Հարգելի Հնչակյան ընկերներ, այս քայլով որոշ ծախուներ վտանգում և տրոհման եզրին են կանգնեցնում համահնչակյան մեր կառույցը, որի մասին բազմիցս ժամանակին մենք տեղեկացրել ենք ԿՎ մեր ընկերներին: Նախ պետք է փաստենք, որ տվյալ հայտարարությունը և սպասվելիք 'համագումարը' հակաօրինական են և գործուն չեն ՀՀ տարածքում համաձայն ՀՀ կուսակցությունների մասին օրենքի 22 հոդվածի 1-ին կետի և ծրագիր կանոնագրի 3-րդ մասի առաջին կետի:
Ս. թ. հոկտեմբերի 31-ին համաձայն ծրագիր կանոնագրի , ՍԴՀԿ վարիչ մարմինը գումարեց նիստ, որտեղ վարչությունը միաձայն որոշում կայացրեց ՍԴՀԿ համագումար գումարել 2010 թ.-ի հունվարի 9-ին: Ոտնահարելով ՍԴՀԿ վարիչ մարմնի որոշումը ` ծախուների մի խումբ համահնչակյան ընտանիքին խառնաշփոթի մեջ գցելու նպատակով հայտարարում է 'արտակարգ' համագումար:
Ընկերնե՛ր, տեղեկացնում ենք Ձեզ, որ ՍԴՀԿ Հայաստանյան կառույցը իր գործունեությունը ծավալում է համագումարով հաստատված ծրագիր կանոնագրի համաձայն:
Տեղեկացնում եմ, որ ծրագիր կանոնագրի մեջ արտակարգ համագումար հասկացությունը ամրագրված չէ. այսինքն ընկերներ կոչվածները չէին բարեհաճել հայտարարություն անելուց առաջ կարդալ ծրագիր կանոնագիրը:
10-12 հոգով փորձ են կատարում խեղաթյուրել իրականությունը, որպեսզի ամեն գնով, մինչև իսկ կուսակցությունը պառակտելու ճանապարհով, կատարել իշխանությունների կողմից պատվիրված ծրագիրը:
Մինչ այս 'հայտարարությունը' մենք զերծ էինք մնացել իրերն իրենց անուններով կոչելուց, այժմ պետք է տեղեկանաք, որ կուսակցության ներսից քայքայման գործընթացի հեղինակը և գաղափարախոսը ,ցավոք սրտի, ՍԴՀԿ ԿՎ ատենապետ Ս. Աճեմյանն է:
Ի տրտմություն բոլորիս, այն անձնավորությունն է հեղինակում այս ամենը, որը կոչված էր ամրացնելու և հզորացնելու կուսակցությունը:
ՍԴՀԿ Հայաստանյան վարիչ մարմինը հայտարարում է` օրենքի շրջանակներից դուրս ՀՀ տարածքում անօրինական և կեղծ համագումար անցկացնելու դեպքում, մենք հարց էինք բարձացնելու ԿՎ առջև ատենապետ Ս. Աճեմյանի կուսակցական վաքագիծը արտահերթ համագումարում քննության առնելու համար:
Քանի որ ՍԴՀԿ 19-րդ համագումարը դրական է գնահատել Լ. Սարգսյանին ՍԴՀԿ Հայաստանյան վարիչ մարմնի աշխատանքը, մենք փաստւմ ենք այն, որ այս ամենը ուղղված է նաև ՍԴՀԿ 19-րդ համագումարի որոշումների դեմ:
ՍԴՀԿ վարիչ մարմնի անդամներ `
Լ. Սարգսյան
Հ. Եղիազարյան
Ա. Գաբրիելյան
Ա. Ալեքյան
Комментариев нет:
Отправить комментарий
Примечание. Отправлять комментарии могут только участники этого блога.