոցիալ դեմոկրատ հնչակյան կուսակցություն, որի ղեկավարն է Էռնեստ Սողոմոնյանը: Սա նշանակում է, որ Կոնգրեսի հետ անհամատեղելի աշխատանքի մասին էր հայտարարում մի կառույց, որը գրանված չէ Հայաստանում, ասել է թե` գործում է ՀՀ օրենքներից դուրս: Իսկ «Կուսակցությունների մասին» օրենքի Հոդված 8-ի 3-րդ կետում հստակ նշվում է, որ «Կուսակցությունները ենթակա են պետական գրանցման»: Պետական գրանցումը, ըստ նույն օրենքի, կատարվում է պետական լիազոր մարմնի կողմից, գրանցման մասին փաստը վկայող փաստաթուղթը իրավաբանական անձանց պետական գրանցամատյանում կատարված համապատասխան գրառումը եւ դա հավաստող պետական գրանցման մասին վկայականն է: ՍԴՀԿ-ի Շիրխանյանական թեւի անդամ, ԱԺ պատգամավոր Վարդան Խաչատրյանից հարցրինք, թե որտեղ է գրանցված այն կառույցը, որի անդամ է ինքը. «Հնչակյան կազմակերպությունը որպես այդպիսին դա Գեւորգ Պերկուպերկյանի գլխավորած Հնչակյան կազմակերպությունն է եւ այն, ինչը պահպանվել է Լյուդմիլա Սարգսյանի հետ միասին»: Մեր հարցին, թե արդյո՞ք Պերկուպերկյանի ղեկավարած կառույցը իր գոյության մասին հաստատող վկայական ունի, պատասխանեց. «Հիմա եթե ընթանում է դատական գործընթաց, դուք գտնում եք, որ այդ ընթացքում կարելի է գրանցվե՞լ»:

Լյուդմիլա Սարգսյանի ղեկավարած ՍԴՀԿ-ից առանձնացած Վահան Շիրխանյանը` ի պատասխան մեր հարցի, թե որտեղ է գրանցված այն կառույցը, որի անդամ է ինքը, ավելի աբսուրդ հայտարարություն արեց. «Աշխարհում, աշխարհում»,- պնդեց նա` չմանրամասնելով, թե աշխարհի հատկապես որ մասում: ՍԴՀԿ-ից առանձնացած մասի ատենապետ ընտրված Գեւորգ Պերկուպերկյանը, պարզվեց, նույնիսկ անդամատոմս չունի, որը կվկայի իր կուսակցական լինելը: Ասաց, որ այն մնացել է Լ. Սարգսյանի գրասենյակում: «Էս պահին մեր կառույցը բնականաբար որեւէ տեղ գրանցված չէ, որովհետեւ ո՞նց կարա գրանցված լինի երկու ՍԴՀԿ»,- տարակուսեց Պերկուպերկյանը: Մեր հարցին, թե իր կարծիքով կարո՞ղ է մի չգրանցված կառույցը հայտարարություն անել գրանցված կառույցի հետ համագործակցությունը դադարեցնելու մասին, Պերկուպերկյանը պատասխանեց. «Էտի հետաքրքիր հարց եք տալի, իսկ ՀԱԿ-ը գրանցվա՞ծ է ինչ-որ տեղ»,- հարցրեց նա: Նրան հիշեցրինք, որ Կոնգրեսի անդամ կուսակցությունները գրանցված են եւ բացի այդ, նրանք համատեղ գործելու հռչակագիր են ստորագրել: Պերկուպերկյանը գրեթե փոշմանեց իր բերած օրինակից, համենայնդեպս ընդունեց, որ սխալ օրինակ է բերել. «Ես օրինակ բերեցի առաջին մտքիս եկածը, ոչ թե կոնկրետ: Ասենք երիտասարդներ են իրար հետ համախմբվում ինչ-որ անվան տակ, գրանցված չեն, հիմա պարտադի՞ր է ամեն ինչը գրանցված լինի, որ հայտարարությո՞ւն անեն: Քանի դատական գործընթացը չի վերջացել, ես իմ հայտարարությունները ո՞նց պետք է տամ, եթե ոչ ՍԴՀԿ անունից»,- հարցրեց Պերկուպերկյանը: Նա հաստատեց, որ Հայաստանում գրանցված չէ նաեւ ԿՎ-ն. «Հնչակյան կուսակցության կենտրոնական վարչությունը գրանցված չէ, որովհետեւ այն համախմբում է 22 երկրում գործող կառույցներ ու կոնկրետ հասցե չունի»,- ասաց նա: Նշենք նաեւ, որ ՍԴՀԿ ԿՎ անունից տարածված հայտարարության մեջ պարզ չէր, թե ինչ համագործակցություն է դադարեցվում Կոնգրեսի հետ, քանի որ համագործակցություն Կոնգրեսի հետ ունեցել է միայն Լյուդմիլա Սարգսյանի ղեկավարած կառույցը: Պերկուպերկյանը ասաց, որ համագործակցությունը դադարեցվել է դեռ 2009-ի հունվարի 9-ին` Լ. Սարգսյանի ղեկավարած ՍԴՀԿ-ից առանձնանալուց հետո հրավիրված համագումարի օրը: «Ճիշտ է, ասենք բոլոր կամուրջները այրված չէին մեր կողմից համենայնդեպս, բայց այնպես եղավ, որ որոշեցինք հիմա հայտարարել»,- ասաց Պերկուպերկյանը: Ստացվեց, որ նախօրեին Կոնգրեսի հետ համագործակցությւնը դադարեցնելու մասին հայտարարել է մի կառույց, որը հայտնի չէ, թե ինչ կառույց է, ուստի չէր էլ կարող համագործակցել Կոնգրեսի հետ եւ հայտարարություն է արել ուղղակի իր մասին հիշեցնելու համար:

