Դեկտեմբերի 16-ին Ծաղկաձորում տեղի է ունեցել ՍԴՀԿ Հայաստանի կառույցի 7-րդ համագումարը՝ ՍԴՀԿ-ից հեռացված կուսակցականների մասնակցությամբ: Այս ՍԴՀԿ-ի ատենապետ է ընտրվել Գևորգ Պերկուպերկյանը:
Այսօր այդ նոր կուսակցության անդամները հանդիպել են լրագրողների հետ և պատասխանել նրանց հարցերին: Նորընտիր վարչության անդամ ԱԺ պատգամավոր Վարդան Խաչատրյանը նշեց, որ 7-րդ համագումարի որոշումները որպես այդպիսին կառույցի համար բեկանելի չեն: ՍԴՀԿ մամուլի խոսնակ Նարեկ Գալստյանի խոսքով՝ համագումարին մասնակցել են Հայաստանի բոլոր շրջաններից ընտրված 51 պատվիրակներ, բոլոր կառույցների ներկայացուցիչները, որոնք անվստահություն էին հայտնել Լյուդմիլա Սարգսյանին` վերջինիս անվանելով «նախկին ատենապետ»:
Նոր ՍԴՀԿ-ականները նշեցին, որ Հայկ Բժշկյանց մասնաճյուղը, որի մասին բազմիցս խոսվել է, գոյություն ունի, և Լյուդմիալ Սարգսյանի ղեկավարած ՍԴՀԿ-ն չի կարող ցույց տալ որևէ արձանագրություն առ այն, որ նման մասնաճյուղ գոյություն չունի:
Ըստ բանախոսների՝ ներկուսակցական խմորումներն առաջացել են սրանից մեկ տարի առաջ և իրենք դեռ 4 ամիս առաջ են անվստահություն հայտնել Լյուդմիլա Սարգսյանին, սակայն փորձել են թույլ չտալ, որ կուսակցության խնդիրները մամուլի քննարկման առարկա դառնան։
Նշենք նաև, որ ՍԴՀԿ կնիքն այս պահին գտնվում է ՍԴՀԿ ատենապետ Լյուդմիլա Սարգսյանի մոտ: Լրագրողների այն հարցին, թե, այնուամենայնիվ, ով է ՍԴՀԿ ատենապետը և հասարակությունը ում պետք է ընդունի որպես Սոցիալ-դեմոկրատ հնչակյան կուսակցություն, բանախոսները նշեցին, որ «ում կընդունի համասփյուռ կառույցը, նրան էլ կճանաչեն Հնչակյան կուսակցություն»: Ավելին, նոր ՍԴՀԿ–ականները վստահ են, որ Սփյուռքն ընտրելու է իրենց:
Վաղը մամուլի ասուլիսով հանդես կգա ՍԴՀԿ համասփյուռ կառույցի ղեկավար Սեդրակ Աճեմյանը:
http://www.tert.am/am/news
Комментариев нет:
Отправить комментарий
Примечание. Отправлять комментарии могут только участники этого блога.