суббота, 26 декабря 2009 г.

Թե ինչի շուրջ էին պայմանավորվում Վ.Խաչատրյանն ու Ս.Աճեմյանը` Սերժի եղբոր հետ



ՍԴՀԿ ԿՎ ատենապետ Սեդրակ Աճեմյանի, «Ժառանգությունից» հեռացված Վարդան Խաչատրյանի եւ Սերժ Սարգսյանի եղբայր Լեւոն Սարգսյանի` ԵՊՀ աստվածաբանական ֆակուլտետում տեղի ունեցած խորհրդավոր հանդիպման մասին «Ժամանակ»-ը տեղեկացրել է նախորդիվ:
Թեեւ եռյակի հանդիպումը պետք է փակ-գաղտնի պայմաններում կազմակերպվեր, ինչպես որ տեղի ունեցավ ՍԴՀԿ «արտակարգ համագումարը», սակայն պարոնայք չկարողացան խույս տալ ուշադիր աչքից. նրանց, ինչպես հայտնի է, բռնացրել էին «ՉԻ»-ի եւ «ՀԺ»-ի մեր կոլեգաները:

четверг, 24 декабря 2009 г.

ՍԴՀԿ վետերաններից մնացել են երեքը


ՍԴՀԿ ատենապետ Լյուդմիլա Սարգսյանը երեկ փոստով նամակ է ստացել նորերս ՍԴՀԿ արտակարգ համագումարում ատենապետ հռչակված Գեւորգ Պերկուպերկյանից, որում նա պահանջում է կուսակցության կնիքը:

ՍԴՀԿ ատենապետ Լյուդմիլա Սարգսյանը երեկ փոստով նամակ է ստացել նորերս ՍԴՀԿ արտակարգ համագումարում ատենապետ հռչակված Գեւորգ Պերկուպերկյանից, որում նա պահանջում է կուսակցության կնիքը: "Նույն նամակն էր, նույն տառասխալներով: Անգամ բլանկի վրա չէր գրած, որովհետեւ Պերկուպերկյանը չէր կարող բլանկ ունենալ, քանի որ ապօրինի "ընտրված" ատենապետ է: Կարծում եմ, որ այդ նամակը վերջերս ինձ առձեռն բերած նույնաբովանդակ նամակի պատճենն է, որն ուղղակի ուղարկել են փոստով, այլապես ուշադիր կլինեին եւ գոնե տառասխալները կուղղեին",- մեզ հետ հեռախոսազրույցում ասաց տիկին Սարգսյանը: Նա նշեց նաեւ, որ նամակում Պերկուպերկյանը ներկայացել է որպես ՍԴՀԿ ատենապետ ու իրեն դիմել որպես ՍԴՀԿ նախկին ատենապետի: Քանի որ ՍԴՀԿ արտակարգ համագումարից հետո Պերկուպերկյանի ու նրա համախոհների տարածած մամուլի հաղորդագրության մեջ նշված էր, որ Լյուդմիլա Սարգսյանը չեզոքացրել է բազմաթիվ կուսակցական ընկերների եւ ամբողջ կառույցներ, տիկին Սարգսյանին խնդրեցինք պարզաբանել, թե ինչ կառույցներ է չեզոքացրել ու քանի ընկերների: "Կառույցները ինքնաչեզոքացվել են այն իմաստով, որ եթե չեն գործում՝ լուծարվում են: Պերկուպերկյանի նշած համագումարում վետերանների միությունն իրականում չի մասնակցել այն պարզ պատճառով, որ այդ միության անդամները, ցավոք սրտի, տարեց մարդիկ էին, ու շատերն ավետել են երկար ապրել",- տեղեկացրեց տիկին Սարգսյանն ու հավելեց, որ փորձել են կապվել այդ միության անդամների հետ ու հայտնաբերել, որ նրանցից ողջ է միայն 3-ը: "Տարեց, 85-ն անց մարդիկ են, որոնք մեզ ասացին, որ վատառողջ են ու չեն կարողանալու մասնակցել հունվարի 9-ին կայանալիք մեր համագումարին, որովհետեւ տնից ընդհանրապես դուրս չեն գալիս",- տեղեկացրեց տիկին Սարգսյանը: Պարզաբանենք, որ ՍԴՀԿ վետերանների միությունը կազմված է եղել ոչ թե Հնչակյան կուսակցության հիմնադիրներից, այլ Երկրորդ համաշխարհային պատերազմի մասնակիցներից: Ինչ վերաբերում է Պերկուպերկյանի պատվավոր ատենապետությանն ու արտակարգ համագումարին, ապա տիկին Սարգսյանը տեղեկացրեց, որ այդ համագումարին մասնակցել են 2 պատգամավոր Ղափանի կառույցից եւ մեկը՝ "Սարգիս Տխրունի" երիտթեւից: "Դե հիմա պատկերացրեք, թե ում են բերել այդ համագումարին ներկայություն ապահովելու եւ պատրանք ստեղծելու նպատակով",- նշեց տիկին Սարգսյանը: Ըստ Լյուդմիլա Սարգսյանի, ՍԴՀԿ Արմավիրի կառույցը նույնպես չի մասնակցել բուտաֆորիկ համագումարին այն պարզ պատճառով, որ այդ կառույցի ղեկավարն ունի բիզնես եւ կուսակցությունից դուրս է եկել, որ բիզնեսը չտուժի: Ի դեպ, երեկ ՍԴՀԿ քաղխորհրդի անդամ Արարատ Մկրտչյանը տարածել է հաղորդագրություն, որում նշված է, որ Հայ ազգային կոնգրեսի քաղաքական խորհրդի նիստում քննարկվել եւ հաստատվել է ՀԱԿ-ի 17.12.09-ին տարածած հայտարարությունը, որում մասնավորապես նշված է. "Հայ ազգային կոնգրեսը ցավով արձանագրում է, որ Սոցիալ-դեմոկրատ հնչակյան կուսակցության ներսում առաջացել են կուսակցության միասնականությունը վտանգող խնդիրներ: Կոնգրեսի համար ընդունելի չէ ՀՀ օրենսդրությանը եւ կուսակցության կանոնադրությանը հակասող որեւէ զարգացում: Հույս ենք հայտնում, որ հնարավոր է սկիզբ տալ մի այնպիսի գործընթացի, որի շնորհիվ կվերականգնվի կուսակցության համախմբվածությունը եւ կգտնվի ընդունելի լուծում, որը կտեղավորվի օրենքների եւ կանոնադրական պահանջների շրջանակում":
Իսկ մինչ այդ լուծումը Հայ ազգային կոնգրեսը հայտարարել է, որ շարունակելու է պաշտոնապես իր գործընկեր ճանաչել Լյուդմիլա Սարգսյանի ղեկավարած Սոցիալ-դեմոկրատ հնչակյան կուսակցությունը: Ըստ ՀԱԿ-ի հաղորդագրության, Լյուդմիլա Սարգսյանի ղեկավարությամբ ՍԴՀԿ-ն  կշարունակի հանդիսանալ Կոնգրեսի կենտրոնական գրասենյակի անդամ, իսկ Կոնգրեսի կուսակցությունների քաղաքական խորհրդում կուսակցությունը կներկայացնի Արարատ Մկրտչյանը:

http://www.hraparak.am/hodvac.php?h_id=4147

Ս.Աճեմյանն ու Վ.Խաչատրյանը գաղտնի հանդիպել են Սերժի եղբոր հետ



«Ժամանակ»-ի տեղեկություններով` երեկ, ժամը 14-ի սահմաններում ՍԴՀԿ ԿՎ ատենապետ Սեդրակ Աճեմյանն ու նորընծա հնչակ Վարդան Խաչատրյանը ԵՊՀ Աստվածաբանության ֆակուլտետում (սեւ շենք) հանդիպում են ունեցել Սերժ Սարգսյանի եղբոր` Լեւոն Սարգսյանի հետ: Հանդիպումը տեղի է ունեցել Հայ եկեղեցու պատմության եւ եկեղեցաբանության ամբիոնում (Լեւոն Սարգսյանն այս ամբիոնի վարիչն է): Իմանալով այս հանդիպման մասին` այնտեղ են ժամանել «Առավոտ» եւ «ՉԻ» թերթերի ֆոտոթղթակից Գագիկ Շամշյանն ու «Հայկական ժամանակ» թերթի լրագրող Լուսինե Բարսեղյանը եւ սպասել մինչեւ Լ.Սարգսյանի աշխատասենյակից դուրս կգան հնչակյան գործիչները: Համալսարանի աշխատակիցները փորձել են խոչընդոտել լրագրողների աշխատանքը եւ դուրս հրավիրել շենքից, սակայն դա նրանց չի հաջողվել: Ի վերջո, Լեւոն Սարգսյանը դուրս է եկել եւ հանդիպել նրանց հետ: Նա չի հաստատել, որ Ս.Աճեմյանն ու Վ.Խաչատրյանը գտնվում են իր աշխատասենյակում, սակայն հաստատել է, որ Ս.Աճեմյանը իր ընկերոջ ընկերն է, եւ իրենք մտերիմ են:
http://www.zhamanak.com/news/9427/

среда, 23 декабря 2009 г.

ԿՈՆԳՐԵՍԸ ՎԵՐԱՀԱՍՏԱՏԵԼ Է ԻՐ ԴԻՐՔՈՐՈՇՈՒՄԸ

Այսօր Հայ Ազգային Կոնգրեսի Քաղաքական խորհրդի նիստուն քննարկվել և հաստատվել է ՀԱԿ 17.12.09-ին տարածած հետևյալ հայտարարությունը.

'Հայ ազգային կոնգրեսը ցավով արձանագրում է, որ Սոցիալ-դեմոկրատ հնչակյան կուսակցության ներսում առաջացել են կուսակցության միասնականությունը վտանգող խնդիրներ: Կոնգրեսի համար ընդունելի չէ ՀՀ օրենսդրությանը և կուսակցության կանոնադրությանը հակասող որևէ զարգացում:

Հույս ենք հայտնում, որ հնարավոր է սկիզբ տալ մի այնպիսի գործընթացի, որի շնորհիվ կվերականգնվի կուսակցության համախմբվածությունը և կգտնվի ընդունելի լուծում, որը կտեղավորվի օրենքների և կանոնադրական պահանջների շրջանակում:

Իսկ մինչ այդպիսի լուծումը Հայ ազգային կոնգրեսը շարունակելու է որպես իր գործընկեր պաշտոնապես ճանաչել Լյուդմիլա Սարգսյանի ղեկավարած Սոցիալ-դեմոկրատ հնչակյան կուսակցությունը:

Վերջինս կշարունակի հանդիսանալ Կոնգրեսի կենտրոնական գրասենյակի անդամ, իսկ Կոնգրեսի կուսակցությունների քաղաքական խորհրդում ՍԴՀԿ-ն կշարունակի ներկայացնել Արարատ Մկրտչյանը':

ՀԱԿ քաղաքական խորհրդում ՍԴՀԿ ներկայացուցիչ` Արարատ Մկրտչյան

«ԴԱՐԻ ՀԱՆՃԱՐ» ԴԵՌ ՉԻ ԾՆՎԵԼ



Այն, որ ՍԴՀԿ երիտասարդական «Սարգիս Տխրունի» կառույցի ատենապետն այսօր հռչակվել է կուսակցության ատենապետ, առիթ դարձավ, որ ՀՀՇ երիտասարդական թեւի ղեկավար, կուսակցության վարչության անդամ Կարեն Կարապետյանն «Առավոտի» հետ կիսի կուսակցությունների երիտթեւերի ղեկավարների «վերելքի» առիթով վերջին տարիների իր դիտարկումները:

Մասնավորաբար՝ «Մի շրջան տարբեր ընդդիմադիր կուսակցությունների երիտասարդական թեւերի ներկայացուցիչներ՝ «Հանրապետություն», ՕԵԿ, «Ազգային միաբանություն» եւ այլն, իրար ետեւից լքեցին իրենց կուսակցություններն ու ամպագոռգոռ հայտարարություններ անելով՝ համալրեցին իշխանությունների շարքերը: Եթե մինչ այդ պիոներական ոճով քննադատում էին իշխանություններին, դրանից հետո նույն պաթոսով սկսեցին պաշտպանել այդ իշխանությանը՝ քննադատության թնդանոթն ուղղելով ընդդիմության դեմ»: Մեր զրուցակիցը նկատում է, որ վերջին մեկ տարվա ընթացքում բավականին հետաքրքիր շրջադարձ է եղել, եւ կուսակցությունների երիտթեւերի ղեկավարներն այժմ, բավականին կարճ ժամանակահատվածում, կարգվում են կուսակցության ղեկավար: Մասնավորաբար՝ «Ժառանգության» օրինակը, այժմ էլ՝ ՍԴՀԿ-ն: «Եթե կուսակցության երիտթեւի նախագահը մեկ-երկու տարում դառնում է նախագահ, երեք պատճառ կարող է լինել՝ կուսակցության մարդկային ռեսուրսների դեֆիցիտի, դավադրության պատճառով, եւ եթե ծնվել է, ասենք, դարի հանճարը: Այս պարագաներում երրորդ տարբերակն ուզում եմ բացառել, մնում են առաջին երկուսը»,- ասում է Կարեն Կարապետյանը: Խուսափելով այլ որակումներից՝ մեր զրուցակիցը հավելում է. «Կարեւորը, որ մարդն իր խղճի առաջ մաքուր լինի: Քավ լիցի, թող ասածներս որպես մեղադրական չհնչեն: Եթե Արմեն Մարտիրոսյանը եւ Գեւորգ Պերկուպեկյանը գտնում են, որ իրենք հասունացել են կուսակցության նախագահ լինելու համար՝ իրենց որոշելիքն է»: ՍԴՀԿ-ում առաջացած խառնաշփոթի վերաբերյալ էլ ասում է. «Բացի այն, որ մարդկային առումով ես շատ լավ եմ վերաբերվում Լյուդմիլա Սարգսյանին, փաստ է, որ նա Հայաստանում կայացրեց ՍԴՀԿ-ն: Այսօր քաղաքական դաշտում ՀԱԿ-ի առանցքային դերակատարության առումով նաեւ մեծ են հենց տիկին Սարգսյանի ջանքերն էլ: Դեռ վաղ է եզրակացություններ անելը. ամեն դեպքում՝ սպասենք դատական պրոցեսի ավարտին»:
«Առավոտի» խնդրանքով ներկայացնելով քաղաքական տարվա իր ամփոփիչ մոտեցումներն էլ՝ երիտասարդ գործիչն իբրեւ ներքաղաքական մեծագույն կորուստ Հայաստանի համար առանձնացնում է Երեւանի ավագանու ընտրությունները. «Զավեշտ է եւ ծիծաղելի, երբ արձանագրվում է, որ Գագիկ Բեգլարյանը հաղթեց Լեւոն Տեր-Պետրոսյանին: Կարծում եմ՝ ոչ մի բանական եւ իրեն մի քիչ հարգող մարդ դրան լուրջ վերաբերվել չի կարող»: Ինչ վերաբերում է 2010-ի հունվարի 10-ին թիվ 10 ընտրատարածքում սպասվող առաջին ընտրական պայքարին, Կարեն Կարապետյանը կասկած չունի, որ ի հեճուկս իշխանությունների ջանքերին՝ ողջ մարդկային եւ մնացյալ ռեսուրսներն ընտրությունները կեղծելուն ծառայեցնելուն, հաղթելու է Նիկոլ Փաշինյանը. «Այլեւս էական չէ՝ ԿԸՀ-ն պարտությո՞ւն, թե՞ հաղթանակ կարձանագրի»: Հերթական բարոյական հաղթանակը՝ «Առավոտի» դիտարկմանն էլ արձագանքեց. «Ընդդիմության ցանկացած հաղթանակ, որն իշխանությունները թղթի վրա ձեւակերպում են իբրեւ պարտություն, օրեցօր կուտակվում է հանրության մոտ: Հանրությունն էլ բազմիցս է ապացուցել, որ այս իշխանությանը քվե չի տվել: Այնպես որ, իշխանությունները թող չցնծան, որովհետեւ այս ամենն, ի վերջո, բերելու է նրանց խայտառակ անկման»:
Երիտասարդ գործիչը քաղաքական առումով ձեռքբերում չի համարում նաեւ այն, որ քաղբանտարկյալների մի մասն ազատ արձակվեց. «Քաղբանտարկյալների առկայությունը խայտառակություն է երկրի համար, եւ երբ իշխանությունները ազատ են արձակում՝ դժվար է դրան ձեռքբերում ասել. ընդամենը խղճուկ փորձ է կատարվում շտկել այդ խայտառակությունը»: Նա եւս կարծում է, որ ներքին քաղաքական խայտառակ գործընթացներն իրենց արտացոլումն ունեցան երկրի արտաքին քաղաքական «նախաձեռնություններում»՝ ի դեմս հայ-թուրքական հարաբերությունների. «Տեղի ունեցավ մի աննախադեպ երեւույթ՝ Ցեղասպանության ուրացման փորձ: Հայ-թուրքական արձանագրությունները նշանակալից իրադարձություն էին, բայց գրեթե միանշանակորեն Թուրքիայի բոլոր նախապայմաններն ընդունելը չեմ կարծում, թե ձեռքբերում է: ՀԱԿ-ը եւ հենց ՀՀՇ-ն մշտապես կողմ են եղել հայ-թուրքական հարաբերությունների բարելավմանը, բայց՝ ոչ ամեն գնով: Սերժ Սարգսյանը Ցեղասպանության ուրացման գնով փորձում է լուծում տալ այդ հարցին, ու ամենամեծ ցավն այն է, որ հասարակությունը դրանից ոչինչ չի շահում: Այստեղ բացառապես Սերժ Սարգսյանի շահն է՝ իր լեգիտիմությունը «ձեռք բերելու» համար»: Մեր զրուցակիցը չի համարում, որ երկուստեք հնչած առավել կոշտ դիրքորոշումներով կավարտվի հարաբերությունների կարգավորման այս փուլը: Նրա համոզմամբ, զարգացումներ դեռ կլինեն եւ այն սցենարով, ինչ որ գերտերությունների կողմից կմատուցվի, կպարտադրվի Սերժ Սարգսյանին: «Հայաստանի համար կորուստ էր նաեւ այն, որ միմյանց հետ կապ չունեցող խնդիրներ՝ հայ-թուրքական եւ հայ-ադրբեջանական, փորձ է արվում լուծել մի փաթեթով: Մինսկի խմբում նկատելիորեն մեծանում է Թուրքիայի դերը: Իսկ Թուրքիան չի կարող օբյեկտիվ լինել»,- կարծում է ՀՀՇ վարչության անդամը: Նկատեցինք, որ ՀԱԿ-ի մեկ այլ երիտասարդ գործիչ՝ «Հանրապետություն» կուսակցության քաղխորհրդի անդամ Սուրեն Սուրենյանցն էլ օրերս հայտարարել էր, թե պետք չէ վախենալ նրանից, որ այս երկու հարցերը շաղկապվում են: Ավելին, նկատել էր, որ դա նույնիսկ դրական գործընթաց է: Այս առումով Կարեն Կարապետյանն ասաց. «Ես չգիտեմ, թե ինչից ելնելով է Սուրենյանցն այդպես կարծում, բայց այդ խնդիրները միանգամայն հակադիր բեւեռներում են, եւ եթե դրանք համատեղելու փորձ է արվում, ապա վերջնականապես թաղում ենք առանց այդ էլ մոռացության մատնված ազգերի ինքնորոշման հարցը»:


ՆԵԼԼԻ ԳՐԻԳՈՐՅԱՆ

http://www.aravot.am/am/articles/politics/0/view/all

вторник, 22 декабря 2009 г.

НОВОЕ ПОЛИТИЧЕСКОЕ РЕЙДЕРСТВО



16 декабря, при закрытых дверях, в курортном местечке Цахкадзор, при патронаже председателя правления традиционной общеармянской Социал - демократической партии "Гнчак"/ "Колокол" Седрака Аджемяна и члена правления той же партии Вагана Ширханяна, состоялся "чрезвычайный съезд" Социал-демократической партии "Гнчак" Армении (СДПГ Армении).
СДПГ Армении делегирует в состав правления общеармянской организации двух человек, но при этом согласно своему уставу и закону "О партиях" является самостоятельной организацией. В своей деятельности СДПГ Армении руководствуется ТОЛЬКО положениями своего устава, зарегистрированного в министерстве юстиции Армении и действующим законодательством.
"Чрезвычайный съезд" СДПГ Армении в Цахкадзоре был созван со всеми мыслимыми и немыслимыми нарушениями как действующего законодательства, так и зарегистрированного в министерстве юстиции партийного устава. Так:

- в уставе партии нет понятия "чрезвычайный съезд",
- согласно уставу очередные и внеочередные съезды партии созываются ТОЛЬКО решением действующего правления СДПГ Армении, которое возглавляет Людмила Саркисян. Между тем, "чрезвычайный съезд" был созван на основе заявления от 14 декабря с.г., которое подписали лишь 2 члена правления из 6,
- "чрезвычайный съезд" созван также рядом организаций, якобы входящих в СДПГ Армении, которые подписали заявление от 14 декабря. Между тем, согласно действующему правлению, реально в состав партии входят лишь 2 из 7 организаций, подписавших документ. Остальные организации, подписавшие документ либо не существуют, либо распущены решением правления. Среди подписавших заявление есть лица, которые не являются членами партии. Например, руководитель некоего ванадзорского молодежного центра "Аршил Горки" Артем Хоецян,
- согласно заявлению от 14 декабря, в последние месяцы в партии сложилась нездоровая атмосфера и "чрезвычайный съезд" созывается с целью ее преодоления. Между тем, прошедший в сентябре в Ереване очередной съезд общеармянской социал-демократической партии "Гнчак", в одном из своих решений, специально отметил позитивную деятельность руководства СДПГ Армении. Съезд является высшим органом партии и ее правление (в том числе С.Аджемян и В.Ширханян) должны считаться с решениями съезда. Вопрос в том, что же произошло с сентября по декабрь, что вдруг в СДПГ Армении "сложилась нездоровая атмосфера"?
- согласно уставу решение о проведении очередного/ внеочередного съезда партии принимается не менее чем за 2 месяца решением того же правления СДПГ Армении. Решение о проведении очередного съезда было принято правлением СДПГ Армении в конце октября с.г. Съезд должен состояться 9 января 2010. В своем решении правление определило число участников# делегатов съезда и, соответственно, от скольких членов партии избирается один делегат. Согласно решению правления, низовые организации СДПГ Армении избрали на очередной съезд 38 делегатов, из которых только 2 приняли участие в вышеупомянутом "чрезвычайном съезде" в Цахкадзоре.

"Чрезвычайный съезд" прошедший в Цахкадзоре исключил из партии председателя правления СДПГ Армении Людмилу Саркисян, избрал новый состав правления и нового председателя - бывшего члена правления Геворга Перкупекяна. Между тем, накануне действующее правление во главе с Л.Саркисян исключило его из партии вместе с Арсеном Купеляном и Нареком Галстяном.
Интересно, что 4 месяца назад исключенный из партии "Жарангутюн" депутат парламента Вардан Хачатрян сделал попытку вступить в СДПГ Армении, но ему было отказано. Дело в том, что согласно уставу, лица ранее состоявшие в другой партии могут вступить в ряды СДПГ Армении через 12 месяцев после ухода из других партийных рядов (в исключительных случаях этот срок может быть сокращен до 6 месяцев). Однако, несмотря на отказ в членстве СДПГ Армении, В.Хачатрян каким-то образом был обласкан председателем правления общеармянской структуры партии "Гнчак" С.Аджемяном. В результате, В.Хачатрян сделал заявление согласно которому он представляет в парламенте Армении интересы партии "Гнчак". Таким образом, в течение 4 месяцев В.Хачатрян из либерала трансформировался в социал-демократа.
Компетентные органы Армении в лице министерства юстиции и Генеральной прокуратуры с олимпийским спокойствием наблюдают за нарушением действующего законодательства и устава СДПГ Армении. Между тем, налицо очередная попытка политического рейдерства в стране. На наш взгляд, речь идет о захвате группой лиц конкретной политической партии - СДПГ Армении. При этом, согласно нашей оценке, налицо проведение явно нелегитимного партийного съезда и принятие решений, которые также не имеют правовой силы.

