ՍԴՀԿ ատենապետ Լյուդմիլա Սարգսյանը, անդրադառնալով քաղբանտարկյալ Սասուն Միքայելյանին ներում շնորհելու համար ԱԺ նախագահ Հովիկ Աբրահամյանի` Սերժ Սարգսյանին ուղղված նամակին, նշեց.
«Ուղղակի շատ ավելի լավ կլիներ, որ գործն այդտեղ չհասներ, շատ ավելի շուտ հասկանային, որ չի կարելի նման տղաների բանտերում պահել, և որոշումը լիներ օրենսդրական, այլ ոչ թե քաղաքական»:
Տիկին Սարգսյանը ողջունում է, որ իշխանությունները որոշել են ազատ արձակել քաղբանտարկյալներին:
«Հիմա իշխանությունը բարի կամքի դրսևորում է ցուցաբերում, բայց հասկանում ենք, որ նրանք այս ամենը հենց այնպես չեն անում: Ես հույս ունեմ, որ մենք ստիպված չենք լինի մինչև մայիսի վերջ սպասել տղաների ազատ արձակմանը և մինչև մայիսի 10-ը տղաներին կտեսնենք ազատության մեջ»,- նշեց տիկին Սարգսյանը:
Ըստ նրա` քաղբանտարկյալներին ազատ արձակելու դեպքում արդեն հնարավոր կլինի խոսել երկխոսության մասին:
Комментариев нет:
Отправить комментарий
Примечание. Отправлять комментарии могут только участники этого блога.