http://www.armtimes.com/15734

Շիրխանյանի պիկը

Գոյություն ունի քաղաքական գործունեության պիկ` գագաթ հասկացություն: Այսպես բնորոշվում է ամենաբարձր կետը, որին գործունեության ընթացքում հասնում է քաղաքական գործիչը: Մեկի համար պիկը ՄԱԿ-ի գլխավոր քարտուղարի կարգավիճակն է, մյուսի համար` երկրի նախագահ դառնալը, երրորդի համար` նախարարի կամ պատգամավորի կարգավիճակը, չորրորդի համար էլ` Հայ ազգային կոնգրեսից դուրս գալը: Պիկի առանձնահատկությունն այն է, որ այլեւս չի գերազանցվում, այսինքն այդ կետին հասած քաղաքական գործչի կարիերան սկսում է անկում ապրել եւ ավելի բարձր ցուցանիշներ այլեւս երբեք չի արձանագրում: Այս պրոցեսի հաշվարկման կոնկրետ բանաձեւեր չկան, եւ քաղաքական գործունեության պիկը խիստ անհատական ցուցանիշ է:

Ինչ է կատարվում հնչակների ներսում

Վերջին մեկ տարում ՍԴՀԿ շուրջ ծավալվող իրադարձությունները հասան իրենց տրամաբանական հանգրվանին. Սոցիալ-դեմոկրատական հնչակյան կուսակցության կենտրոնական վարչությունը երեկ հայտարարեց, որ իր լիագումար նիստում որոշել է այլեւս չհամագործակցել ՀԱԿ-ի հետ: “Հայ իրականության առաջին քաղաքական կուսակցությունը չի կարող լինել որեւէ այլ քաղաքական միավորի կցորդ: Կենտրոնական վարչությունը առավել եւս մերժում է ՀԱԿ-ի ուղղակի պառակտողական միջամտությունը կուսակցության ներքին հարցերին: Ուստի, անհնարին է գտնում ՀԱԿ-ի հետ հետագա համագործակցությունը ինչպես Հայաստանում, այնպես էլ Հայաստանից դուրս”,- ասված է հայտարարության մեջ:

Սեդրակ Աճեմյանը կատարեց իշխանության հրահանգը

Նա հրապարակավ դադարեցրեց համագործակցությունը ՀԱԿ-ի հետ

Լոսանջելեսաբնակ շինարար Սեդրակ Աճեմյանի ղեկավարած համահնչակյան ԿՎ-ն երեկ հանդես է եկել հայտարարությամբ, որով, ի վերջո, վերջիններս բացահայտ անցան իշխանական դաշտ` հայտարարելով, թե դադարեցնում են իրենց համագործակցությունը Հայ Ազգային Կոնգրեսի հետ:

ՍԴՀԿ ԿՎ-ն կողմ է «ոչ»-ի քաղաքականությանը

Հայ ազգային կոնգրեսին անդամակցող ՍԴՀԿ ատենապետ Լյուդմիլա Սարգսյանի լեգիտիմության հարցը բարձրացնելուց, ապա եւ նրանից առանձնանալուց հետո ՍԴՀԿ շիրխանյանական թեւը 2009-ի դեկտեմբերի 16-ին Ծաղկաձորում համագումար անցկացրեց եւ ատենապետ ընտրեց Գեւորգ Պերկուպերկյանին:

ԳՈՐԾԱԿՑՈՒԹՅՈՒՆՆ ԱՆԽԱԽՏ Է

ՍԴՀԿ կենտրոնական վարչությունն օգոստոսի 16-ի առավոտյան հայտարարություն է տարածել, թե ՍԴՀԿ-ն ու Հայ Ազգային Կոնգրեսը համատեղելի չեն իրար հետ: ՍԴՀԿ Կենտրոնական վարչության` այսօր տարածած հայտարարության վերաբերյալ զրուցեցինք ՍԴՀԿ հայաստանյան կառույցի ատենապետ Լյուդմիլա Սարգսյանի հետ:

ՍԴՀԿ ԿՎ հայտարարությունն «աբսուրդ» է. Լյուդմիլա Սարգսյան

Սոցիալ-դեմոկրատ Հնչակյան կուսակցության Կենտրոնական Վարչությունը (ՍԴՀԿ ԿՎ) իրավունք չունի հանդես գալ Հայ ազգային կոնգրեսի հետ համագործակցության կամ այն դադարեցնելու վերաբերյալ որեւէ հայտարարությամբ: Այս մասին NEWS.am-ի թղթակցի հետ զրույցում ասաց ՀԱԿ-ին անդամակցած  ՍԴՀԿ հայաստանյան կառույցի ատենապետ Լյուդմիլա Սարգսյանը: «ՍԴՀԿ կենտրոնական վարչությունը չի համագործակցում ՀԱԿ-ի հայաստանյան որեւէ կառույցի հետ, հետեւաբար՝ այդ մասին որեւէ բան հայտարարելու իրավունք չունի: Իրենք կարող են համագործակցել սփյուռքում գոյություն ունեցող ՀԱԿ կառույցների հետ եւ հայտարարություններ անել միայն այդ կառույցների հետ համագործակցություն սկսելու կամ դադարեցնելու վերաբերյալ»,-նշեց Սարգսյանը:

Մենք երբեք ՀԱԿ–ի կցորդը չենք եղել.