Почему мы говорим об очередной попытке политического рейдерства?

Дело в том, что в течение последних трех лет таким же образом, провластными силами/структурами были де-факто захвачены несколько оппозиционных партий . Речь идет о "Союзе конституционного права", Либерально - прогрессивной партии Армении (в обоих случаях партии сменили руководство на сомнительных в правовом плане съездах) и партии "Национальное возрождение" (партия была распущена после сомнительного съезда. Решение о проведении съезда было принято в отсутствие необходимого кворума членов правления).
Ситуация с политическим рейдерством относительно СДПГ Армении, при большом сходстве с процессами в вышеупомянутых партиях (они все были в оппозиции к дуэту Р.Кочарян - С.Саргсян) отличается тем, что впервые в этом процессе де-факто принимает участие, причем очень активное, гражданин другого государства - США и Ливана. Скорее всего, г-н С.Аджемян имеет на руках и паспорт Республики Армения "с особым статусом", который вряд ли дает ему право на политическую деятельность в масштабах страны. Я не являюсь юристом, но не исключаю, что эксперты в области государственного права могли бы найти в действиях С.Аджемяна моменты, которые не соответствуют закону Армении "О статусе иностранцев". Интересно также было бы узнать точку зрения посольств США и Ливана в Ереване на происходящее. Интересно, как поведут себя компетентные органы США и Ливана, если предположить самое невероятное: в связи с возбуждением дела о политическом рейдерстве, правоохранительные органы Армении потребуют выдачи С.Аджемяна.

Возникает естественны вопрос: почему политическое рейдерство так массированно осуществляется именно против СДПГ Армении?

На наш взгляд это связано с несколькими обстоятельствами, среди которых выделим:

- СДПГ Армении с момента возвращения в сентябре 2007 года на политическую арену первого президента Армении Левона Тер-Петросяна стала одной из наиболее последовательных его сторонников. Особенно это касается вопросов, связанных с восстановлением демократии, конституционного порядка и законности в Армении, борьбы с коррупцией и криминалом во власти. Год назад, во время встречи с активистами Армянского Национального Конгресса, Л.Тер-Петросян особо выделил роль СДПГ Армении в составе объединенной оппозиции наряду с Народной партией, "Армянским общенациональным движением" и партией "Республика",
- СДПГ Армении, в отличие от других традиционных армянских партий АРФ-Дашнакцутюн и рамкавар-азатакан, не признает легитимности нынешних властей, требует отставки президента С.Саргсяна, а также проведения досрочных парламентских и президентских выборов,
- СДПГ Армении является единственной традиционной армянской партией в составе АНК, которая последовательно выступает на стороне реальной оппозиции. Отметим также, что структуры этой традиционной армянской партии на Западном побережье США оказывали содействие АНК в проведении акций протеста и в сборе средств для политзаключенных и их семей,
- судя по всему, президент С.Саргсян крайне заинтересован в формировании т.н. "третьей силы" на политическом поле страны, т.е. псевдоппозиционного блока из трех традиционных армянских партий, который бы умеренно критиковал его внешнюю и внутреннюю политику, требовал отставки главы внешнеполитического ведомства Э.Налбандяна и пр. Но главное, чтобы эти три партии не озвучивали требований об отставке президента. Наличие такого блока по возможному замыслу политтехнологов из команды президента, могло бы укрепить его позиции перед лицом усиливающегося давления со стороны внешних игроков как по вопросу ратификации армяно- турецких протоколов, так и по вопросу урегулирования Нагорно- Карабахского конфликта в рамках "Мадридских принципов",
- заявления новых членов правления СДПГ Армении, избранных на "чрезвычайном съезде" в Цахкадзоре о том, что они не намерены выходить из рядом АНК - ничего не значат. АНК и его лидеры, скорее всего, понимают, что признание председателем правления СДПГ Армении Г.Перкупекяна и сотрудничество с ним - будет легитимизацией политического рейдерства со стороны реальной оппозиции. Легитимизация политического рейдерства со стороны АНК в итоге может привести к политическому рейдерству в отношении других партий оппозиции и полному переформатированию всего политического поля Армении, а точнее к уничтожению легальной политической оппозиции в стране.

Не случайно президент С.Саргсян на последнем съезде правящей Республиканской партии дал ясно понять, что его не устраивает конструкция политического поля Армении, доставшаяся ему от Р.Кочаряна. Многие эксперты предположили, что С.Саргсян намерен, прежде всего, провести переформатирование структур, составляющих "партию власти". Но политическое рейдерство в отношении СДПГ Армении продемонстрировало, что первый удар пришелся по реальной оппозиции. 

Давид Петросян 

политический обозреватель информационного центра "Ноян Тапан" 

2009-й стал для Армении годом системного кризиса



По просьбе ВК итоги уходящего года подводит представитель армянской оппозиционной социал-демократической партии "Гнчак" ("Колокол"), бывший министр здравоохранения Арарат Мкртчян.
- Какие явления вы бы назвали наиболее характерными для уходящего года в Армении?
- Возьму на себя смелость сказать, что 2009 год для Армении стал годом системного кризиса. Системный кризис во власти, в экономике, в социальной сфере. Не хочу сгущать краски, но пессимистические прогнозы относительно этого года стали реальностью. Посмотрите на ситуацию в социально-экономической и внутриполитической сферах. Ведь внутриполитический кризис, возникший после известных событий 1 марта прошлого года, так и не был преодолен.
- 19 июня была объявлена амнистия, которая распространилась на большинство политических заключенных. Она не способствовала разрядке существующей напряженности?
- Амнистия ничего не дала ни обществу, ни политзаключенным. Да, они вернулись в свои семьи, но все эти люди были осуждены, то есть имеются обвинительные вердикты, вынесенные судами. Амнистия не разрядила внутриполитической обстановки - все проблемы сохранились, потому что нелегитимная власть косметическими методами не может разрядить ту обстановку недоверия, которая сегодня царит в стране.
- В уходящем году неоднократно указывалось на необходимость создания так называемой "третьей силы". Почему, на ваш взгляд, этот проект так и не удался?
- Поствыборные процессы прошлого года способствовали своеобразной чистке политического поля, то есть очень четко выкристаллизовалась расстановка всех политических сил. В частности, образовались и четко вырисовываются два центра силы - власть и оппозиция в лице Армянского национального конгресса. То обстоятельство, что политические силы, по сути, так и не услышали призыва лидера конгресса, первого президента Левона Тер-Петросяна начать совместную борьбу с целью восстановления в стране конституционного строя, подтверждает описанную мной конфигурацию сил на политическом поле. "Дашнакцутюн" и входящая в правящую коалицию партия "Процветающая Армения" пытаются сегодня играть в оппозицию. Однако эта оппозицинность имеет очень мягкое проявление. Скорее всего, у президента есть определенные рычаги воздействия на эти партии с целью усмирения последних.
- Вы указали на наличие двух основных центров силы - власти и оппозиции. Согласитесь ли вы с той точкой зрения, что президенту Сержу Саргсяну в результате недавнего съезда возглавляемой им Республиканской партии Армении удалось укрепить позиции власти?
- Съезд был нацелен на обеспечение безболезненного прохождения бюджета, предотвращение возможного раскола в среде республиканцев. Кроме того, было создано новое большинство в Национальном собрании с целью предотвращения попытки возвращения во власть экс-президента Роберта Кочаряна. Последний, как известно, опирается на другую коалиционную партию "Процветающая Армения". Однако с другой стороны, основное ядро Республиканской партии сегодня представлено олигархами. Последние же не испытывают уверенности в завтрашнем дне. Ведь известно, что сращивание политики и олигархии не допустимо.
- Партия "Гнчак" входит в Армянский национальный конгресс. Что, на ваш взгляд, можно считать наиболее серьезным завоеванием для оппозиции в этом году?
- На постсоветском пространстве нет столь хорошо организованной оппозиции, как АНК, которая продолжает партийное строительство. Это разнопрофильная структура, в которой действуют подразделения, занимающиеся экономическими, правовыми, внутри- и внешнеполитическими вопросами. В течение полутора лет противостояния с властями конгресс состоялся. И это можно считать серьезным завоеванием оппозиции в этом году.
- Весь прошедший год проходил под знаком финансово-экономического кризиса. Как кризис повлиял на Армению?
- Несмотря на все заверения властей в том, что мировой кризис обойдет нас, в начале 2009 года "в дверь постучался" финансовый кризис, перешедший в экономический. Самое страшное, что мы уже стоим на пороге социального кризиса, и этого никто не может отрицать. Об этом свидетельствует и утвержденный несколько дней назад госбюджет на 2010 год, который не предусматривает никаких социальных буферов для предохранения от социального взрыва. Это абсурд - МВФ прогнозирует увеличение числа социально необеспеченных граждан до 170 тысяч, а мы урезаем средства на социальные программы. Словом, весь 2009 год был тяжелым для нашего народа не только в политическом, но и в экономическом плане.

суббота, 19 декабря 2009 г.

ՍՊԱՍՎՈՒՄ Է 3+1 ՁԵՎԱՉԱՓ

Հարցազրույց ՍԴՀԿ վարչության անդամ Գուրգեն Եղիազարյանի հետ

ՍԴՀԿ ատենապետ Լյուդմիլա Սարգսյանը երեկ հայտարարեց, թե ՍԴՀԿ-ում կատարված այս պառակտման հեղինակներն իշխանություններն են` պատվիրատուն Սերժ Սարգսյանն է, որն իր ծրագիրն իրականացրել է Տիգրան Սարգսյանի միջոցով: Ձեր կարծիքով, ինչո՞ւ են իշխանությունները սեւեռվել հենց ՍԴՀԿ-ի վրա` փորձելով պառակտել այս կուսակցությունը:

Իշխանությունները դեռ ապրիլի 22-ին դավադիր համաձայնության եկան` ճանապարհային քարտեզի շուրջ, եւ այդ ամենը շարունակվում է առ այսօր: Եվ իշխանություններին օդի ու ջրի նման այսօր հարկավոր է ավանդական կուսակցությունների միջամտությունն այդ խնդրին: Եվ հիմա նրանք խնդիր ունեն ավանդական կուսակցություններին հավաքել մեկ դրոշի տակ: Ամենայն հավանականությամբ մենք առաջիկայում կտեղեկանանք նոր` 3+1 ձեւաչափի մասին, որին մաս կկազմեն ՀՅԴ-ն, Ռամկավար-ազատականները, ՍԴՀԿ-ից պոկված այդ բեկորիկը եւ նրանց կմիանա Ժառանգությունը: Նրանք այս քայլին գնացին հենց այդ նպատակով` քաջ իմանալով, որ ՍԴՀԿ-ն դուրս չի գա Հայ Ազգային Կոնգրեսի կազմից ու չի մասնակցի խամաճիկների խեղկատակությանը:

Դուք կանխատեսել էիք, որ ՍԴՀԿ-ից անջատված մարդիկ ատենապետ կընտրեն Վարդան Խաչատրյանին, մինչդեռ ՍԴՀԿ-ից պոկված թեւի ատենապետ դարձավ ուրիշը:

Ես չէի ասի, որ իմ կանխատեսումը չի իրականացել: Նախ եւ առաջ նշեմ, որ կեղծ համագումարում նոր հռչակված ատենապետը` Գեւորգ Պերկուպերկյանը տեղապահի ֆունկցիաներ է կատարում: Սեդրակ Աճեմյանը դրանով արեց ձիու քայլ. փաստորեն տեղ ազատվեց Նարեկ Գալստյանին Տխրունու ատենապետ հռչակելու համար, եւ երկրորդ` մի ամիս չանցած քաղաքական դաշտից դուրս կմղվի եւ կարխիվացվի այսօրվա ատենապետը, որին կփոխարինի Վարդան Խաչատրյանը:

Այսինքն` ձեր կարծիքով, սա կարճաժամկետ ծրագիր է՞ր:

Այո: Բոլորին է հայտնի, որ ՍԴՀԿ հայաստանյան վարիչ մարմինը Վարդան Խաչատրյանին դուրս է շպրտել կուսակցությունից, հիմա նրանք փորձում են որոշ ժամանակ Խաչատրյանին ներկայացնել հնչակյան, եւ այնուհետեւ նոր կօծեն ատենապետ:

ՍԴՀԿ-ից առանձնացած թեւը պնդում է, որ այս ՍԴՀԿ այս վարչությունն ապօրինի է, եւ որ Լյուդմիլա Սարգսյանն էլ չի հանդիսանում ՍԴՀԿ վարչության անդամ, հետեւաբար, ատենապետի պաշտոնը նա ապօրինի է զբաղեցնում:

Նրանք հերթական հիմարությունն են ասել` առանց հասկանալու: Ուրեմն տեղեկացնեմ, որ կուսակցության բարձրագույն մարմինը համագումարն է: Իսկ ՍԴՀԿ 18-րդ եւ 19-րդ համագումարում հանդես է եկել իրենց ասած “ապօրինի” ատենապետը: Եվ եթե նման հայտարարություններ են անում, ապա ծիծաղելի վիճակում են դնում կուսակցության բարձրագույն մարմնին` համագումարին. ինչպե՞ս կարող էր ինքնակոչ մարդը գալ եւ օրինական համագումարում ելույթ ունենալ, ինչպե՞ս կարող էր 18-րդ եւ 19-րդ համագումարների ժամանակ չփաստվեր, որ Լյուդմիլա Սարգսյանն ապօրինի ատենապետ է: Ավելին, այս տարվա սեպտեմբերին անցկացված ՍԴՀԿ 19-րդ համագումարը Հայաստանի գործող կառույցի աշխատանքները գնահատել է գերազանց: Այդ ի՞նչ պատահեց երկու ամսվա ընթացքում, որ հիմա նման բաներ են ասում: Հենց այստեղից էլ կարելի է հասկանալ, որ այս ամենն ուղղակի ծախված մարդկանց հայտարարություններ են:

Իսկ համագումարի օրերին որեւէ լարվածություն չկա՞ր ՍԴՀԿ-ի ներսում:

Սեդրակ Աճեմյանը նպատակ ուներ, որ այդ համագումարը կբանաձեւի, որ ՍԴՀԿ-ն դուրս է գալիս Հայ Ազգային Կոնգրեսի կազմից: Սակայն նրան չհաջողվեց դա անել, քանի որ մենք ելույթներ ունեցանք, ընկերներին բացատրեցինք, թե ինչ է կատարվում Հայաստանում: Եվ քանի որ համագումարի միջոցով Սեդրակ Աճեմյանին չհաջողվեց իր ծրագիրն առաջ տանել, որոշեց քանդել Հայաստանյան կառույցը` չհասկանալով, որ ինքը ձեռք է բարձրացրել ոչ թե ՍԴՀԿ Հայաստանյան կառույցի, այլ` համահնչակյան ընտանիքի վրա: Սեդրակ Աճեմյանը գործարքի էր գնացել իշխանությունների հետ` խոստանալով ՍԴՀԿ-ին դուրս բերել Կոնգրեսի կազմից: Երբ նրա փորձերը չհաջողվեցին, Աճեմյանը գնաց այս խայտառակ ճանապարհով:

ՍԴՀԿ կենտրոնական գրասենյակը հայտարարություն է տարածել, որ իրենք սատարում են արտակարգ համագումարի որոշումը:

Մարդկանց Սեդրակ Աճեմյանը թյուրիմացության մեջ է գցել, եւ նրանք առանց խորամուխ լինելու փաստերի մեջ, պարզապես հավատացել են Սեդրակ Աճեմյանին ու նման հայտարարություն ընդունել, որ ճանաչում են այս “արտակարգ” կոչված հիմարությունը: Նրանք չեն խորացել խնդրի մեջ: Վաղը, մյուս օրը, ավելի քան վստահ եղեք, Սեդրակ Աճեմյանը չի լինի ատենապետ, կլինի արտակարգ համագումար, եւ հնչակյաններով կհավաքվենք համահնչակյան հին ընտանիքում, եւ այս անգամ կհավաքվենք առանց այդ խամաճիկների: Այդ օրը սարերի հետեւում չէ: Մեր համահնչակյան ընկերները վերջ ի վերջո կհասկանան, թե ինչ եղավ: Ուղղակի ժամանակ է հարկավոր:

Դուք ասացիք, որ Սեդրակ Աճեմյանը ցանկանում էր, որպեսզի ՍԴՀԿ-ն դուրս գա Կոնգրեսի կազմից, մինչդեռ երեկ այդ թեւը հայտարարեց, որ շարունակելու է համագործակցությունը Կոնգրեսի հետ:

Պատվիրատուին, տվյալ դեպքում` Տիգրան Սարգսյանին հարկավոր է, որ այս ինքնահռչակ միավորը եւս լինի ընդդիմադիր, սակայն իրենց կողմից կառավարվող: Իրենց հարկավոր է Կոնգրեսում ունենալ ական, դրա համար էլ այսօր այդ ինքնահռչակ միավորը հայտարարում է Կոնգրեսի հետ աշխատելու իր պատրաստակամության մասին: Եթե նրանք չլինեն ընդդիմադիր, ապա նրանց նկատմամբ կկորչի հետաքրքրությունը: Դրա համար էլ ուզում են ական ունենալ` ընդդիմության ներսում: Մի հատ ական ունեին` ի դեմս մարքսիստի, դրան պայթեցրին, հիմա նոր ական է հարկավոր նրանց:

Ի՞նչ զարգացումներ եք սպասում այս փուլում:

ՍԴՀԿ-ն գրանցված կառույց է, եւ գործում է ՀՀ-ում գործող օրենքների համաձայն: Մնացածը, թե ով ինչ կասի, խեղկատակություն է: Այստեղ միայն մեկ հանգամանք կա. մենք ապրում ենք մի երկրում, որտեղ իշխանությունները կարող են ցանկացած անօրինականություն օրինականացնել: Բայց մեզ համար դա էլ վտանգ չէ, քանի որ մենք մինչեւ վերջ կհասցնենք իշխանափոխությունը` անկախ ամեն ինչից:

Հարցազրույցը վարեց ԱՐՄԱՆ ԳԱԼՈՅԱՆԸ

Լ.Սարգսյանին անվստահություն են հայտնել «հեռացված, սառեցված, սպանված» հնչակյանները



Սոցիալ-դեմոկրատ hնչակյան կուսակցության կենտրոնական վարչության ատենապետ Սեդրակ Աճեմյանն ու ԿՎ անդամ Վահան Շիրխանյանը երեկ մի շարք սենսացիոն հայտարարություններ արեցին ՍԴՀԿ դե յուրե ատենապետ Լյուդմիլա Սարգսյանի ու նրա` հատկապես վերջին հինգ տարիների գործունեության մասին:
Ըստ այդմ` Լ.Սարգսյանը կուսակցությունում եղել է ընդամենը տեխնիկական աշխատող, ու քանի որ իր ձեռքին է հայտնվել ՍԴՀԿ կնիքը, ապօրինի որոշումներ է կայացրել, վարչություն ձեւավորել ու իրեն ատենապետ հռչակել: Ի դեպ, կնիքն այդ, որը պրն Շիրխանյանը համեմատեց «չարիքի» հետ, այսօր էլ արդարադատության նախարարությունում գրանցված ՍԴՀԿ ատենապետի` Լ.Սարգսյանի մոտ է:

пятница, 18 декабря 2009 г.