Օրերս Երևանում կայացած համահնչակյան կենտրոնական վարչության լիագումար նիստին ՍԴՀԿ ատենապետ Լյուդմիլա Սարգսյանը չի մասնակցել։ Այս մասին Tert.am-ին ասաց Լյուդմիլա Սարգսյանն՝ ընդգծելով. «Խոսքը համահնչակյան կենտրոնական նիստի մասին է, որը կայացել է Երևանում, և որին ես չեմ մասնակցել։ Իմ և Սեդրակ Աճեմյանի (ՍԴՀԿ կենտրոնական վարչության ղեկավարն է - Теrt.am) միջև հաշտության եզրեր չկան, և պարզ է, որ չէին հրավիրի ինձ։ Ես էլ առանձնապես տոգորված չէի մասնակցելու ցանկությամբ»։

Ինչպես դադարեցրել ենք մեր շփումները, այնպես էլ կարող ենք վերականգնել

Ինչպես հայտնի է, վարչական դատարանը անցած ամիս մերժել էր ՍԴՀԿ վահանշիրխանյանական թեւի հայցն` ընդդեմ իրական ՍԴՀԿ-ի, որով շիրխանյանենք պահանջում էին իրենց տրամադրել կուսակցության կնիքը:

Ու չնայած դատարանի մերժելուն, շիրխանյանենք այժմ էլ դիմել են վերաքննիչ դատարան` հույս ունենալով թերեւս, որ կնիքը իշխանությունները կտան իրենց: Հիշեցնենք, որ այդ ժամանակ մամուլում հրապարակումներ եղան, որ իշխանությունները թույլ տվեցին, որ դատարանը նման արդարացի որոշում կայացնի, որպեսզի այդպիսով պատժեն ՍԴՀԿ ԿՎ ատենապետ Սեդրակ Աճեմյանին, ումից ներքին համագործակցությունից բացի, չէին կարողացել Սերժ Սարգսյանին հրապարակավ սատարելու մասին հայտարարություն կորզել:

Այդ համաձայնագրի փոխարեն, ՌԴ-ն թող Հայաստանին ցորեն վաճառի

Որ էլի օրհնենք ռուսի սապո՞գը

Միաժամանակ, կրկին նույն ռուսական մամուլի միջոցով փորձ է արվել ներկայացնել տեսակետ, թե իբր «Հայաստանում ռուսական ռազմաբազայի մասին նոր համաձայնագիրը կբացառի Հայաստանի եւ Ադրբեջանի միջեւ մասշտաբային զինված հակամարտությունը` ԼՂ հիմնախնդիրը ռազմական ճանապարհով լուծելու փորձերի դեպքում»:

Այսինքն` ռուսական կողմը, փաստացի, ՀՀ իշխանությունների հետ միասին փորձ է անում այդ համաձայնագրի ստորագրումը ներկայացնել այնպես, թե այն ԼՂ հարցում պատերազմից խուսափելու մեր փրկությունն է լինելու, կոպիտ ասած` նորից մեզ ուզում են կերակրել «օրհնվի էն սհաթը, երբ ռուսի սապոգը մտավ Հայաստան» կտերով: Մինչդեռ ակնհայտ է, որ եթե մինչ այս հրապարակված կետերը իրոք տեղ գտնեն ստորագրվելիք համաձայնագրում, ապա թե՛ Մեդվեդեւի այցը, թե՛ համաձայնագրի ստորագրման փաստը անհետեւանք չեն մնալու` հատկապես Հայաստանի ներքաղաքական կյանքում, քանի որ ի վերջո հայ հասարակության համար պարզ կդառնա, որ մեր խնդիրները օգտագործելով որպես պատրվակ` Ռուսաստանը ընդամենը փորձում է ավելի ամրապնդել իր ներկայությունը Հայաստանում, եւ այդ ամենը կատարվում է ՀՀ ինքնիշխանության հաշվին: Ու քանի որ Մեդվեդեւի այցին հետեւելու է նաեւ ընդդիմության հանրահավաքը կամ ինչպես հայտարարվել է` հանրահավաքների շարքը, ապա ակնկալելի է, որ այս հարցում ընդդիմությունը կասի իր խոսքը, որը գուցե նաեւ գործի կվերածվի:

Երեկ մեզ հետ զրույցում Հայ Ազգային Կոնգրեսի անդամ ՀԼԿ նախագահ Հովհաննես Հովհաննիսյանը անդրադառնալով Մեդվեդեւի այցին եւ նախատեսված համաձայնագրի կնքմանը` հայտարարեց, թե Հայաստան-Ռուսաստան փոխհարաբերություններում բացի էմոցիաներից, իրական հարաբերություններ արդեն չկան: «Կա նոստալգիա ավագ սերնդի մոտ, իսկ պրագմատիկ հարաբերություններ` ՀՀ-ի եւ ՌԴ-ի միջեւ վաղուց գոյություն չունեն: Հարաբերությունները ձեւավորվում են գործող խունտայի` սեփական իշխանությունը պահելու, ամեն գնով պահելու մոլուցքով, ընդհուպ մինչեւ նման համաձայնագրեր ստորագրելով: Հասարակությունը տեսնում է, որ այս ռեժիմը 10 տարուց ավել ռուսական իշխանության կողմից կարողանում է վերարտադրվել: Ու քանի որ հասարակությունը հոգնել է այս ռեժիմից, ուզում է օր առաջ ազատվել նրանից, այդ դեպքում տրամադրությունները արդեն դառնում են իսկապես հակառուսական, եւ դա պիտի հասկանան նաեւ ՌԴ իշխանությունները», - հայտարարեց Հովհաննիսյանը:

Ինչ վերաբերում է համաձայնագիրը` ԼՂ հիմնախնդրով պայմանավորելու լուրին, ապա դա, ՀԼԿ նախագահի խոսքով, «ակնհայտ պոպուլիզմ է»: «Իհարկե, ե՛ւ ռուսական կողմը, ե՛ւ Մինսկի խումբը, ե՛ւ ընդհանրապես միջազգային հանրությունը պետք է ձեռնարկեն համապատասխան քայլեր, որ իսկապես պատերազմ չլինի: Բայց ռուսական ռազմաբազաներ տեղադրելով եւ ռազմաբազաներին տալով բավականին լուրջ կարգավիճակ` դրանով Հայաստանի անվտանգությունը չի պաշտպանվում, ընդհակառակը` Հայաստանի անվտանգությունը դրանով շատ ավելի խոցելի է դառնում: Մենք արդեն ունենք մի քանի համաձայնագրեր ռուսական կողմի հետ` ՀԱՊԿ-ի շրջանակներում, որոնք ապահովում են ՀԱՊԿ անդամ երկրների անվտանգությունը: Այնպես որ, այս համաձայնագիրը ընդամենը ավելի կփոքրացնի Հայաստանի` որպես սուվերեն պետության կարգավիճակը: Այդ համաձայնագրի փոխարեն, ՌԴ-ն թող Հայաստանին ցորեն վաճառի` հացի գինը երկու անգամ թանկացել է, ռազմավարական դաշնակիցը փոխանակ նման համաձայնագիր ստորագրի, որպեսզի Հայաստանում պարենային դեֆիցիտ չառաջանա, ռազմաբազաներից է խոսում», - նշեց ՀԼԿ նախագահը: Ինչ վերաբերում է Կոնգրեսի անելիքներին, ապա Հովհաննիսյանի խոսքով` դեռ «պետք է հավաքվել եւ քննարկել, քանի որ շատ բարդ իրավիճակ է»:

ՀԺԿ վարչության անդամ, Կոնգրեսի կենտրոնական շտաբում ՀԺԿ ներկայացուցիչ Գրիգոր Հարությունյանն էլ հայտարարեց, թե չի կարծում, որ Մեդվեդեւի այցն ու համաձայնագրի ստորագրումը արձագանք կգտնեն հասարակության շրջանում: «Ամբողջ էներգետիկ համակարգը, կապը, ատոմային էներգետիկան, ամբողջը ռուսական կողմի ձեռքում է, հասարակությունը ինչպե՞ս արձագանքեց: Հասարակությունն այսօր արդեն նման բաներին չի արձագանքում, հասարակությանը բերել են մի այնպիսի վիճակի, որ ինքը օրվա հացի, ստամոքսի հարց է լուծում», - նշեց պարոն Հարությունյանը: Ինչ վերաբերում է ռազմաբազայի ներկայությունը այժմ էլ ԼՂ խնդրով պայմանավորելու հարցին, ապա ՀԺԿ ներկայացուցչի խոսքով` «դրանք ամենը հեքիաթներ են»: «Ո՛չ Ադրբեջանը կհարձակվի Հայաստանի վրա, ո՛չ էլ Հայաստանը` Ադրբեջանի վրա: Համենայնդեպս, սեփական նախաձեռնությամբ նման բան չեն անի, եթե նման բան արվի էլ, ապա այլ ուժերի ազդեցության տակ կարող է արվել: Իսկ նպատակն այն է, որպեսզի ՌԴ-ն իր ներկայությունը ապահովի այստեղ, Ռուսաստանը դարեր շարունակ ձգտել է դրան», - նշեց պարոն Հարությունյանը` հավելելով, սակայն, թե պետք չէ սեպտեմբերին սկսվող հանրահավաքների շարքը կապել այդ զարգացումների հետ, առավել եւս` որ այդ հարցում որոշումներ կայացնելու համար պետք է տիրապետել բոլոր մանրամասներին, որոնք առայժմ չեն հրապարակվել:

Կոնգրեսի մաս կազմող ՍԴՀԿ ատենապետ Լյուդմիլա Սարգսյանն էլ հայտարարեց, թե թեեւ իրենք ամեն դեպքում ռուսական կողմին դիտարկում են որպես բարեկամ, բայց նաեւ այնքան միամիտ չեն, որպեսզի մտածեն, թե բարեկամը ուղիղ մեր շահերով է հետաքրքրված: «Բնականաբար, Ռուսաստանը փորձում է իր դիրքերը ավելի ուժեղացնել Հայաստանում` շատ լավ հասկանալով, որ Հարավային Կովկասում հիմնական հենակետը Հայաստանն է: Ես` որպես ՀՀ քաղաքացի, իհարկե, մտահոգ եմ երկրի անվտանգությամբ, բայց ես ուզում եմ, որ իմ երկրի անվտանգությունը մենք ինքներս կարողանանք ապահովել: Էլ չեմ ասում, որ 25 տարվա ժամկետը բավականին երկարատեւ ժամկետ է, որը երկարաձգելու կարիք չկար: Դեռ այդ ժամկետը չի ավարտվել, ինչը բավական ժամանակաշրջան էր, որպեսզի մենք կարողանայինք ճիշտ գնահատել իրավիճակը տարածաշրջանում եւ պարզել` մեկ այլ երկրի ռազմական ստորաբաժանումների ներկայությունը նպատակահարմար կլինե՞ր, թե՞ ոչ», - նշեց տիկին Սարգսյանը: ՍԴՀԿ ատենապետի խոսքով` ռազմաբազայի ներկայության ժամկետը ԼՂ հարցով պայմանավորելը իրական չէ: «Կարելի է բազմաբնույթ հիմնավորումներ բերել: Բայց ես համամիտ չեմ դրան, որովհետեւ տրամաբանություն չեմ տեսնում: Ինչ վերաբերում է Կոնգրեսին, ապա դեռ պայմանագիրը կնքված չէ, հետեւաբար խոսել այն մասին, թե ինչպիսի՞ քայլեր կարող են լինել կնքումից հետո` չեմ կարող հիմա ասել: Բայց այն իրոք կարող է անդրադառնալ մեր ներքաղաքական կյանքի վրա, եւ հետագայում մենք կարող ենք ներկայացնել մեր քալերը», - նշեց տիկին Սարգսյանը:

Քրիստինե Խանումյան 

http://www.zhamanak.com/article/15727/