Կուսակցության պառակտման փորձ


Ամեն գնով քաղաքական դաշտը պառակտելն ու կուսակցություններին փոշիացնելն այս իշխանությունների համար դարձել է կենսակերպ ու գերնպատակ: Ավազակախմբի թիրախում հայտնված հերթական կուսակցությունը Հայ Ազգային Կոնգրեսին մաս կազմող ՍԴՀԿ-ն է:
Չնայած իշխանությունների հարձակման օբյեկտները պարբերաբար փոխվում են, սակայն` ձեռագիրը միշտ մնում է նույնը. կուսակցության ներսում իրենց ներդրած մարդիկ հանկարծ սկսում են անկանխատեսելի դառնալ եւ դեմ գնալ այդ կուսակցությանը: Հետո հանկարծ ներդրված գործակալների խումբն առանձնանում է եւ սկսում են համապատասխան քայքայիչ գործողությունները: ՍԴՀԿ-ի հետ տեղի ունեցող գործընթացները, թերեւս, արդեն ՙդեժավյու՚ են առաջացնում մարդկանց մոտ. տեղի է ունենում ճիշտ նույն գործընթացը, ինչ արդեն պառակտված մյուս կուսակցություններում է եղել: ՍԴՀԿ-ից առանձնացած թեւը` տխրահռչակ Վահան Շիրխանյանի, Նարեկ Գալստյանի, Գեւորգ Պերկուպերկյանի եւ Սեդրակ Աճեմյանի գլխավորությամբ, ամենեւին էլ չեն թաքցնում իրենց ուղղվածությունը: Նրանք փակ համագումար են անցկացրել Ծաղկաձորում եւ որոշում ընդունել` անվստահություն հայտնել ՍԴՀԿ ատենապետ Լյուդմիլա Սարգսյանին, նրան եւ Գուրգեն Եղիազարյանին հեռացնել կուսակցությունից: Միեւնույն ժամանակ նրանք որոշում են կայացրել Գեւորգ Պերկուպերկյանին ՍԴՀԿ ատենապետ հռչակելու մասին: Պերկուպերկյանի խոսքերով, արտակարգ համագումարը թվով 7-րդն էր, եւ նրա որոշումները, որպես այդպիսիք, կառույցի համար բեկանելի չէ: ՙՄենք պապենական, տոհմական հնչակյաններ ենք՚,- ասել է նա: Սակայն նշենք, որ միայն այն հանգամանքը, թե ովքեր են ՍԴՀԿ-ի այս թեւում, պատկերացում է տալիս կատարվածի մասին: Բավական է միայն նշել, որ այս ամենի ստվերային ղեկավարը հասարակությանը բավական հայտնի Վահան Շիրխանյանն է` ՊՆ նախկին փոխնախարարը: Հասարակությունը, թերեւս, չի մոռացել, թե նա ինչ գործունեություն էր ծավալում հոկտեմբերի 27-ի ոճրագործությունից հետո: Ի դեպ, սա այն անձնավորությունն է, որի ցուցմունքների հիման վրա 2007թ. կալանավորվեց ԱԳ նախկին նախարար Ալեքսանդր Արզումանյանը, որին մեղադրում էին իբր փողերի լվացման մեջ: Վահան Շիրխանյանը քաղաքական դաշտում մշտապես հայտնի է եղել ներկուլիսային ինտրիգներ սանձազերծելով, խառնակչի իր բնավորությամբ: Երեկ լրագրողների հետ հանդիպման ժամանակ Լյուդմիլա Սարգսյանը մանրամասներ ներկայացրեց Շիրխանյանի գործունեությունից. ՙՇուրջ մեկ տարի Վահան Շիրխանյանը կուսակցությունը խառնում էր եւ ամեն գնով տանում էր պառակտման: Մենք երկար լռում էինք` կուսակցության տրամադրությունները դուրս չհանելու համար, սակայն եկավ մի պահ, երբ արդեն հնարավոր չէր լռել: Այդ մարդը ուղիղ իշխանություններին ծախված մարդ է եւ նրանց հրահանգն է կատարում: Նրանք հրահանգ ունեն կուսակցությունը հանել Կոնգրեսից: Ցավն այն է, որ այդ ամենի մեջ Վահան Շիրխանյանը ներքաշել է երիտասարդներին` Սեդրակ Աճեմյանի համաձայնությամբ: Վահան Շիրխանյանն իրեն որքան էլ ընդդիմադիր ներկայացնի, կուսակցության ներսում նա միշտ էլ այլ բան է խոսել: Խոսելով Ծաղկաձորում մի խումբ հնչակյանների հրավիրած համագումարի մասին, տիկին Սարգսյանը փաստեց, որ այն իրավազոր չէ, քանի որ դրա մասնակիցների մեծամասնությունը հնչակյաններ չեն, այլ` ինչպես լինում է նման դեպքերում, նրանց փողոցից հավաքել են եւ բերել համագումարի: ՙԱյդ համագումարը անօրինական էր, եւ ես մինչ այսօր ատենապետ եմ՚,- նշեց տիկին Սարգսյանը: ՍԴՀԿ ատենապետը նաեւ զգուշացրեց կուսակցության անունից հանդես եկողներին. ՙԵթե որեւիիցե մեկը կհամարձակվի հանդես գալ որպես hայաստանյան վարիչ մարմնի անդամ կամ որպես ատենապետ, նա կկանգնի ուղիղ դատարանի առջեւ, իսկ հունվարի 9-ից հետո օրինական ատենապետ կլինի, եւ նորից կկանգնեն դատարանի առջեւ, եթե նորից կփորձեն վիճարկել այդ փաստը՚: Ըստ Սարգսյանի` ՍԴՀԿ վարչությունը կազմված է 7 անդամից, որոնցից 5-ն իր կողմնակիցներն են, իր հետ են: ՙՎահան Շիրխանյանը, Նարեկ Գալստյանը եւ Գեւորգ Պերկուպերկյանը խախտել են կուսակցությունների մասին օրենքը եւ Հնչակյան կուսակցության ծրագիր-կանոնագիրը բոլոր կետերով: Իհարկե, ես հասկանում եմ, որ նրանք չեն ուզում ծիծաղելի դառնալ` գրանցելով երրորդ հնչակյան միավորը, եւ պայքարելու են ՍԴՀԿ բրենդի համար՚,- նշեց տիկին Սարգսյանը` տեղեկացնելով, որ Նարեկ Գալստյանը շուրջ մեկ տարի կուսակցության պառակտման հիմնական դերակատարներից է եղել` հետագայում ներքաշելով Սարգիս Տխրունի ուսանողական միության մի քանի անդամների: Իսկ Գեւորգ Պերկուպերկյանը եւ Արսեն Կուպելյանը խախտել են կանոնադրությունը. համագումարի մասին որոշումը, առաջարկությունը կամ անվստահությունների հիման վրա արտակարգ համագումար հրավիրելը պետք է ներկայացնեին կենտրոնական վարչություն՚: Լրագրողի հարցին էլ, թե ինչ են անելու Վահան Շիրխանյանի հետ, Սարգսյանը պատասխանեց. ՙՆրանք շատ լավ գիտակցում էին, որ հերթական համագումարով իրենք որեւէ խնդիր չեն կարող լուծել, հետեւաբար իշխանությունների հուշումով (կարող եմ դա հաստատ ասել, որովհետեւ նաեւ որոշ տեղեկություն ունեմ) նրանք որոշեցին ծայրահեղ միջոցների գնալ՚:
Հնչակյանների շիրխանյանական ազդեցության թեւն էլ իր հերթին է հայտարարում, որ Լյուդմիլա Սարչգսյանը չի հանդիսանում ՍԴՀԿ վարչության անդամ, եւ ընդդիմադիր կուսակցության առաջնորդին նրանք որակել են որպես ինքնահռչակ: Ավելին, ըստ նրանց, ՍԴՀԿ վարչությունը ապօրինի է, եւ այնտեղ ընդամենը երկու մարդ է մնացել:
Մինչդեռ, տիկին Սարգսյանը վստահ է, որ իրենց կուսակցության ներսում տեղի ունեցած պառակտումը հրահրված է իշխանությունների կողմից: Ըստ նրա` իշխանությունների հետ գործարքի գնացել է անձամբ ՍԴՀԿ վարչության ղեկավար Սեդրակ Աճեմյանը, որի հետ բանակցել է Տիգրան Սարգսյանը: ՙՍեդրակ Աճեմյանը սկզբում Լեւոն Տեր-Պետրոսյանի եւ Հայ Ազգային Կոնգրեսի լուրջ կողմնակիցն էր, սակայն գիտակցելով, որ իշխանությունների հետ գործարքի գնալով կփրկի իր բիզնեսը, գերադասեց իրական ընդդիմության քողի տակ ձեւավորել գրպանային ընդդիմություն, ճիշտ այնպիսին, ինչպիսին ՀՅԴ-ն ու ռամկավարներն են՚,- ասաց ՍԴՀԿ ատենապետը` մանրամասնելով. ՙԿարող եմ վստահաբար ասել, որ Տիգրան Սարգսյանի հետ նրա բազմաթիվ հանդիպումների արդյունքում նրանք եկել են այդ գործարքին, որի նպատակը հետեւյալն էր. ամեն գնով պառակտել Հայ Ազգային Կոնգրեսը, իսկ դուք գիտեք, որ Հնչակյան կուսակցությունը կազմում է Հայ Ազգային Կոնգրեսի այն առանցքային մասը, որին այնտեղից պոկելով` կարող են այդ գործընթացը զարգացնել, եւ միգուցե, ըստ իրենց, հասնեին հաջողության՚: ՍԴՀԿ-ն պառակտելու ցուցումը, ՍԴՀԿ ատենապետի համոզմամբ, տվել է Սերժ Սարգսյանը: Նա տեղեկացրեց, որ բանակցողը եղել է Տիգրան Սարգսյանը, իսկ ՍԴՀԿ-ից` Սեդրակ Աճեմյանի աջակիցը եղել է Վահան Շիրխանյանը, Նարեկ Գալստյանն ու Գեւորգ Պերկուպեկյանը: ՍԴՀԿ-ի այս թեւը, սակայն, հերքում է, թե իրենք իշխանությունների թելադրանքով են գործում, եւ որպես իրենց ասածի ապացույց, նաեւ ասում են, որ շարունակելու են մնալ Հայ Ազգային Կոնգրեսի կազմում: ՙՀամահնչակյան համագումարում, որը եղել է 1,5 ամիս առաջ, ընդունվել է բանաձեւ, որտեղ ֆիքսված է Հայ Ազգային Կոնգրեսի հետ համագործակցության այն մակարդակը, որը գոյություն ունի, եւ որեւէ կերպ վերանայվելու դեպքում պետք է ի պաշտոնե հայտարարություն արվեր: Ինչպես գիտեք, ոչ Կոնգրեսի կողմից, ոչ մեր կողմից նման հայտարարություն չի արվել: Այդպիսի ցանկություն չկա, որովհետեւ ուղենիշը` հիմնարար փաստաթուղթը, որը բանաձեւն է համահնչակյան համաժողովի, փոփոխված չէ՚,- երեկ փորձել է համոզել ՍԴՀԿ-ի շիրխանյանական թեւի ներկայացուցիչ Վարդան Խաչատրյանը: Իսկ Լյուդմիլա Սարգսյանը Վարդան Խաչատրյանի հասցեին երեկ հեգնեց. ՙԵս ուղղակի խղճում եմ այդ տղային եւ զուգահեռաբար մեղադրում, որ քաջություն չգտավ իր մեջ ասելու, որ ինքը հնչակյան չէ, քանի որ այդ դեպքում հնարավոր է` նման խմորումներ չլինեին՚:
ԱՐՄԱՆ ԳԱԼՈՅԱՆ

Տրոյական ձի` Կոնգրեսի համար
Վարչախումբը չի փոխել իր գործելաոճը եւ շարունակում է նախկինում մշակած մեթոդների կիառումը: Իր ենթակայությունից դուրս մնացած կուսակցությունները շարունակում են համարվել թշնամական օղակ եւ նրանց ոչնչացումը եւ գրավումը դարձել է առաջնահերթ խնդիր: Հարձակման եւ գրոհի են ենթարկվում ճաքեր ունեցող կուսակցությունները: Ընդ որում, շատ հաճախ այդ ճաքերը ստեղծվում են վարչախմբի գործադրած ջանքերից հետո: Հիմա հերթը հասել է ՍԴՀԿ-ին: Նույն կեղտոտ մեթոդներով փորձ է արվում այս կուսակցությունով համալրել գրպանային ընդդիմությունը, որը վերջին ընտրություններից հետո սուր ճգնաժամ է ապրում: Իրենց հատուկ ոճով, գումարվեց փակ համագումար, որին, ըստ հավաստի տեղեկությունների, մասնակցեցին բազմաթիվ մարդիկ, որոնք հեռավոր առնչություն էլ չունեն ՍԴՀԿ-ի հետ: Նրանք, ովքեր կանգնած են ՍԴՀԿ-ի քայքայման եւ պառակտման ետեւում, իրենց գործը դեռ ավարտված չեն համարում: Նրանց ծրագրերը հեռուն գնացող են: Երկար ժամանակ վարչախումբը փորձեց ներսից քանդել Հայ Ազգային Կոնգրեսը, տարատեսակ փորձեր արվեցին, բայց մարքսիստով ոչինչ չստացվեց: Հիմա էլ փորձում են օգտագործել ՍԴՀԿ-ն: ՍԴՀԿ ինքնահռչակ ղեկավարները երեկ հայտարարել են, թե իրենք շարունակելու են մնալ Կոնգրեսի կազմում: Ստացվում է, որ վարչախումբը պատրաստվում է հայ Ազգային Կոնգրեսին տրոյական ձի նվիրել: Ամբողջ հարցը նրանում է, որ վարչախմբի քայլն այնքան պրիմիտիվ է, որ այդ նվերը պարզապես չի էլ ընդունվի: Ավելին, ակնհայտ է, որ համագումարը տեղի է ունեցել ակնհայտ կեղծիքներով, եւ նույնիսկ հնչակները չեն ընդունում իրենց ՙնոր ղեկավարներին՚: Այնպես որ, վարչախումբը պետք է հասկանա, որ արդեն անցել են այն ժամանակները, երբ հնարավոր էր կուսակցություններ պառակտելով, քայքայելով լուրջ հաջողությունների հասնել եւ խաբել ժողովրդին: Ծիծաղելին նաեւ այն է, որ վարչախմբի ռեսուրսներն այնքան սակավ են, որ կրկին օգտագործում են բազմիցս օգտագործված եւ մաշված խամաճիկներին, որոնց վարկանիշը զրոյից էլ ցածր է:


Օտար ժառանգ
Ժառանգություն կուսակցությունից հեռացված Վարդան Խաչատրյանին երեկ լրագրողները հարցրել են, թե ինչու լինելով սոցիալ-դեմոկրատ հնչակյան կուսակցության անդամ, ինքն ԱԺ-ում շարունակում է մնալ Ժառանգություն լիբերալ խմբակցության պատգամավոր: Վերջինս ուշագրավ պատասխան է տվել. ՙԺառանգությունը ժառանգել է հայ ժողովրդի պատմության բոլոր դրական իրողությունները, այդ թվում եւ սոցիալիստականությունը՚: Վարդան Խաչատրյանը նաեւ հայտարարել է, թե գաղտնիք չէ, որ ինքն էլ տարիներ շարունակ եղել է սոցիալիստական ուժերի ալյանսի անդամ: Փաստորեն, Վարդան Խաչատրյանն անուղղակի խոստովանել է, որ լինելով Ժառանգության անդամ, ինքն այլ քաղաքական ուժի է ծառայել` այդպես արդարացնելով նաեւ իրեն կուսակցությունից հեռացնելու որոշումը: Սա թերեւս, այն դեպքն է, երբ օտարների մեջ նա եղել է յուրային, եւ յուրայինների մեջ` օտար:

«ՔԱՂԱՔԱԿԱՆ ՍԱԴՈՄԱԶՈԽԻԶՄ» Այդ ե՞րբ «Ժառանգությունը» որդեգրեց սոցիալիստական ուղղություն



Նախապես հայտարարված ՍԴՀԿ արտակարգ համագումարի փոխարեն՝ նախորդ օրերին Ծաղկաձորում տեղի է ունեցել արտահերթ համագումար: Այն հռչակել է կուսակցության նոր կազմ, նույնիսկ նոր ատենապետ՝ Գեւորգ Պերկուպեկյան: Նոր վարչությունում են նաեւ վերջերս «Ժառանգությունից» հեռացված Վարդան Խաչատրյանը, ՍԴՀԿ հիմնադիր անդամ Հրանտ Ամիրյանը, «Սարգիս Տխրունի» ուսանողական միության ատենապետ Նարեկ Գալստյանը, ովքեր երեկ «Հայացք» ակումբում հաղորդակցվեցին լրագրողների հետ: Հիշեցնենք, որ սա այն շիլաշփոթի շարունակությունն է, որը ՍԴՀԿ-ում սկսեցին Վահան Շիրխանյանը, Վարդան Խաչատրյանը՝ համահնչակյան կենտրոնի ատենապետ Սեդրակ Աճեմյանի հովանավորությամբ: Նարեկ Գալստյանը հայտարարեց, որ իրենք Հայ ազգային կոնգրեսից հեռանալու մտադրություն չունեն, եւ անձամբ ինքը մասնակցելու է հունվարի 8-ի հանրահավաքին: Բանախոսները նշեցին, որ համագումարին 51 պատվիրակ է մասնակցել, եւ ստահոդ համարեցին լուրերը, թե այդ միջոցառմանը մասնակցել են կուսակցության հետ կապ չունեցող մարդիկ: Լրագրողների պնդումներին՝ հրապարակել կուսակցության վետերանների միությունից մի քանի անուններ, ովքեր մասնակցել են ծաղկաձորյան համագումարին, ներկաները միմյանց վրա գցեցին: Հետո այդ բեռն իր վրա վերցրեց հնաբնակ հնչակյան Հրանտ Ամիրյանը. «Միայն երեք ընկեր Սուրեն է մասնակցել. մեկը՝ վաստակավոր մարզիչ, մյուսը՝ լողորդ, երրորդը՝ Հայրենական մեծ պատերազմի մասնակից, ընկեր Անիկը, ընկեր Մառան եւ էլի մեկը, որին չեմ հիշում»: Ամիրյանին ընդհատեց Վարդան Խաչատրյանը՝ «Լրագրողների ուզած հինգը լրացավ»: Նորահռչակ ատենապետը փաստեց, որ ինքն ու Նարեկ Գալստյանը պապենական, տոհմական հնչակյաններ են, բայց հարցերին ավելի շատ պատասխանում էր նորաթուխ հնչակյան Վարդան Խաչատրյանը: Ասուլիսը բավականին զվարճալի էր նաեւ այն առումով, որ այլ բացահայտումներ էլ եղան: Մասնավորաբար՝ «Առավոտի» հարցին, թե ինչո՞ւ է սոցիալիստ Վարդան Խաչատրյանն, այնուամենայնիվ, կառչած մնում ԱԺ լիբերալ գաղափարախոսությամբ խմբակցությունից՝ «Ժառանգությունից», հատկապես, որ արդեն ՍԴՀԿ վարչության անդամ է, վերջինս ասաց. «Ժառանգությունն» այն ամեն դրականի ժառանգորդն է, ինչը գոյություն ունի հայ ժողովրդի վերջին տարիների պատմության մեջ: Նրանում կա եւ սոցիալիզմ, եւ այն ամենը, ինչը դրական է եղել մեր ժողովրդի համար: Խիստ ընդգծված լիբերալ կառույց երբեւէ չի եղել»: Ի գիտություն Վարդան Խաչատրյանի՝ նշենք, որ «Ժառանգության» կանոնադրությամբ ամրագրված է, որ այն «լիբերալ-ազատական» քաղաքական ուժ է: Ասուլիսի ժամանակ պարզվեց նաեւ, որ կուսակցության «Փարամազ» մասնաճյուղը, որը կազմավորվել է 1888-ին, գործել է կոմկուսի անվան տակ, քանի որ կոմունիստական միակուսակցական համակարգում այլ կուսակցություն չէր կարող «թպրտալ»:
Բանախոսները ՍԴՀԿ իրական ատենապետ (ում ձեռքին, որ կուսակցության կնիքն է) Լյուդմիլա Սարգսյանին անվանեցին ինքնահռչակ եւ մի շարք ապօրինությունների հեղինակ՝ դեռ 2004 թվականից: Ուշագրավ է, որ այդ առիթով լրագրողների հարցերին ջանում էր պատասխանել Վարդան Խաչատրյանը, եւ «Առավոտի» դիտարկմանը՝ թողեք տիկին ատենապետի ապօրինությունների մասին խոսեն ավելի ստաժավոր հնչակյանները, նա հայտարարեց, թե 2003 թվականից է ծանոթ կուսակցության անցուդարձերին: Նկատենք, որ «Ժառանգությունը» հիմնադրվել է 2003-ին, եւ Վարդան Խաչատրյանն էլ ի սկզբանե անդամակցել է կուսակցությանը:
Այս ամենի առիթով Լյուդմիլա Սարգսյանը «Առավոտին» փոխանցեց. «Ոչ Նարեկ Գալստյանը, ոչ Գեւորգ Պերկուպեկյանը, ոչ Հրանտ Ամիրյանը եւ առավել եւս Վարդան Խաչատրյանը այդ ժամանակ կուսակցության անդամներ չեն եղել: Իսկ Հրանտ Ամիրյանին հիշեցնեմ, որ լինելով համահնչակյան Կենտրոնի անդամ՝ հեռացվել է եւ վերականգնվել է միայն իմ միջնորդության արդյունքում: Մի քանի ամիս հետո նա ինքը հեռացավ կուսակցությունից՝ չցանկանալով աշխատել Սեդրակ Աճեմյանի հետ ու նրա երեսին շպրտեց՝ «Դու մարդ չես, Սեթո»: Փաստացի լինելով Կենտրոնի անդամ՝ նա Աճեմյանի կողմից նույնիսկ համահնչակյան 19-րդ համագումարին չի հրավիրվել, որը տեղի ունեցավ սեպտեմբեր ամսին, Հայաստանում: Հանկարծ այսօր Ամիրյանը մեջտեղ է եկել ու Աճեմյանի ջատագովն է դարձել՝ մոռանալով, որ ամենավերջին խոսքերն էր ասում նրա հասցեին: Ապշում եմ, որ մարդը կարող է 10 երես ունենալ»: Շիրխանյանական հնչակների՝ «այնտեղ վարչություն գոյություն չունի» մեղադրանքներին էլ տիկին Սարգսյանը հակադարձում է. «Այդ դեպքում ինչպե՞ս է Պերկուպեկյանը մասնակցել դեկտեմբերի 8-ի նիստին, ինչպե՞ս է հոկտեմբերի 31-ին կայացած վարչության նիստում «կողմ» քվեարկել հունվարի 9-ին կայանալիք 7-րդ համագումարին: Այդ երիտասարդը ժխտո՞ւմ է իր գոյությունը»:
Իսկ ՍԴՀԿ ԿՎ անդամ Արարատ Մկրտչյանը փաստում է, որ ծաղկաձորյան գեղատեսիլ վայրում կայացած «համագումարը» հակասում է «Կուսակցությունների մասին» ՀՀ օրենքին, ըստ որի՝ բացառվում է փակ եւ գաղտնի կուսակցական գործունեությունը: Իսկ ծաղկաձորյան համագումարը փակ էր: Ընդհանրապես, Արարատ Մկրտչյանը այս ամենը որակում է ներկուսակցական եւ քաղաքական սադոմազոխիզմ, որի հեղինակներն են Սեդրակ Աճեմյանը եւ Վահան Շիրխանյանը. «Ամենացավալին այն է, որ այս ախտը տարածվում է պայծառ երիտասարդների վրա»: Գուրգեն Եղիազարյանն էլ հավելեց, որ լինելով ինքնահռչակ՝ Լ. Սարգսյանը չէր կարող Կիպրոսում մասնակցել համահնչակյան 18-րդ համագումարին, իսկ 19-րդ համագումարում համահնչակյան ընտանիքը դրական գնահատականի չէր արժանացնի հայաստանյան կառույցին:
Երեկ կուսակցությունից փոխադարձ հեռացումներ են եղել. նորահռչակ վարչությունը հեռացրել է Լյուդմիլա Սարգսյանին եւ Գուրգեն Եղիազարյանին, իսկ մյուս թեւը՝ Նարեկ Գալստյանին, Արսեն Կուպելյանին, Գեւորգ Պերկուպեկյանին, Վահան Շիրխանյանին: Երեկ հնչակյան կուսակցությունում խմորումների առիթով հայտարարություն է տարածել ՀԱԿ-ը՝ ցավ հայտնելով, որ ՍԴՀԿ-ում առաջացել են միասնականությունը վտանգող խնդիրներ: «Կոնգրեսի համար ընդունելի չէ ՀՀ օրենսդրությանը եւ կուսակցության կանոնադրությանը հակասող որեւէ զարգացում: Հույս ենք հայտնում, որ հնարավոր է սկիզբ տալ մի այնպիսի գործընթացի, որի շնորհիվ կվերականգնվի կուսակցության համախմբվածությունը եւ կգտնվի ընդունելի լուծում, որը կտեղավորվի օրենքների եւ կանոնադրական պահանջների շրջանակում: Իսկ մինչ այդպիսի լուծումը՝ Հայ ազգային կոնգրեսը շարունակելու է որպես իր գործընկեր պաշտոնապես ճանաչել Լյուդմիլա Սարգսյանի ղեկավարած Սոցիալ-դեմոկրատ Հնչակյան կուսակցությունը: Վերջինս կշարունակի հանդիսանալ Կոնգրեսի կենտրոնական գրասենյակի անդամ, իսկ Կոնգրեսի կուսակցությունների քաղաքական խորհրդում ՍԴՀԿ-ն կշարունակի ներկայացնել Արարատ Մկրտչյանը»,- ասված է հայտարարության մեջ:

ՆԵԼԼԻ ԳՐԻԳՈՐՅԱ

http://www.aravot.am/am/articles/politics/0/view/all

"Որտեղ հաց, այնտեղ՝ կաց"


"Որտեղ հաց, այնտեղ՝ կաց" ավանդական խոսքից զորացած ժամանակակից քաղաքական "գործիչ" Վարդան Խաչատրյանը երեկ հանրությանը երեւաց նորացված թիկնազորով: Սոցիալ-դեմոկրատական հնչակյան կուսակցության 123-ամյա բեռը շալակին, կուսակցության հիմնադիրների նամշահոտ կերպարով երկու երիտասարդների եւ մեկ տարեցի ուղեկցությամբ եկավ "Հայացք" ակումբ: Առաջին հայացքից թվաց, թե Վարդան Խաչատրյանին ուղեկցող երիտասարդները ժամանել են անցյալից՝ 18-րդ դարի վերջի, 19-րդ դարի սկզբների մոդայով հագնված, մորուքների սանրվածքը Սարգիս Տխրունու բնօրինակին հարմարեցրած, պենսնեով, ինչպես ժողովուրդը կասեր՝ անթրաշ, անպլաշ, իսկը "Այդ մենք ենք գալիս, մաշված բաճկոններ, յուղոտ ու մրոտ, տրորված գդակ" սոցիալիստական շրջանի լիրիկական զեղումի հանգի: Պարզվեց, որ պենսնեով երիտասարդներից մեկը նախօրեին ՍԴՀԿ հայաստանյան կառույցի արտահերթ համագումարում վարչության 2 անդամների "ձայների մեծամասնությամբ"  ընտրված ատենապետ Գեւորգ Պերկուպերկյանն էր, մյուսը՝ նույնպես պենսնեով, շեկ մորուքով, բուլգակովյան Վոլանդի սպասավորների նման վազվզող աչքերով՝ կուսակցության մամուլի խոսնակ Նարեկ Գալստյանը:

ՍԴՀԿ վարչությունը սատարում է հնչակյան լեգիտիմ ատենապետին՝ Լ.Սարգսյանին



Երեկ երկու տարբեր մամլո ակումբներում` մեկ ժամվա տարբերությամբ ասուլիս էին հրավիրել Սոցիալ-դեմոկրատ հնչակյան կուսակցության երկու թեւերը, որոնցից յուրաքանչյուրը, փաստորեն, այլեւս ունի իր ատենապետը:
Ինչպես տեղեկացրել էինք, ՍԴՀԿ վահանշիրխանյանական թեւը նախօրեին «փակ» արտահերթ համագումար էր հրավիրել եւ խախտելով ՍԴՀԿ կանոնադրությունը (առնվազն 15 կետ) եւ ՍԴՀԿ համահնչակյան կուսակցության 19-րդ համագումարի ընդունած բանաձեւը` ատենապետի պաշտոնից հեռացրել էր ՍԴՀԿ գործող ատենապետ Լյուդմիլա Սարգսյանին, ՍԴՀԿ անդամ Գուրգեն Եղիազարյանին եւ ատենապետ կարգել կուսակցության վարչության անդամ Գեւորգ Պերկուպերկյանին: Եվ սա այն դեպքում, երբ ՍԴՀԿ վարչության` նախօրեին տեղի ունեցած նիստում օրինական վարչությունը կուսակցությունից հեռացրել է նույն Գեւորգ Պերկուպերկյանին, ինչպես նաեւ Արսեն Կուպելյանին եւ Նարեկ Գալստյանին: Հիշեցնենք, որ առաջին երկուսը ՍԴՀԿ վարչության անդամ էին: Փաստորեն, ՍԴՀԿ օրինական վարչությունն այժմ բաղկացած է չորս անդամից` Լյուդմիլա Սարգսյան, Համբարձում Եղիազարյան, Ալեքսանդր Ալեքյան, Ալբերտ Գաբրիելյան:

ՍԴՀԿ մամլո դիվանը տարածել է հետեւյալ հաղորդությունը

«Դեկտեմբերի 16-ին տեղի ունեցավ ՍԴՀԿ ընդլայնված վարչության նիստ , որի ընթացքում վարչության որոշմամբ կուսակցությունից հեռացվեցին` Գ. Պերկուպերկյանը, Ա.Կուպելյանը և Ն. Գալստյանը:
Հեռացվեց նաև Վ. Շիրխանյանը`կուսակցության ներսում խժդժություններ հրահրելու և ՍԴՀԿ պառակտմանն ուղղված գործողությունների կատարելու համար»:

http://a1plus.am/am/politics/2009/12/18/vahan-shirkhanyan

четверг, 17 декабря 2009 г.

ՍՈՑԻԱԼԱԿԱՆ ՃԳՆԱԺԱՄԻ ՇԵՄԻՆ



Առողջապահության նախկին նախարար Արարատ Մկրտչյանը դժվարանում է հավատալ վարչապետի՝ կոռուպցիայի դեմ պայքարին


Քանի որ վերջին շրջանում էլ բավականին ինտենսիվ են դարձել նման հայտարարությունները, ՀՀ առողջապահության նախկին նախարար Արարատ Մկրտչյանն «Առավոտին» տված հարցազրույցում նկատում է. «Մինչ օրս պայքարը զուտ հայտարարությունների մակարդակում է, բայց շարքային քաղաքացիները գիտեն, թե ինչո՞վ է ավարտվում չինովնիկների հետ հանդիպումը: Կոռուպցիայի դեմ պայքարը մշակման ենթակա լրջագույն քաղաքականություն է: Բայց ամենակարեւորը՝ քաղաքական կամքն է: Դա ոչ միայն վարչապետի, այլ ողջ իշխանության եւ ողջ հանրության խնդիրն է: Հանձնաժողովներ ձեւավորելով եւ հայեցակարգեր մշակելով՝ հարցը չի լուծվում»: Կոռուպցիայի դեմ պայքարելու, մարդու իրավունքները պաշտպանելու ՀՀ բարձրագույն չինովնիկների ցանկությունների ֆոնին, մեր զրուցակիցն անդրադառնում է 2010 թվականի ՀՀ բյուջեին, որն օրերս, կարելի է ասել՝ որոշ չինովնիկների կյանքի գնով, ընդունվեց խորհրդարանում: Նա գտնում է, որ մարդու իրավունքների պաշտպանությունը, մասնավորաբար՝ սոցիալական պաշտպանվածությունը, պետք է իր լուծումը գտներ բյուջեում. «Բայց բյուջեն նման հարց չի առաջադրում, հետեւաբար նաեւ լուծում չի տրվում: Անցնելով ֆինանսատնտեսական ճգնաժամը, 2010-ին մենք կանգնելու ենք սոցիալական ճգնաժամի շեմին»: Ի հիմնավորումն ասվածի, առողջապահության նախկին նախարարն անդրադառնում է բյուջեի առողջապահական հատվածին. «Բյուջեով առողջապահությանը տրամադրվելիք գումարները կրճատվել են 11 միլիարդ դրամով, որը 2009-ի բյուջեի նկատմամբ 18 տոկոս է կազմում: Արդեն իրականություն են դառնում այն կանխատեսումները, որ ՀՀ-ում սոցիալապես անապահով խավի թիվն ավելանալու է 170 հազար մարդով: Բյուջեի առողջապահական մասով հոդված կա՝ սոցիալապես անապահով խավի առողջապահության կազմակերպում: Այսինքն, որպեսզի պաշտպանված լինեին այդ 170 հազար մարդը, մենք պետք է բյուջեն ավելացնեինք: Իսկ եթե երկիրն իսկապես հնարավորություններ չունի, գոնե վերաբաշխում պետք է կատարվեր եւ պաշտպանիչ խնդիրներ լուծվեր այդ նոր 170 հազարի առողջության պահպանման խնդիրները լուծելու առումով»: Այս բացարձակ թվերի պարզ համադրումը մեր զրուցակցին թույլ են տալիս ենթադրել, որ այդ 170 հազարը պաշտպանված չեն լինելու:
«Իսկ իրականում՝ ընդհանրապես սոցիալապես անապահով խավը պաշտպանված չի լինելու». այս եզրահանգմանն էլ մեր զրուցակիցը եկել է՝ ուսումնասիրելով ՀՀ-ում գործազուրկներին վճարվող նպաստների չափը: «Գործազուրկին մենք վճարում ենք 48 դոլարին համարժեք դրամ, այն դեպքում, երբ ՌԴ-ն իր մեկ գործազուրկին վճարում է 180, իսկ Ադրբեջանը՝ 200 դոլարին համարժեք գումար: Եթե գոնե նպաստը բարձր լիներ, սոցիալապես անապահով խավ համարվող գործազուրկը հնարավորություն կունենար իր առողջական խնդիրները ինչ-որ չափով լուծել: Ստացվում է՝ բյուջեն ոչ սոցիալական պաշտպանվածության խնդիր է լուծում, ոչ էլ առողջապահության համակարգի բյուջեով ենք պաշտպանիչ շերտ ստեղծում»,- ասում է առողջապահության նախկին նախարարը: Եվ կոռուպցիայի մասին անընդհատ խոսել սիրող իշխանավորներին ասում է. «Բյուջեն այդ սկզբունքներով հաստատելով, մենք ի սկզբանե լրջագույն կոռուպցիոն ռիսկեր ենք դնում: Այսինքն, օրենսդիրի մակարդակով մենք համակարգին դրդում ենք գնալ կոռուպցիոն մեխանիզմների ձեւավորմանը եւ կոռուպցիոն ռիսկերի ավելացմանը: Շատ պարզունակ եւ ակներեւ փաստ. սահմանելով առողջապահական բյուջեի ծավալը 55 միլիարդ դրամի սահմաններում՝ մարդկանց խոստանում ենք գրեթե եվրոպական առողջապահություն՝ սա անվճար, նա անվճար, այս, այն տարիքային խմբերին եւ այլն: Այն ֆինանսական միջոցները, որոնք տրամադրվում են նման ամպագոռգոռ, լայնածավալ ծրագրեր առողջապահության բնագավառում իրականացնելու, համակարգին անմիջապես ստիպում են իրավիճակին հարմարվել: Ֆինանսավորման փոքր եւ ծրագրերի մեծ ծավալների բացը մեկը պետք է լրացնի: Դա անում է քաղաքացին, քանի որ այդ անհամապատասխանության արդյունքում է, որ ստեղծվում են հիվանդ-բուժաշխատող հարաբերությունների առկա նողկալի եւ անընդունելի ձեւերը»: Նա չի էլ մեղադրում իր կոլեգաներին, քանի որ, եթե փորձ է արվում հանրության ամենաթանկ եւ անգնահատելի արժեքը՝ առողջությունը, տեղավորել փոքրիկ թվերի մեջ, փոխհատուցման խնդիրն ինքնին առաջանում է: Հակակոռուպցիոն ծրագրերի եւ հանձնաժողովների մասին խոսելու փոխարեն, պարոն Մկրտչյանը խորհուրդ է տալիս օրենսդիրներին իրենց մշակած օրենքները լրջագույն հակակոռուպցիոն փորձաքննության ենթարկել:
Այս ամենը նա չի համարում համակարգի պատասխանատուների ոչ կոմպետենտության արդյունք. «Սա ընտրություններից ընտրություն շարունակվող գործընթաց է: Իշխանության գալով՝ այս կամ այն քաղաքական ուժն իր նախընտրական ծրագրերում բազմաթիվ խոստումներ է տալիս՝ հաշվի չառնելով իրատեսությունը: Ընտրողին հաճոյանալու, քվեներ ստանալու խնդիր ունեն: Նորմալ է, բայց պոպուլիզմի չափ կա: Նախընտրական շրջանի գերպոպուլիզմը բերում է պարտավորությունների, որոնք ստիպված ես իրականացնել ու պոպուլիստական ծրագրերը սկսում են տեղավորվել տարեցտարի համարյա նույն մակարդակն ունեցող բյուջեների սահմաններում»:
Իրավիճակից դուրս գալու եւ առողջապահության համակարգում կոռուպցիոն ռիսկերը նվազեցնելու համար, մեր զրուցակիցը երկու խնդիր է մատնանշում՝ կազմակերպակառուցվածքային օրենսդրական խնդիրների հստակեցում եւ ֆինանսական նորագույն մեխանիզմների ոչ թե հատվածային, այլ համալիր ներդրում: Այս համատեքստում նա հիշեցնում է դեռ 1990-ականներից շրջանառվող, սակայն մինչ օրս այդպես էլ իրականություն չդարձած սոցիալական պաշտպանվածության ծրագրերը, որոնք պետք է դրվեին առողջապահության բնագավառում: Ինչպես նաեւ՝ կարեւորում է անցումը պարտադիր բժշկական ապահովագրությանը. «Ինչքան հետաձգում ենք հարցը, խուսափում ենք դրան անդրադառնալուց, այնքան ավելի է խորանում այս իրավիճակը: Ջայլամային քաղաքականություն ենք վարում: Համակարգային կոնսերվատիզմ. սա է խանգարում պարտադիր բժշկական ապահովագրության ներդրմանը, որը շատ երկրներում ներդրվել է հենց տնտեսական լարված պայմաններում: Աշխարհում տասնամյակների փորձ կա եւ դա չի կարելի անտեսել»: Պարտադիր բժշկական ապահովագրության ներդրման մասով նա մատնացույց է անում երկու գերատեսչությունների՝ առողջապահության եւ ֆինանսների նախարարության ներգերատեսչական կոնսերվատիզմը. «Խորհրդային ժամանակներից պահպանվել է փող բաժանելու, ֆինանսավորելու ավանդույթն ու մոլուցքը: Այս երկու նախարարությունները չեն պատկերացնում, որ իրենք իբրեւ գերատեսչական մարմին, կարող են ընդամենը սահմանափակ դերակատարություն ունենալ առողջապահության համակարգի ֆինանսավորման խնդիրներում: Ոլորտի բարեփոխումներին յուրաքանչյուրը նայում է իր գերատեսչական բարձունքից ու ամբիցիաներից»:
Ընդհանրապես, նախկին նախարարը առավել վտանգավոր է համարում համակարգի կառավարման ոլորտի կոռուպցիոն երեւույթները: Այս համատեքստում մատնանշում է ՀՀ վերահսկիչ պալատի կողմից անցկացված ստուգումների արդյունքները միայն. «Տարիներ շարունակ նախարարության կողմից տարեսկզբին առկա դեբիտորական պարտքերից մարվել է միայն մի մասը, տարեվերջին թողնելով բավականին մեծ գումարի դեբիտորական պարտքեր՝ ակնկալելով պետական բյուջեից ավելի գումարների ստացում: «Կենտրոնացված կարգով դեղորայքի ձեռքբերման գծով պետական պատվեր» ծրագրով ձեռքբերված դեղորայքից շուրջ 764,9 մլն դրամ արժեքով դեղորայքի պիտանելիության ժամկետները ձեռքբերման պահին չեն համապատասխանել պայմանագրի տեխնիկական բնութագրերում սահմանված պիտանելիության ժամկետներին։ Մարդասիրական օգնությամբ ստացված դեղորայքը՝ շուրջ 60,8 մլն դրամ, որը ստացման պահին ունեցել է 6 ամսից 1,5 տարի պիտանելիության ժամկետ, ժամանակին չի բաշխվել եւ օգտագործվել, արդյունքում՝ կորցրել են պիտանելիության ժամկետը եւ դարձել ոչ պիտանի: Կենտրոնացված կարգով դեղորայքի ձեռքբերման համար կնքված պայմանագրերի պահանջները «Պետական գնումների գործակալություն» ՊՈԱԿ-ի պետի հրամանով ստեղծված աշխատանքային խմբի կողմից պատշաճ մակարդակով չկատարելու արդյունքում ձեռքբերված 17 անվանում դեղորայքի համար շուկայում առկա նվազագույն գներից ավելի քան 200 մլն դրամ ավելի է վճարվել։
Պայմանագրով նախատեսված հեռուստահաղորդումների պատրաստման եւ հեռարձակման ծառայությունները կատարվել է պակաս ծավալով, սակայն հավելագրման արդյունքում 2006, 2007, եւ 2008թթ. 9 ամիսների «ԱՎՏ ստուդիա» ՍՊ ընկերությանը վճարվել է ավելի քան 13,7 մլն դրամ ավելի գումար: Նախարարության ենթակայության 50% եւ ավելի պետական բաժնեմաս ունեցող որոշ ընկերություններ, խախտելով «Շահութահարկի մասին» ՀՀ օրենքը եւ ՀՀ հաշվապահական հաշվառման ստանդարտներով սահմանած պահանջները, տարեկան զուտ շահույթը սխալ հաշվարկելու հետեւանքով շուրջ 7,7 մլն դրամ պակաս շահաբաժին է հաշվարկվել եւ վճարվել ՀՀ պետական բյուջե: Կորոնարոգրաֆիայի, մագնիսառեզոնանսային տոմոգրաֆիայի, կոմպյուտերային տոմոգրաֆով ոչ ինվազիվ անգիոգրաֆիայի, կոմպյուտերային տոմոգրաֆիայի հետազոտությունների ուղեգրումները իրականացվել են սահմանված չափորոշիչների պահանջների խախտմամբ: Պետական բյուջեից հատկացված միջոցների ծախսը չի ապահովել ծրագրով ակնկալվող արդյունավետությունը:
Խոլերայի հայտնաբերման նպատակով մանրէաբանական հետազոտության համար ձեռք բերված եւ օգտագործված նյութերը, ըստ գործող նորմատիվների, չեն բավարարում կատարողականներով ցույց տրված հետազոտությունների քանակներին, որի արդյունքում ավելի է հաշվարկվել եւ վճարվել մոտ 76,5 մլն դրամ:
ՀՀ ԱՆ ՊՀՀ տեսչության տարածքային չորս փորձագիտական կենտրոնների ուսումնասիրության արդյունքում արձանագրվել է չկատարված հետազոտությունների դիմաց ավելի հաշվարկված եւ վճարված 44,652.2 հազ. դրամ» եւ այլն:

ՆԵԼԼԻ ԳՐԻԳՈՐՅԱՆ

Հնչակյան օրինական ատենապետը կընտրվի 2010թ. հունվարի 9-ին



Կոնգրեսը հրավիրված չի եղել «ՍԴՀԿ արտահերթ համագումարին»
Հայ ավանդական կուսակցություններից մեկի` Սոցիալ-դեմոկրատ հնչակյան կուսակցության պառակտումը երեկ միս ու արյուն ստացավ:
Նկատնեք, որ ժամանակ առաջ մեր թերթին տված հարցազրույցում ՍԴՀԿ կենտրոնական վարչության ատենապետ Սեդրակ Աճեմյանը ցավ էր հայտնել ավանդական մեկ այլ կուսակցության` ՀՌԱԿ-ի պառակտման փաստի կապակցությամբ եւ ՍԴՀԿ աջակցությունը հայտնել: Այժմ, փաստորեն, ՀՌԱԿ ուխտը «չոքել» է Սեդրակ Աճեմյանի դռանը: Դեռ ամիսներ առաջ` օգոստոսի 14-ին, «Ժամանակ»-ի հետ զրույցում հարցին, թե ՍԴՀԿ-ն կկարողանա՞ դիմակայել հնարավոր պառակտումներին, ինչպես որ եղավ ՀՌԱԿ-ի դեպքում (եւ որպես պառակտիչ` շրջանառության մեջ դրվեց վարչապետ Տիգրան Սարգսյանի անունը), Աճեմյանը պատասխանել էր. «Մենք, իսկապես, գնալով ամրանում եւ կուռ ենք դառնում, եւ մեզ տրոհելը հեշտ չի լինի` անգամ մեծ ցանկության պարագայում: Տա Աստված, իհարկե»: Ի դեպ, այդ հարցազրուցից մի քանի օր առաջ պրն Աճեմյանը եւս հանդիպում էր ունեցել Տ.Սարգսյանի հետ, եւ ինչպես կառավարության տարածած մամլո հաղորդագրության մեջ էր ասվում` ի թիվս այլ հարցերի, վարչապետն ու Աճեմյանը քննարկել էին «ՍԴՀԿ հետ երկխոսության ու համագործակցության հնարավոր ուղիները»: Թե որո՞նք են այդ համագործակցության «հնարավոր ուղիները»` այսօր կարծեք թե հայտնի են դառնում, եթե նկատի ունենանք շրջանառվող այն լուրերը, համաձայն որոնց ՍԴՀԿ-ում ի հայտ եկած խժդժությունը հրահրվել է հենց վարչապետ Տիգրան Սարգսյանի ձեռքով, որի նպատակը կուսակցությանը ՀԱԿ-ից «պոկելն» ու իշխանական պրոյեկտների մեջ ներքաշելն է: Ինչեւէ:
Երեկ տեղի ունեցած ՍԴՀԿ «արտահերթ համագումարը», որին մասնակցել է նաեւ պրն Աճեմյանն ու դեկտեմբերի 14-ին արտահերթ համագումար հրավիրելու պահանջով հանդես եկած` ՍԴՀԿ ինը կառույցների ներկայացուցիչներ, վկայում է այն մասին, որ հակառակ ՍԴՀԿ ԿՎ ատենապետի «ցանկության», 123-ամյա Հնչակյանը մայր հայրենիքում տրոհվեց: Նկատենք, որ համագումարի ընթացքում դրա մասնակիցները` ՍԴՀԿ ԿՎ անդամ Վահան Շիրխանյանի գլխավորությամբ, անվստահություն են հայտնել ՍԴՀԿ հայաստանյան կառույցի ատենապետ Լյուդմիլա Սարգսյանին: Իսկ այսօր` մինչեւ օրվա առաջին կեսը, շիրխանյանական թեւը կընտրի նոր ատենապետ: Երեկ տեղի ունեցած համագումարի ու նոր ատենապետի ընտրության հանգամանքին ՍԴՀԿ ատենապետ Լ.Սարգսյանը հանգիստ է վերաբերվում, քանի որ, ըստ նրա, այն, ինչ տեղի է ունեցել` ֆիկցիա է, եւ խոսում է դրան մասնակցություն ունեցածների «տգիտության, կուսակցության կանոնադրությունից անտեղյակ լինելու մասին»:
Նախ, ինչպես հայտնի է, համահնչակյան 19-րդ համագումարի ընթացքում ՍԴՀԿ հայաստանյան կառույցի համագումարի օր էր նշանակվել 2010-ի հունվարի 9-ը, իսկ երեկ տեղի ունեցած եւ այսօր շարունակվող համագումարը, ըստ ՍԴՀԿ ատենապետի, հակասում է 19-րդ համագումարի որոշմանը: Եվ բացի այդ էլ, Սարգսյանի հավաստմամբ, կառույցների մի մասը, որոնք մասնակցել են այդ, իր ձեւակերպամբ, ապօրինի համագումարին, մի քանի տարի է` գոյություն չունեն: «Ոչ գրասենյակները կան, ոչ էլ դրանց ղեկավարները: Դեռ երկու ամիս առաջ ՍԴՀԿ վարչության նիստը ամրագրել է, թե քանի գործող կառույց ունենք, եւ թե այդ կառույցներից յուրաքանչյուրից քանի պատգամավոր պետք է մասնակցի կուսակցության վարչության նիստերին: Բոլոր այդ 38 պատգամավորները մեզ հետ են: Հետեւաբար, շատ լավ հասկանալով, որ ոչ մի բանի չեն կարող հասնել իրենց սակավ համակիրներով` նրանք նախաձեռնել են այն, ինչ տեղի է ունեցել, այսպես կոչված, համագումարի տեսքով», - մեզ հետ զրույցում Ծաղկաձորում տեղի ունեցած փակ համագումարի կազմակերպիչների մասին ասաց ՍԴՀԿ ատենապետը: Ի դեպ, համագումար կարող է հրավիրվել միայն կուսակցության վարչության որոշմամբ: Ըստ ՍԴՀԿ կանոնադրության` ատենապետին ընտրում է ՍԴՀԿ վարչությունը, որը բաղկացած է յոթ հոգուց: ՍԴՀԿ ներկայիս վարչության անդամներն են` Լյուդմիլա Սարգսյանը, Ալեքսանդր Ալեքյանը, Ալբերտ Գաբրիելյանը, Համբարձում Եղիազարյանը, Գեւորգ Պերկուպերկյանը, Արսեն Կուպելյանը: (Վարչության անդամ էր նաեւ վերջերս կյանքից հեռացած Էդիկ Պետրոսյանը): Հենց Արսեն Կուպելյանն ու Գեւորգ Պերկուպերկյանն էլ, ովքեր ներկայացնում են ՍԴՀԿ` Լ.Սարգսյանին անվստահություն հայտնածների թեւը, ըստ շրջանառվող տեղեկությունների, համարվում են ՍԴՀԿ ատենապետի ռեալ հավակնորդներ: (Ինչ վերաբերում է Վահան Շիրխանյանին, ապա նա չի կարող ընտրվել ատենապետ, քանի որ ՍԴՀԿ կենտրոնական վարչության անդամ է եւ միայն ԿՎ անդամությունից հրաժարվելու դեպքում կարող է հավակնել ՍԴՀԿ ղեկավարի պաշտոնին: Չի բացառվում նաեւ Վարդան Խաչատրյանի` ատենապետ ընտրվելը, թեեւ վերջինս, ըստ ՍԴՀԿ կանոնադրության, ՍԴՀԿ անդամ չէ): Բայց թե ինչպե՞ս է ձայների նման անհավասար հարաբերակցությամբ տեղի ունենալու ատենապետի ընտրությունը` հայտնի չէ: «Այն, ինչ անում է մյուս թեւը, ապօրինի լինելուց բացի` նաեւ ծիծաղելի է: Երեւի թե մտածում են, որ քանի որ Հայաստանում օրենքները չեն գործում, ապա կարող են իրենց թույլ տալ նման ապօրինություններ անել ու մտածել, թե մենք անպաշտպան ենք: Չարաչար սխալվում են: Միայն հունվարին տեղի ունենալիք համագումարի ընթացքում է, որ ընտրվելու է միակ լեգիտիմ ու օրինական ատենապետը», - ասաց Լ.Սարգսյանը: Նաեւ հավելեց. «Իսկ եթե հանկարծ որոշեն ՍԴՀԿ անունից հանդես գալ` որպես ատենապետ կամ այլ անձ, ուղիղ կկանգնեն դատարանի առաջ»:
Հ.Գ. Քանի որ ՍԴՀԿ-ն Հայ Ազգային Կոնգրեսի անդամ է, երեկ կուսակցության շուրջ տեղի ունեցած զարգացումների մասին փորձեցինք մեկնաբանություն ստանալ ՀԱԿ համակարգող Լեւոն Զուրաբյանից: Վերջինս ասաց, որ արտահերթ համագումարին Կոնգրեսը հրավիրված չի եղել եւ իրազեկված է միայն 2010 թվականի հունվարի 9-ին տեղի ունենալիք համագումարի մասին ու, ըստ այդմ էլ, մասնակցելու է այդ օրվա համագումարին: Պրն Զուրաբյանը նկատեց նաեւ, որ ՀԱԿ-ը, անկախ այն բանից, թե ինչ է տեղի ունենում կուսակցության ներսում, շարունակում է իր համագործակցությունը ՍԴՀԿ հետ այնպես, ինչպես որ մինչ այս էր համագործակցում: