воскресенье, 25 декабря 2011 г.

Realpolitik ծրագրի հյուրն է Արարատ Մկրտչյանը

пятница, 23 декабря 2011 г.

Ճգնաժամը եկել ու դուրս չի գալիս

0905Հարցազրույց ՍԴՀԿ անդամ, առողջապահության նախկին նախարար, բժշկական գիտությունների դոկտոր Արարատ Մկրտչյանի հետ
- Ինչպե՞ս կգնահատեք անցնող տարին. սոցիալ-տնտեսական առումով այս տարին ինչ տվեց Հայաստանին:
- 2011 թ. բավական հետաքրքիր տարի էր այն առումով, որ նաեւ պետք է լիներ իշխող կոալիցիայի կառավարության հաշվետվության տարի: Մի քանի ամիս հետո կանգնելու ենք ընտրությունների շեմին: Եվ հիմա կոալիցիան պետք է հաշվետվություն ներկայացներ իր կառավարության ձեւավորման ժամանակ տված խոստումների կատարման առումով: Բայց այս տարի ոչ միայն հաշվետվություն չեղավ, այլեւ՝ կոալիցիան նոր ծրագրեր է առաջարկում: Ես կցանկանայի դիտարկել, թե սոցիալական պաշտպանվածության խնդիրների առումով ինչ արեց կառավարությունն ու ինչ ցուցանիշներ արձանագրեց:

четверг, 22 декабря 2011 г.

ՀԱԿ-ը գործակցում է բոլոր երկրների թե՛ դեսպանատների, թե՛ առանձին քաղաքական ուժերի հետ. Լյուդմիլա Սարգսյան

ls-2207asՕրերս մամուլում տեղեկություններ հայտնվեցին այն մասին, որ Ռուսաստանում գործող «Միաբանություն» կենտրոնի ղեկավար Սմբատ Կարախանյանն ակտիվ շփումների մեջ է հայաստանյան իշխանությունների հետ:
Այս տեղեկության հրապարակումից անմիջապես հետո Կարախանյանը հարցազրույց տվեց «Ժողովուրդ» օրաթերթին, և պատասխանելով հարցին՝ արդյոք Պուտինը լոյա՞լ է վերաբերվում Հայ ազգային կոնգրեսին, պատասխանեց. «Ես չգիտեմ, թե Կոնգրեսի քաղաքական մարմինն ընտրություններից առաջ ինչ որոշումներ կընդունի, բայց այսօրվա դրությամբ կարող եմ ասել՝ մասամբ մասնակից լինելով բոլոր այդ հանդիպումներին և բանակցային պրոցեսներին, որ Կոնգրեսից հստակ մի բան է ակնկալվում, որ տարվի հայամետ քաղաքականություն:

среда, 21 декабря 2011 г.

Սամվել Նիկոյանին փոխհատուցե՞լ են

132447350344ՍԴՀԿ անդամ, ԱԱ նախկին փոխնախարար Գուրգեն Եղիազարյանը կարծում է, որ Սամվել Նիկոյանին ԱԺ նախագահի պաշտոնը տվել են որպես փոխհատուցում: «Ամեն ինչ ունի իր գինը: Չէ, որ մենք թեւակոխել ենք կապիտալիզմ: Իսկ կապիտալիզմը ենթադրում է շուկայական հարաբերություններ, ազատ առեւտուր: Ու հիմա Նիկոյանին այդ շուկայական հարաբերությունների համատեքստում վճարել են», ասաց Եղիազարյանը:
Իսկ թե որն է այդ պաշտոնի գինը, ՍԴՀԿ անդամը նշեց. «Մարտի 1-ի տասը զոհերի եւ շուրջ 182 վիրավորների դիմաց տրվեց այդ պաշտոնը: Գլխավորելով մարտի 1-ի ԱԺ այդ հանձնաժողովը, նա ամեն ինչ արեց, որ ոչինչ չբացահայտվի` ոչ մարտի 1-ին կրակելու հրաման տվողները, ոչ մարդասպանները»:

вторник, 20 декабря 2011 г.

Համակարգը ինչպես ՀԱԿ-ի դեմ է աշխատում, այնպես էլ ԲՀԿ-ի դեմ է աշխատելու. Լյուդմիլա Սարգսյան

ls0412«Եթե արդար և թափանցիկ ընտրություններ լինեն և ԲՀԿ-ն ինքնուրույն շատ ձայներ հավաքի, ապա ՀԱԿ-ը միայն կողջունի դա, քանի որ մեր նպատակը ժողովրդի ձայնը տեղ հասցնելն է»,- ասաց ՍԴՀԿ ատենապետ Լյուդմիլա Սարգսյանը Tert.am-ի խնդրանքով մեկնաբանելով «168 ժամ»-ին տված ՀՀ նախկին վարչապետ Հրանտ Բագրատյանի հարցազրույցը, թե «ՀԱԿ-ն առաջինը կլինի, որ կուզենա՝ ԲՀԿ-ն շատ ձայն հավաքի»։

Հարցազրույցում Հրանտ Բագրատյանը նաև կարծիք էր հայտնել, որ մայիսի 6-ի ընտրություններից հետո ամենահնարավոր սցենարն այն է, որ ԲՀԿ-ն գալու է Ազատության հրապարակ՝ արդար ընտրությունների խռովությանը, ընտրակեղծիքների դեմ պայքարելու գործընթացին միանալու:

четверг, 15 декабря 2011 г.

Մեծ է հավանականությունը, որ ՀՀԿ-ն և ԲՀԿ-ն առաջիկա ընտրություններին կգնան միասնական ցուցակով. ՀԱԿ

arm132396572572Հայ ազգային կոնգրեսի անդամ Արարատ Մկրտչյանի կարծիքով՝ բավական մեծ է հավանականությունը, որ ՀՀԿ-ն և ԲՀԿ-ն առաջիկա ընտրություններին կգնան հենց միասնական ցուցակով: Այս մասին նա ասաց «Առաջին լրատվական»-ի հետ զրույցում:
«Իշխանության նման գործողությունը ես նորմալ եմ դիտարկում, որովհետև մինչև օրս ոչ սահմանադրական, ոչ կանոնակարգված կոալիցիայից այս տարիների ընթացքում ամեն բան տեսանք: Այնպես որ, մինչև ընտրություններ ցանկացած տեսակի միավորումներ հնարավոր եմ համարում՝ ինչպես ԲՀԿ-ի, այնպես էլ ՕԵԿ-ի հետ կապված: Ինձ թվում է՝ լուրջ ինտրիգ չի լինի, քանի որ նրանք տարիների ընթացքում գործել են նույն ձեռագրով և վարած քաղաքականության ու ծրագրերի մեջ էլ էական տարբերություններ չկան: ՀՀԿ-ն էլ, ԲՀԿ-ն էլ օլիգարխիկ բնույթ ու ծնունդ ունեն, և բավականին նորմալ է, որ նրանք միասնական ցուցակ ունենան»,- ասաց նա:

пятница, 9 декабря 2011 г.

Ժողովրդի բարեհաճ վերաբերմունք Սերժ Սարգսյանը չի կարող ակնկալել անգամ երազում. Լ. Սարգսյան

arm132040068156

Սերժ Սարգսյանը և նրա ղեկավարած Հանրապետական կուսակցությունը ժողովրդավարության հետ որևէ կապ չունեն, քանի որ ՀՀ քաղաքացիներն ապրում են բռնապետական վարչակարգի պայմաններում: «Առաջին լրատվական»-ի հետ զրույցում այս մասին հայտարարեց ՍԴՀԿ ատենապետ Լյուդմիլա Սարգսյանը՝ անդրադառնալով Եվրոպայի ժողովրդական կուսակցության նախագահ Վիլֆրիդ Մարթենսի՝ Սերժ Սարգսյանին ԵԺԿ դիտորդական կրծքանշան հանձնելու փաստին:
«Նման վարչակարգի պարագայում ժողովրդավարության մասին խոսելն ուղղակի ավելորդություն է և նույնիսկ ծիծաղելի: Բայց չմոռանանք, որ նույն այդ Եվրոպան 2008 թվականի հայաստանյան նախագահական ընտրությունները եվրոպական չափանիշներին համապատասխան ճանաչեց, այնպես որ, զարմանալու պատճառ չկա:

пятница, 2 декабря 2011 г.

Տեր-Պետրոսյանի ելույթը մարտավարակա՞ն էր

208045_1896861628490_1450091694_1989601_5738775_nՔաղաքական շրջանակների քննարկման առարկան շարունակում է մնալ Հայ ազգային կոնգրեսի վերջին հանրահավաքում Լեւոն Տեր-Պետրոսյանի հնչեցրած միտքը ՀԱԿ-ԲՀԿ հնարավոր համագործակցության մասին, որը կարծես վերջին ակորդն էր  ՀՀԿ-ԲՀԿ լարվածության: Եվ մինչ Կոնգրեսում քննարկում են՝ հնարավո՞ր է արդյոք համագործակցել ԲՀԿ-ի պես ուժի հետ, ոստիկանությունը սկսեց ավելի ինտենսիվ կերպով թմրամոլներ հայտնաբերել ԲՀԿ-ականների շարքերում ու ձերբակալել:

Նախօրեին տեղի է ունեցել ՀԱԿ քաղխորհրդի նիստը, որի ընթացքում քննարկվել է ԲՀԿ-ի հետ համագործակցության Լեւոն Տեր-Պետրոսյանի առաջ քաշած թեզը վերջին հանրահավաքում: Քննարկվել է նաեւ, թե արդյոք հնարավո՞ր է քաղաքական ուժերի կոնսոլիդացիա՝ թեկուզ ընտրական պրոցեսը վերահսկելու համար: Քաղխորհրդի նիստին ինքը` ՀԱԿ առաջնորդը, չի մասնակցել:

«ԺԱՌԱՆԳՈՒԹՅՈՒՆԸ» ՎԵՐՋԻՆ ԱԿՈՐԴՆ Է ՀՆՉԵՑՆՈՒՄ ԱՐԴԵՆ «ՄԱՅՐ ՄՏՆՈՂ» ԱԶԳԱՅԻՆ ԺՈՂՈՎՈՒՄ»

VLUU L110, M110  / Samsung L110, M110ԱԺ «Ժառանգություն» խմբակցության նախաձեռնած «Լյուստրացիայի (գաղտնազերծման) մասին» օրինագծին որոշ քաղաքական գործիչներ խիստ դեմ արտահայտվեցին, որոնց թվում է նաև ՍԴՀԿ անդամ, Ազգային անվտանգության նախկին փոխնախարար ԳՈՒՐԳԵՆ ԵՂԻԱԶԱՐՅԱՆԸ, ով մեզ հետ զրույցի սկզբում նախ անդրադարձավ «լյուստրացիա» բառի էությանը: «Դա, այսպես ասած, մեղքերի թողություն է, եթե, իհարկե, այդ մեղքերը եղել են: Երբ ասում ենք լյուստրացիա, հասկանում ենք գաղտնազերծում, որը վերաբերում է նախկինում մեծ ու փոքր մեղքեր գործած տարբեր մարդկանց: Այս օրենքը կիրառվել է եվրոպական ութ երկրում, ինչպես նաև Վրաստանում»,- նկատեց պարոն Եղիազարյանը՝ «Իրատես de facto» ակումբում հյուրընկալվելուց հետո պատասխանելով մեր հարցերին:

четверг, 1 декабря 2011 г.

Պարտադիր չէ, որ ՀԱԿ-ում բոլորը և միշտ համաձայն լինեն Տեր-Պետրոսյանի հետ

p1Zham.am-ի հարցերին պատասխանում է Հայաստանի Ազգային անվտանգության ծառայության ղեկավարի նախկին տեղակալ, Սոցիալ-դեմոկրատական հնչակյան կուսակցության ղեկավար Գուրգեն Եղիազարյանը:

-Ինչպե՞ս կմեկնաբանեք Լևոն Տեր-Պետրոսյանի ելույթը ՀԱԿ-ի` նոյեմբերի 25-ին կայացած հանրահավաքի ժամանակ:

-Դրական: Լևոն Տեր-Պետրոսյանը հերթական անգամ իրավիճակը գնահատելու և ներքաղաքական ու արտաքին քաղաքական գործընթացները վերլուծելու իր կարողությունը ցուցաբերեց`հանդես գալով որպես խելացի ու ճկուն քաղաքական գործիչ:

-Իր ելույթում Տեր-Պետրոսյանը հայտարարեց, որ իր սեփական կարծիքն է հայտնում «Բարգավաճ Հայաստան» կուսակցության հետ հնարավոր համագործակցության մասին, քանի որ ՀԱԿ-ում այդ հարցի շուրջ կոնսենսուս չկա: Դուք աջակցո՞ւմ եք ՀԱԿ առաջնորդի նախաձեռնությանը, թե՞ դեմ եք դրան:

среда, 30 ноября 2011 г.

ՀԱՅԱՍՏԱՆՈՒՄ ԲՆԱԿՉՈՒԹՅՈՒՆԸ ԾԵՐԱՆՈՒՄ Է

arm128949534630«Գոնե ինձ մոտ տպավորություն ստեղծվեց, որ հենց իմացել են` սերտիֆիկատ են ստանալու, միանգամից վազել են ննջասենյակ եւ զբաղվել են երեխայաստեղծ գործունեությամբ»,-անդրադառնալով կոալիցիայի «Ծնելիության սերտիֆիկատ» նախաձեռնությանը  եւ դրան վերագրվող ծնելիության աճին` նշեց առողջապահության նախկին նախարար, Հայ ազգային կոնգրեսի անդամ Արարատ Մկրտչյանը:
-Պարո՛ն Մկրտչյան, հայտնի է, որ առողջապահության նախարարությունն ակտիվ քննարկում է կամավոր առողջապահական ապահովագրության մասին օրենքի նախագիծը, որից հետո, ըստ տեղեկությունների, անցում է կատարվելու պարտադիրին: Մինչդեռ մասնագետները նշում են, որ դա դառնալու է նոր ԱՊՊԱ:

Թե ինչպե՞ս է «բրոյլեր» հավիկը կտցահարել Հայրիկյանին

2-ej-Seyran-OhanyanyԳուրգեն Եղիազարյանը՝ Հայրիկյանի անցյալի եւ «գաղտնազերծման» օրենքի մասին

«Ես մեծ հաճույքով կընթերցեի մոռդովական ճամբարների բոլոր այն +սեքսոտների անունները, ովքեր մի տուփ պահածոյի համար շառով են տվել, սրիկայություններ են արել իրենց դրկիցների՝ նույն կալանավորների նկատմամբ: Բայց չեմ կարծում, որ ռուսական հատուկ ծառայություններն իրենց նման շռայլություն թույլ կտան»,- «Առավոտի» հետ զրույցում երեկ հայտարարեց ԱԱԾ նախկին բարձրաստիճան սպա, ՍԴՀԿ անդամ Գուրգեն Եղիազարյանը: Ընդհանրապես, անդրադառնալով խորհրդային հատուկ ծառայության արխիվները գաղտնազերծելու «Ժառանգության» ներկայացրած օրենքի նախագծին մասնագիտական տեսանկյունից՝ պարոն Եղիազարյանն այն համոզման է հանգել, որ հիմա արեւմտյան տերություններին հետաքրքիր են այն գործակալները, ովքեր գործել են 1980-ականներին եւ դեռ այժմ էլ կարող են գործել.

ՀԱԿ ներկայացուցիչ. ՀՀԿ-ն ԲՀԿ-ին ձերբակալություններով է պատժում եւ փորձում է ենթարկեցնել իրեն

11_203Վերջին օրերին թմրանյութեր պահելու կամ խոշոր չափերով թմրամիջոցների ապօրինի շրջանառության մեղադրանքով  արդեն իսկ ձերբակալվել կամ կալանավորվել են «Բարգավաճ Հայաստան»  կուսակցության կամ նրա առաջնորդ Գագիկ Ծառուկյանի հետ ուղղակի կամ անուղղակի առնչություններ ունեցող 4 անձինք: Ձերբակալվածներից մեկը ԲՀԿ Ջերմուկի տարածքային կառույցի ղեկավար Արմեն Հովհաննիսյանն է, որը կասկածվում է թմրանյութեր պահելու մեջ: Այս զարգացումներին անդրադառնալով՝ ԲՀԿ նախագահի մամուլի խոսնակը, ի պատասխան «Ազատություն» ռ/կ-ի, խոստովանել է, թե՝ ԲՀԿ-ի նկատմամբ ճնշումները նկատելի են դարձել՝ հավելելով, որ  դրանց վերաբերյալ կուսակցությունը վերջնական գնահատականներ կտա ավելի ուշ. թերեւս, հանդես կգա հայտարարությամբ:

пятница, 25 ноября 2011 г.

ՀԱԿ-ից «դեսանտ» են իջեցրել

P066-345-256-273-06060ՀԱԿ գրասենյակից Aravot.am-ին տեղեկացնում են, որ մոտ կես ժամ առաջ ՀԱԿ կենտրոնական գրասենյակից  մարզերից դեպի Երեւան բերող   ճանապարհների  ուղղությամբ մեկնել են ՀԱԿ երիտասարդական թեւի ներկայացուցիչները՝ վերահսկելու համար դեպի մայրաքաղաք բերող ճանապարհները: ՀԱԿ-ի այս քայլը նպատակաուղղված է չեզոքացնելու ոստիկանների կողմից ճանապարհների փակումը, ինչի պատճառով մարդիկ չեն կարողանում մասնակցել Կոնգրեսի կազմակերպած հանրահավաքներին:

Աշտարակ քաղաքի կողմից մուտք ապահովող ճանապարհի մոտ գտնվող ՍԴՀԿ «Սարգիս Տխրունի» ուսանողական միության անդամ  Նուբար Բեյլերյանն Aravot.am-ի հետ զրույցում ասաց, որ մինչ իրենց տեղ հասնելը՝ ոստիկաններն արգելել են այդ ճանապարհով Երեւան եկող մեքենաների մուտքը, հատկապես, երբ վերջիններս եղել են շատ ուղեւորներով: Ժամը 15.30-ի դրությամբ, քանի դեռ ՀԱԿ-ի ներկայացուցիչները հսկում էին ճանապարները՝ չէր արգելվում մեքենաների մուտքը:

Երեւան հասնելու համար բժշկի թո՞ւղթ է պետք ցույց տալ ոստիկաններին

P059-408-255-308-1c031ՍԴՀԿ կենտրոնական վարչության անդամ Ալեքսանդր Ալեքյանն Aravot.am-ի հետ զրույցում քիչ առաջ տեղեկացրեց, որ Վանաձորից Երեւան ճանապարհի մի հատվածում «գազելի» վարորդը տեղեկացել է, որ Աշտարակից Երեւան ճանապարհին ոստիկանները կանգնած են եւ արգելում են մեքենաների մուտքը մայրաքաղաք: Ուղեւորների հետ համաձայնության արդյունքում՝ վարորդը փորձել է Եղվարդի ճանապարհով հասնել Երեւան: Ճանապարհի սկզբին ոստիկաններ են եղել կանգնած, որոնք այլ մեքենաներով «զբաղված»՝ չեն կանգնեցրել տվյալ «գազելին»: Իսկ Եղվարդի կենտրոնում արդեն, 4-5 ոստիկանական մեքենա փակել են «գազելի» ճանապարհը: Վարորդը պատճառաբանել է, որ իր հիվանդ քեռուն պետք է հասցնի մայրաքաղաքի հիվանդանոցներից մեկը: Ուղեւորներից մեկն իսկապես եղել է վատառողջ եւ իր հետ է ունեցել իր առողջական բոլոր փաստաթղթերը:

четверг, 24 ноября 2011 г.

Ամանորը չի խոչընդոտի իշխանափոխությանը

126330460276Հարցազրույց ՍԴՀԿ ատենապետ Լյուդմիլա Սարգսյանի հետ
- Հայ Ազգային Կոնգրեսի համակարգող Լեւոն Զուրաբյանը վերջերս հայտարարեց, թե Կոնգրեսն այս հանրահավաքին ներկայացնելու է Սերժ Սարգսյանի հրաժարականի հռչակագիր: Ի՞նչ հռչակագրի մասին է խոսքը:
- Արտահերթ ընտրություններ անցկացնելու վիճակն, իրոք, հասունացած է: Շատերի մոտ տպավորություն է, թե Կոնգրեսը գնում է հերթական ընտրությունների: Սակայն հերքեմ` նման տրամադրություններ Կոնգրեսում բացակայում են: Նման տրամադրություններ երբեք չեն եղել, ու մենք հայտարարել ենք, որ ամեն ինչ անելու ենք` նրա հրաժարականին հասնելու համար: Այժմ մեր գործողությունները միտված են այդ հրաժարականին հասնելու:

Ո՞ւմ համար ենք կառուցում

Thursday_Daily-Lyudmila-Ամենամյա դարձած համահայկական դրամահավաքն այս տարի էլ կարծես կկայանա, առաջիկա օրերին կեզրափակվի այն: Ցավալիորեն դա շարունակում է համահայկական լինել: Իրականում կցանկանայի ունենային այնպիսի երկիր, որի քաղաքացին այնքան ապահովված լիներ, որ մարաթոնը ոչ թե համահայկական, այլ՝ հայաստանյան միջոցներով կայանար: Իհարկե, դեմ չեմ, որ այսօր իր մասնակցությունն ունի ակտիվ Սփյուռքը, որը հայ ժողովրդի կարեւորագույն մասնիկն է, բայց, իբրեւ ՀՀ քաղաքացի, ինձ լավ կզգայի, ավելին՝ նվաստացած չէի լինի, երբ հայրենիքում ապրողներս այնքան ապահովված չենք՝  ինքներս լուծելու ճանապարհների, ջրագծերի եւ այլնի կառուցման հոգսերը:

вторник, 15 ноября 2011 г.

Այդ վերջացած մարդը, կատարյալ սրիկան...

1-ej-verevi-lur«Մի կողմ թողնելով, թե ով է կինը եւ ինչ պրոբլեմ կա նրանց միջեւ, ես կարծում եմ, որ եթե Սյունիքի մարզպետը նույնիսկ չի կարողացել իրեն զսպել եւ կնոջը հարվածել է, այդտեղ արդեն գնահատականներ տալն անիմաստ է»,- yerkir.am-ի հետ զրույցում, մեկնաբանելով Սյունիքի մարզպետ Սուրիկ Խաչատրյանի երեկվա վարքագիծը, ասաց ՍԴՀԿ ատենապետ, ՀԱԿ անդամ Լյուդմիլա Սարգսյանը:

«Նա վերջացած մարդ է, մի կատարյալ սրիկա, որին իշխանությունները պահում, պահպանում, գուրգուրում են, որ օգտագործեն»,- հավելեց ընդդիմադիր գործիչը:

Հարցին` որո՞նք պետք է լինեն իշխանության քայլերն այս միջադեպից հետո, Լ. Սարգսյանը պատասխանեց. «Եթե Բեգլարյանին պարզապես հեռացրեցին, ապա սրան պետք է ոչ միայն հեռացնել մարզպետությունից, այլ նաեւ դատի տալ եւ երկար ժամանակով ձերբակալել, որովհետեւ, բացի իր կատարած մնացած բոլոր հանցագործություններից, որոնք երբեմն քողարկված են եղել, նա համարձակվել է բացահայտ ու հրապարակավ հարվածել կնոջը»:

Կառավարությունը խաբե՞լ էր

p15Առողջապահության նախկին նախարարը՝ 2012-ի բյուջեի մասին

«2012-ի բյուջեով գոնե կոալիցիոն կառավարությունը որոշակի գաղափարական փոփոխություններ ամրագրեր, որպեսզի ընտրողների առջեւ ասելու բան ունենային. ասենք՝ խոստացված տարածաշրջանային առողջապահական կենտրոնների վերաբերյալ այսպիսի գումարներ ենք հատկացրել եւ այսպիսի ծրագրեր ենք անելու… ՀՀԿ նախընտրական ծրագրում առողջապահական ոլորտի առաջնահերթություն էր ամրագրված պետպատվերի տեղադրման նոր ձեւի ներդնումը: Դժբախտաբար, այս բյուջեում էլ դա չենք տեսնում, եւ, որ ամենակարեւորն է, 2012-ի բյուջեի նախագծով էլ չի նախատեսվում կատարել կառավարության ծրագրում ամրագրված հիմնական խոստումներից մեկը՝ առողջապահական բյուջեին հատկացումները հասցնել 2,2 տոկոսի՝

понедельник, 14 ноября 2011 г.

Արարատ Մկրտչյան. «Շուկայի 70 տոկոսը Սամվել Ալեքսանյանինն է»

n-10414-bԸստ առողջապահության նախկին նախարարի, Հայաստանում կեղծ եւ ժամկետանց դեղերի խնդիրը կոծկում են՝ օլիգարխների շահույթը չսահմանափակելու համար

Հոկտեմբերի 8-ին ԵԽ-ում ընդունվել էր «Մեդիկրիմ» հռչակագիրը՝ ընդդեմ կեղծ դեղամիջոցների եւ ոլորտում կեղծարարության: Հոկտեմբերի 26-ին Եվրոպայի խորհրդի նախաձեռնությամբ անցկացվեց ընդդեմ կեղծ դեղամիջոցների գիտաժողով, որտեղ ներկայացվեց «Մեդիկրիմը»: Այս պահին «Մեդիկրիմը» ստորագրել է 12 պետություն. Գերմանիա, Իսրայել, Իսլանդիա, Իտալիա, Կիպրոս, Պորտուգալիա, Ռուսաստան, Ուկրաինա, Ֆինլանդիա, Ֆրանսիա, Շվեյցարիա: Հռչակագիրը բաց է ստորագրման համար: Հայաստանը չի միացել այդ հռչակագրին, մինչդեռ, ըստ տեղեկությունների, Հայաստանում շատ կան լեհական արտադրության կեղծ դեղեր:

суббота, 12 ноября 2011 г.

Վարչապետին ոչ սթափ վիճակում տեսնելով՝ ամոթ և ցավ ապրեցի. ՍԴՀԿ ատենապետ

Marti-1,2010.Hanrahavaq ert_thumbՍԴՀԿ ատենապետ Լյուդմիլա Սարգսյանը այսօր «Առաջին լրատվական»-ի հետ զրույցում գնահատելով վարչապետի ելույթը, որտեղ նա ոչ սթափ վիճակում է, արձագանքեց. «Առաջին զգացողությունը, որ ունեցա, դա ամոթի զգացողությունն էր, որ երկրի գործադիր մարմնի ղեկավարը, երկրի 2-րդ դեմքը անսթափ վիճակով ներկայանա երիտասարդությանը և դեռ փորձի ինչ-որ մտքեր արտահայտել՝ փորձելով համոզել, թե այս երկրում ամեն ինչ նորմալ է, և այս երկրում երիտասարդը օրինակներ ունի, որին պետք է ընդօրինակի:
Ավելին՝ ցավ ապրեցի, երբ վարչապետը ասաց, թե մենք մոտ ապագայում այնպիսի երիտասարդներ ենք ունենալու, որոնք աշխարհին տարբեր ծառայություններ են մատուցելու: Դրանով նա ակամայից հաստատեց այն քաղաքական գիծը, որ տանում է այսօր գործող իշխանությունը: Այսինքն՝ մենք ստեղծում ենք ապագա ունեցող երիտասարդներ, որոնք իրենց ապագան դրսում պետք է կերտեն և ծառայեն այդ երկրներին»:

среда, 9 ноября 2011 г.

Պետք է երկիրն ազատել շնացած, կատաղած և վայրագ կապիտալիզմից ու մոնոպոլիզացիայից. ՀԱԿ ներկայացուցիչ

Gurgen EgiazaryanԲարենպաստ գործարար միջավայր ստեղծելու համար ո՛չ նոր ծրագրի վրա է պետք աշխատել, ո՛չ էլ նոր հեծանիվ հնարել. ամեն բան արդեն իսկ պատրաստ է, մնում է բարի կամք դրսևորել և երկիրն ազատել շնացած, կատաղած և վայրագ կապիտալիզմից ու մոնոպոլիզացիայից : «Առաջին լրատվական»-ի հետ զրույցում նման տեսակետ հայտնեց ՀԱԿ ներկայացուցիչ Գուրգեն Եղիազարյանը` անդրադառնալով Արդյունաբերողների և գործարարների միության 6-րդ համագումարում Սերժ Սարգսյանի այսօր հայտնած այն մտքին, թե առաջիկայում գործարարներին կառաջարկվի մասնակցել մի մեծ ծրագրի, որը կարող է ոչ միայն նոր աշխատատեղեր ստեղծել, այլև Հայաստանին կայունություն բերել:

ՀԱԿ-ի` եվրոպական կառույցների հետ շփումները և Բրյուսելում ներկայացուցիչ ունենալը շատ բնական են. Լ. Սարգսյան

p7Հայ ազգային կոնգրեսի նպատակներն ու առաջնահերթությունները ներկայացնելու առումով եվրոպական կառույցների հետ շփումները, ինչպես նաև Բրյուսելում սեփական ներկայացուցիչ ունենալը շատ բնական են: «Առաջին լրատվական»-ի հետ զրույցում այս մասին հայտարարեց Սոցիալ-դեմոկրատ հնչակյան կուսակցության ատենապետ, ՀԱԿ ներկայացուցիչ Լյուդմիլա Սարգսյանը` պատասխանելով մեր այն հարցին, թե ի՞նչ կարող են նշանակել ՀԱԿ առաջնորդ Լևոն Տեր-Պետրոսյանի` եվրոպական ֆինանսական կառույցների ղեկավարների հետ վերջին հանդիպումներն ու «Առաջին լրատվական»-ի տեղեկություններով` Բրյուսելում ներկայացուցիչ նշանակելը:
«Նմանօրինակ հանդիպումների ընթացքում ներկայացվում են Հայաստանում տիրող ներքաղաքական վիճակն ու առկա խնդիրները, իշխանությունների հակազգային քաղաքականությունը: Այսկերպ արվում է ամեն բան, որ Հայաստանը ներկայացվի իրական պատկերով, և աշխարհը հասկանա` ինչքանով է կարևորվում ՀԱԿ-ի պայքարը և ինչ նպատակներ է առհասարակ հետապնդում հայաստանյան ամենաակտիվ ընդդիմությունը»,- ասաց նա:

Պետք է երկիրն ազատել շնացած, կատաղած և վայրագ կապիտալիզմից ու մոնոպոլիզացիայից. ՀԱԿ ներկայացուցիչ

p2Բարենպաստ գործարար միջավայր ստեղծելու համար ո՛չ նոր ծրագրի վրա է պետք աշխատել, ո՛չ էլ նոր հեծանիվ հնարել. ամեն բան արդեն իսկ պատրաստ է, մնում է բարի կամք դրսևորել և երկիրն ազատել շնացած, կատաղած և վայրագ կապիտալիզմից ու մոնոպոլիզացիայից : «Առաջին լրատվական»-ի հետ զրույցում նման տեսակետ հայտնեց ՀԱԿ ներկայացուցիչ Գուրգեն Եղիազարյանը` անդրադառնալով Արդյունաբերողների և գործարարների միության 6-րդ համագումարում Սերժ Սարգսյանի այսօր հայտնած այն մտքին, թե առաջիկայում գործարարներին կառաջարկվի մասնակցել մի մեծ ծրագրի, որը կարող է ոչ միայն նոր աշխատատեղեր ստեղծել, այլև Հայաստանին կայունություն բերել:

вторник, 8 ноября 2011 г.

«Ալիկի տեղը Մարգարի խուցն էր»

p1Հարցազրույց ՍԴՀԿ անդամ, ԱԱ նախկին փոխնախարար Գուրգեն Եղիազարյանի հետ
- Ինչպե՞ս կմեկնաբանեք վերջին շրջանի իրար հաջորդած պաշտոնանկությունները:
- Ես ուղղակի զարմանք եմ ապրում ԵՄ անհեռատեսության վրա: Եթե Եվրոպայում մարդիկ մի քիչ աչալուրջ լինեին, ապա երկու շաբաթ անընդհատ չէին քննարկի Հունաստանի ճգնաժամը, չէին քննարկի հանրաքվե անցկացնելու հարցը: Երկու շաբաթ շարունակ նրանք մտավախություն ունեին, որ եթե ժողովուրդը հանրաքվեն մերժեր` «ոչ» ասելով, Եվրոպան կանգնելու էր լուրջ ճգնաժամի առջեւ: Մինչդեռ, այդքան երկար քննարկումների փոխարեն պետք է ՀՀ-ից հրավիրեին ցանկացած ՀՀԿ-ականի, մեկ միջին օլիգարխի, երկու թմրամոլի, ու որպես դիտորդ՝ պարոն Պրեսկոտին: Այդքանից հետո Հունաստանում հանրաքվեի համար 99,9 տոկոս արդյունք կգրանցվեր: Այնպես որ, 2 շաբաթ շարունակ բանավեճերը այնտեղ անիմաստ էին: Այս ամենն՝ ի միջիայլոց: Իսկ եթե ավելի լուրջ խոսենք, ապա ՀՀ-ում ընտրությունների ելքը իշխանությունները կարող են կանխորոշել մեկ ժամ առաջ: Վերջին նախագահական ընտրություններում ամեն ինչ կանխորոշվեց ընտրատեղամասերը փակելուց 3 ժամ առաջ:

ԱԺ պաշտոնից հանել-տանել նախընտրական շտաբի ղեկավար` եփած հավի ծիծաղը կգա. Գուրգեն Եղիազարյան

p2«Ոստիկանապետի պաշտոնանկությունը ուշացած էր. նա ուրիշ տեղում հիմա պիտի հայտվեր, ոչ թե նախագահի խորհրդականի պաշտոնում»,- ասաց ՀԱԿ ներկայացուցիչ Գուրգեն Եղիազարյանը լրագրողների հետ այսօրվա հանդիպմանը:

«Ալիկ Սարգսանը ճկուն էր ու լուրջ արդյունքների հասավ մեծ փողեր լվանալու հարցում։ Մարգար Օհանյանը երեք տարի շարունակ լկտիաբար թալանում էր երկիրը, իր ղեկավարը չի՞ տեսել դա։ Հիմա գնալու է խորհրդական, որ լավ խորհուրդնե՞ր տա»,- տարակուսեց Եղիազարյանը:

Սերժ Սարգսյանը մաքրում է թիկունքը. ՀԱԿ ներկայացուցիչ

p1«Հայելի» ակումբի այսօրվա հյուրերն էին ՀՀԿ-ական պատգամավոր Մկրտիչ Մինասյանը և Հայ ազգային կոնգրեսից` Գուրգեն Եղիազարյանը:
Անդրադառնալով պաշտոնանկությունների վերջին դեպքերին՝ Գուրգեն Եղիազարյանը նշեց. «Այս պաշտոնանկությունները, մասնավորապես՝ ոստիկանապետի, մի քիչ ուշացած էր. գտնում եմ, որ նրա տեղը խորհրդականի աթոռը չէր: Նա պետք է այլ տեղ լիներ: Ես չեմ կարող Վլադիմիր Գասպարյանին համեմատել Ալիկ Սարգսյանի հետ, քանի որ Վ. Գասպարյանը գոնե մասնագետ է»:
Ինչ վերաբերում է ԱԺ նախագահի պաշտոնափոխությանը, Գ. Եղիազարյանը նշեց՝ ուրեմն խնդիր կա լուծելու. «Սերժ Սարգսյանը մաքրում է թիկունքը, քանի որ Հայաստանը լրջագույն խնդիրների առջեւ է կանգնելու: Իսկ փեսան պաշտոնանկ արվեց այն պատճառով, որպեսզի հերթական բլեֆը կիրառվի: Այսինքն՝ իշխանությունը գնում է ինքնաոչնչացման, և միակ ելքը արտահերթ ընտրություններն են»:

суббота, 5 ноября 2011 г.

Այսպես որ գնա, ՀՀ-ն կմնա առանց Սերժի

p3Որեւէ միտում կա՞ արդյոք, որ իշխանական վերնախավի պաշտոնանկություններն ու փոխատեղումները կարող են հասնել տուրուդմփոցի կամ փոխել քաղաքական ուժերի դասավորությունը, ինչպես ավելի վաղ կանխատեսել է Հայ ազգային կոնգրեսի առաջնորդ Լեւոն Տեր-Պետրոսյանը:

Լրագրողների հետ զրույցում պատասխանելով այս հարցին` ՍԴՀԿ ատենապետ Լյուդմիլա Սարգսյանն ասաց, որ «սովորաբար Լեւոն Տեր-Պետրոսյանը ոչ մի բան հենց այնպես չի ասում», ուստի այս անգամ էլ դեռ կլսենք պաշտոնանկների արձագանքը` միգուցեեւ տուրուդմփոցի տեսքով: «Հնարավոր չի, որ դժգոհություն չարտահայտեն այդ ուղղությամբ, գուցե դա հրապարակային չլինի: Երբ լսում ենք, թե Ալիկ Սարգսյանը ինչպես է հավատարմության երդումներ տալիս Սերժ Սարգսյանին, բոլորիս մոտ ժպիտ է առաջանում, որ կարելի է այդ աստիճան ստրկամիտ լինել:

пятница, 4 ноября 2011 г.

Ղարաբաղյան կլանի կադրային ռեսուրսը սպառվել է, և Սերժ Սարգսյանն էլ այդ հասկանում է

g_image[3]Zham.am-ի հարցերին պատասխանում է ՀԱԿ-ի կազմի մեջ մտնող Սոցիալ-դեմոկրատական Հնչակյան կուսակցության ատենապետ Լյուդմիլա Սարգսյանը:

-Ինչպե՞ս կմեկնաբանեք նախագահի աշխատակազմի առաջին տեղակալ Միքայել Մինասյանի երեկվա հրաժարականը:

- Ես կարծում եմ, որ իրենից հեռացնելով Միքայել Մինասյանին`Սերժ Սարգսյանը փորձեց միանգամից մի քանի խնդիրներ լուծել, այդ թվում աշխարհաքաղաքական: Տեսեք բոլոր հրաժարականները սկսվեցին Սերժ Սարգսյանի` Մոսկվայից վերադառնալուց հետո: Ես կարծում եմ, որ Կրեմլին այնքան էլ դուր չէր գալիս Միքայել Մինասյանի ընդգծված արևմտամետությունը և, նրան պաշտոնանկ անելով, Սերժ Սարգսյանը փորձեց դուր գալ Ռուսաստանին և ապացուցել Կրեմլին ռուսամետ քաղաքական կուրսին իր հավատարմությունը :

Չի բացառվում, որ Սերժ Սարգսյանը մոտ ապագայում ցրի Ազգային ժողովը. ՀԱԿ ներկայացուցիչ

0905Հայ ազգային կոնգրեսի ներկայացուցիչ Արարատ Մկրտչյանը կասկածում է, որ ԱԺ նախագահ Հովիկ Աբրահամյանն ու նախագահի աշխատակազմի ղեկավարի տեղակալ Միքայել Մինասյանը, սեփական պաշտոններից հրաժարվելով, «գնում են» ՀՀԿ շտաբը ղեկավարելու, և նրանց` նման որոշում կայացնելու պատճառներն ավելի խորքային է համարում: Նման տեսակետ Մկրտչյանը հայտնեց «Առաջին լրատվական»-ի հետ զրույցում:
«Միաժամանակ, չեմ կարող հստակ ասել, թե ո՞ւր են նրանք երկուսը գնում, բայց դժվար թե ՀՀԿ շտաբը ղեկավարելու: Ընտրություններից մի քանի ամիս առաջ շտաբի ղեկավար և առաջին տեղակալ նշանակելը ժամանակավրեպ է, իսկ եթե այս ամենը համապատասխանում է իրականությանը, ուրեմն մենք գնում ենք արտահերթ ընտրությունների: Բացի այդ, այն ձևակերպումը, որ հրաժարականից հետո արեց նախագահի աշխատակազմի ղեկավարի տեղակալ Միքայել Մինասյանը, մի քիչ տարակուսանք է հարուցում և կասկածներս հիմնավորում:

Լ. Սարգսյան. ՀԱԿ-ն իր տեղում չի դոփում

g_image[3]ՀԱԿ-ը տեղում չի դոփում: ՀԱԿ-ը ինստիտուցիոնալ կառույց է, ունի կոնկրետ նպատակներ ու շահեր` երկրում սահմանադրության կարգի վերականգնում, օրինականության հաստատում: Այս մասին ասուլիսում ասաց Սոցիալ-դեմոկրատ հնչակյան կուսակցության ղեկավար Լյուդմիլա Սարգսյանը` պատասխանելով այն դիտարկմանը, թե ՀԱԿ-ը դոփում է իր տեղում:
«Մենք մեր նպատակներից չենք հրաժարվելու ու պայքարելու ենք: Մեր նպատակը ոչ թե խորհրդարանում պատգամավորական մանդատներ ունենալն է, այլ արդար ու թափանցիկ ընտրություններ են, օրենքի գերակայության, սահմանադրական կարգի վերականգնումը: Մենք գնում ենք ուղիղի այդ ճանապարհով»,- ասաց նա` ընդգծելով, որ այսօր մանդատներն իրենց բացարձակապես չի հուզում:

Պայմանավորվենք Ս. Սարգսյանի հետ, հետո նրա հրաժարակա՞նը պահանջենք. Լ. Սարգսյան

arm132040068156«Տեսակետ» մամուլի ակումբի հյուրը` Սոցիալ-դեմոկրատական-հնչակյան կուսակցության ղեկավար Լյուդմիլա Սարգսյանը, հայտարարեց. «Մենք հասնելու ենք Սերժ Սարգսյանի հրաժարականին անպայման, մենք մեր նպատակներից չենք հրաժարվելու»: Իսկ ինչ վերաբերում է ՀԱԿ-ի քայլերին, նա նշեց, որ նոյեմբերի 25-ին կայանալիք հանրահավաքում այդ մասին կասվի:
«Մենք մանդատի համար չենք պայքարում, մեր պայքարը Հայաստանի ապագայի համար է»,- նկատեց Սոցիալ-դեմոկրատական-հնչակյան կուսակցության ղեկավարը:

четверг, 3 ноября 2011 г.

Հովիկ Աբրահամյանի պարզաբանումը համոզիչ չէր

a-13975-bՍԴՀԿ ներկայացուցիչ Գուրգեն Եղիազարյանն էլ է կարծում, որ ԱԺ նախագահի հրաժարականը «դավադրությունների տեսության» շարքից է:

Երեկ ՀՀ խորհրդարանի նախագահ եւ ՀՀԿ գործադիր մարմնի ու խորհրդի անդամ Հովիկ Աբրահամյանը փորձել է պարզաբանել, թե ինչու է որոշել առաջիկա ընտրությունների ժամանակ ՀՀԿ նախընտրական շտաբը ղեկավարելու առաջարկը ստանալուց հետո հրաժարվել ԱԺ խոսնակի պաշտոնից: Հիշեցնենք, որ ըստ ՀՀԿ պաշտոնական աղբյուրների՝ ԱԺ նախագահի պաշտոնից հրաժարական տալու նախաձեռնությունը հենց Հովիկ Աբրահամյանինն է եղել:

среда, 2 ноября 2011 г.

Սերժ Սարգսյանը փորձում է վնասազերծել Ռոբերտ Քոչարյանին

e623f7ab74127e702c2c2b6270096df9Այս ռեստավրացիոն քայլերով Սերժ Սարգսյանը որեւէ բարեփոխում չի կարող իրականացնել, ընդամենը կասեցնում է Ռոբերտ Քոչարյանի վերադարձը. yerkir.am-ի թղթակցի հետ զրույցում, խոսելով վերջին կադրային վերադասավորումների մասին, ասաց ՍԴՀԿ ատենապետ, ՀԱԿ անդամ Լյուդմիլա Սարգսյանը:

Նրա դիտարկմամբ` բոլոր մարդիկ, ովքեր այսօր հրաժարական են տալիս, իշխանության մեջ Ռոբերտ Քոչարյանի հիմնասյուներն էին, որոնց միջոցով նա հնարավորություն ուներ նորից վերադառնալու մեծ քաղաքականություն` 2013թ. նախագահական ընտրություններում ակնկալելով ռեվանշ վերցնել Սերժ Սարգսյանի նկատմամբ:

вторник, 1 ноября 2011 г.

Հայաստանի իշխանական համակարգն այնքան փտած է, որ ոչ մի հրաժարական չի փրկի այն

arm132013021153Հայաստանի իշխանական համակարգն այնքան փտած է, որ ոչ մի հրաժարական ու նշանակում ի վիճակի չէ փրկել Սերժ Սարգսյանի իշխանությունը, առավել եւս ինչ-որ բարեփոխում իրականացնել այդ համակարգերում եւ դրա արդյունքում շահել ժողովրդի վստահությունը: Այդ մասին NEWS.am-ի թղթակցի հետ զրույցում ասել է Հայ ազգային կոնգրեսի անդամ, ՍԴՀԿ ատենապետ Լյուդմիլա Սարգսյանը` մեկնաբանելով վերջին աղմկոտ պաշտոնանկությունները:

«Ոչ մի բան այս իշխանություններին փրկել չի կարող: Որովհետեւ հիմքից փտած է ամբողջ իշխանական համակարգը»,- նշել է Լ. Սարգսյանը:

Առողջ հատվածը ՀԱԿ-ում այնքան մեծ է, որ նույնիսկ դժգոհողները կհաշտվեն հերթական ընտրությունների մտքի հետ. ՍԴՀԿ

317581261126914Հայ ազգային կոնգրեսի առաջնորդ Լևոն Տեր-Պետրոսյանը, բոլոր մյուս քաղաքական գործիչների համեմատությամբ, մի մեծագույն առավելություն ունի. նա միշտ աշխատում է ազնիվ լինել հասարակության հետ և ասել այն, ինչ կարող է տեղի ունենալ, այդ թվում` հերթական ընտրությունների թեմայով: «Առաջին լրատվական»-ի հետ զրույցում նման տեսակետ հայտնեց Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը:
«Կարծում եմ` դա պետք է շատ առողջ ընկալել և գնահատել նրա անկեղծությունը: Իհարկե, բոլորը չէ, որ միանշանակ են ընդունում Տեր-Պետրոսյանի քայլերը` երբեմն ակնկալելով ավելի ծայրահեղ արարքներ, և չեմ բացառում, որ ՀԱԿ-ի ներսում հերթական ընտրությունների առումով դժգոհություններ լինեն: Բայց առողջ հատվածը ՀԱԿ-ում այնքան մեծ է, որ նույնիսկ դժգոհողները կհաշտվեն հերթական ընտրությունների մտքի հետ:

пятница, 28 октября 2011 г.

ՀԱԿ-ՈՒՄ ՎԻՐԱՎՈՐՎԱ՞Ծ ԵՆ, ԹԵ՞ ՈԳԵՎՈՐՎԱԾ

ls-2207asՊատճառն այն է, որ, ըստ կոնգրեսականների, ՌԴ վարչապետը ՀՀ նախագահին «ըստ արժանվույն» չի ընդունել

Երեկ Հայ ազգային կոնգրեսը շտաբի նիստ էր հրավիրել՝ քննարկելու, ի մի բերելու նախահանրահավաքային անելիքները: Նիստը ձգվեց բավականին երկար: Այս առիթով «Առավոտի» դիտարկմանը՝ բարդություններ, անհամաձայնություննե՞ր կան՝ ՍԴՀԿ ատենապետ Լյուդմիլա Սարգսյանը պատասխանեց.
- Ոչ, պարզապես Եռաբլուր եւ Պանթեոն այցելություններից հետո սովորականից մի փոքր ուշ ենք հավաքվել: Արտառոց ոչինչ չկա. նախապատրաստական, հանրահավաքի նախօրյակին հատուկ եռուզեռ է, որը միշտ էլ լինում է:

суббота, 22 октября 2011 г.

ՄԱՐԳԱՐ ՕՀԱՆՅԱՆԸ ՈՍՏԻԿԱՆԱՊԵՏԻ ՓՈԽԱՐԵՆ Է ԿԱԼԱՆԱՎԱՅՐՈՒՄ

Snap_2010.05.10 15.05.02_001«Ազնավուրը, որն աշխարհի հինգ երգիչներից մեկն է ու նաեւ ՀՀ դեսպանը Շվեյցարիայում, ուղիղ ասաց, որ Հայաստանի դատարկման միակ աղբյուրը մաֆիան է։ Այն հանցագործ խմբերը, որ սերտաճեցին իշխանության հետ, կոչվեցին մաֆիա, եւ դրա մասին ասում է ՀՀ դեսպանը»,- tert.am-ի մատուցմամբ՝ երեկ ասուլիսում հայտարարել է ՍԴՀԿ ներկայացուցիչ Գուրգեն Եղիազարյանը: Վերջինս սպասում է, թե ինչպես այս հայտարարությանը կարձագանքի իշխանությունը. «Կամ հետ կանչեք դեսպանին ու ասեք, որ նա զրպարտել ա, կամ էլ համաձայնվեք»: Ըստ բանախոսի, Հայաստանում մեծ անջրպետ կա փոքրաթիվ հարուստների եւ մեծաթիվ աղքատների միջեւ. «Օրեցօր թանկացումներ եւ արտագաղթ... դա մեզ համար օրհասական է։

среда, 12 октября 2011 г.

ՇՈՒՆԸ

1682692533Գուրգեն ԵՂԻԱԶԱՐՅԱՆ

Հայաստանի Սովետական Սոցիալիստական Հանրապետությունում տենդագին պատրաստվում էին դիմավորելու ՍՄԿԿ գլխավոր քարտուղար Նիկիտա Սերգեևիչ Խրուշչովին: Իհարկե, մենք՝ չորրորդ դասարանցիներս, չէինք էլ գիտակցում, թե ով է այդ Խրուշչովը:
Արդեն երկրորդ օրն էր, ինչ դասերից հետո, դպրոցի բակում մեր դասարանցիների հետ պարապում էին՝ սովորեցնելով, թե ինչպես պետք է վազելով հատենք փողոցի կեսը, երկու շարքով շարվենք և ծաղկեփնջեր նետենք Խրուշչովի մեքենայի ուղղությամբ: Պարապմունքների ընթացքում, բնական է, ծաղկեփնջեր չունեինք, և մարզումներն անցկացնում էինք դատարկ ձեռքերով:

воскресенье, 9 октября 2011 г.

ՀԱԿ ներկայացուցիչները պատրաստակամ են այսուհետ ևս սատարել նրա գործողությունները

Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը պատրաստակամ է այսուհետ ևս սատարել Հայ ազգային կոնգրեսի գործողությունները և նրա կազմակերպած բոլոր ակցիաները: Այս մասին Սարգսյանն ասաց «Առաջին լրատվականի» հետ զրույցում: 

Հարցին՝ պատրա՞ստ է արդյոք կուսակցությունը շարունակել իր մասնակցությունը ՀԱԿ շուրջօրյա հանրահավաքներին հաջորդելիք (եթե, իհարկե, այդպիսիք լինեն) գործողություններին, ՍԴՀԿ ատենապետը նշեց, որ ամեն բան կորոշվի տեղում` այսօր կայանալիք ՀԱԿ հանրահավաքի ընթացքում:

Հայ ազգային կոնգրեսի ներկայացուցիչ Գուրգեն Եղիազարյանը ևս կառույցին աջակցելու պատրաստակամություն հայտնեց: «Մենք միշտ էլ պատրաստ ենք, մենք մտածելու բան չունենք, գնալու ենք մինչև հաղթանակ: Հանրահավաքային այս շաբաթը դրա լավագույն ապացույցն էր:

Վարչակազմը տապալել է առողջապահության համակարգի բարեփոխումների ծրագիրը

2007 թվականի խորհրդարանական ընտրություններից ի վեր Հայաստանում առողջապահության ոլորտում գրեթե ոչ մի բան չի արվել, վարչակազմն ամբողջությամբ տապալել է այդ համակարգի բարեփոխումների ծրագիրը:«Առաջին լրատվականի» հետ զրույցում նման տեսակետ հայտնեց Հայ ազգային կոնգրեսի առողջապահության հանձնախմբի անդամ Արարատ Մկրտչյանը:

суббота, 8 октября 2011 г.

Մենք թակելու ենք յուրաքանչյուրի սրտի պատուհանը. Լյուդմիլա Սարգսյան

Ազատության հրապարակում շարունակվում է Հայ ազգային կոնգրեսի հանրահավաքը: ՍԴՀԿ ատենապետ Լյուդմիլա Սարգսյանը, դիմելով ժողովրդին, կոչ արեց միշտ ժպտալ և շնորհավորեց բոլորին ֆուտբոլային երեկոյի համար: Նա նշեց, որ ֆուտբոլի մեջ պրոֆեսիոնալիզմը կարևոր է, բայց դրա հետ մեկտեղ պետք է ապահովել բարոյական աջակցությունը:

понедельник, 3 октября 2011 г.

Արտաքին աշխարհն այս անգամ չի ների նրան, ով կփորձի կրկնել Մարտի 1-ը

«Առաջին լրատվական»-ի զրուցակիցն է ՍԴՀԿ ատենապետ, ՀԱԿ անդամ Լյուդմիլա Սարգսյանը:  - Տիկի՛ն Սարգսյան, Հայ ազգային կոնգրեսի կազմակերպած շուրջօրյա նստացույցերի արդյունքում կարելի՞ է ենթադրել, որ շուրջօրյա հանրահավաքները նաև նպատակ ունեն ճնշումներ գործադրել իշխանությունների վրա՝ Կոնգրեսի հետ նոր որակի երկխոսություն սկսելու համար:  - Ես կարծում եմ, որ երկխոսությունը շատ կարևոր մշակույթ է, որ այսօր մտել է մեր քաղաքական կյանքի մեջ և որպեսզի այդ մշակույթը շարունակական և ընդունելի լինի, ապա պիտի կարողանանք այն ավարտին հասցնել և այդ մշակույթի արդյունքում, ելնելով երկրի ու ժողովրդի շահերից, իշխանությունն ու ընդդիմությունը կարողանան պայմանավորվել ու իրականացնել այն պահանջները, որոնք վեր է հանել ընդդիմությունը` ելնելով ժողովրդի պահանջներից:

пятница, 30 сентября 2011 г.

«Գերմանիայի դեսպանը միջամտում է Հայաստանի ներքին կյանքին». Լյուդմիլա Սարգսյան

«Սիվիլիթաս» հիմնադրամի կազմակերպած քննարկման ժամանակ Գերմանիայի արտակարգ և լիազոր դեսպան Հանս Յոխեն Շմիդտը հայտարարել է, որ ՀՀ նախկին նախագահ Լևոն Տեր-Պետրոսյանն է այս դժվար իրավիճակը որպես ժառագնություն թողել Հայաստանին, նա է պատասխանատու այսօրվա իրավիճակի համար և այն ժամանակվա քաղաքականության հետևանքով է հիմք դրվել տնտեսության մենաշնորհացմանը։

Արդի ներքաղաքական իրավիճակի շուրջ. հայացք ձախից

Սույն վերլուծությունում փորձ է արվում ուսումնասիրել ներկա ներքաղաքական իրավիճակը ձախակողմյանների տեսանկյունից: Ձախակողմյան ասելով՝ նկատի ունենք այն ուժերին, որոնք դավանում են ժամանակակից սոցիալ-դեմոկրատիզմի սկզբունքները, պաշտպանում ժողովրդի ապստամբելու իրավունքն այն պարագաներում, երբ բացակայում են խաղաղ ուղիները: Ընդսմին, վերլուծության մեթոդաբանական հիմք է ծառայում կենտրոնի կողմից մշակված՝ Հայաստանում քաղաքական գործընթացքների ալիքային զարգացման հայեցակարգը, որի հիմնական հայեցակետերն են` առաջ ընկնումը,հետ սահումը,ծանրության նոր կենտրոնի ձևավորումը:

воскресенье, 25 сентября 2011 г.

Լ.Սարգսյան. «ԲՀԿ-ի և ՀՅԴ-ի շահերը չեն կարող համահունչ լինել Ռոբերտ Քոչարյանի շահերի հետ»

Հայ ազգային կոնգրեսի համակարգող Լևոն Զուրաբյանը օրերս լրագրողների հետ հանդիպմանը հայտարարել էր, թե իշխանության հետ երկխոսությունը այլևս երկիրը ստեղծված իրավիճակից դուրս բերելու գործիք չեն համարում: Ի՞նչ է սա նշանակում, հարցրեցինք ՍԴՀԿ ատենապետ Լյուդմիլա Սարգսյանին:

четверг, 22 сентября 2011 г.

Անկախության ամենամեծ բացթողումն այն է, որ բանակում ծառայելը այսօր հղի է վտանգներով

20-ամյա անկախության ճանապարհին մեր ամենամեծ նահանջը ժողովրդավարության ուղղությամբ է եղել: Այս մասին նշեց ՍԴՀԿ ատենապետ Լյուդմիլա Սարգսյանը: Նրա խոսքերով՝ մենք կարող էինք իրոք ավելի ժողովրդավար երկիր կառուցել, կարող էինք սոցիալապես ապահով հասարակություն ունենալ, ինչի արդյունքում Հայաստանը ավելի գրավիչ կլիներ, քան արտասահմանյան ցանկացած երկիր:

среда, 21 сентября 2011 г.

Անկախության 20-ամյակի օրով Սերժ Սարգսյանը թքում է հասարակության վրա

Իշխանության մնալու միակ հույսը և հենարանը ոստիկանական երկրում ոստիկանությունն է, անվտանգությունը և բանակ է, որքան էլ որ նրանք պղծված լինեն: Այս մասին մեզ հետ զրույցում ասաց ՍԴՀԿ անդամ, Ազգային անվտանգության նախկին փոխնախարար Գուրգեն Եղիազարյանը՝ անդրադառնալով անկախության 20-ամյակի առթիվ Սերժ Սարգսյանի կողմից իրավապահ համակարգին տրված պարգևներին:

- Հայաստանի նախագահ Սերժ Սարգսյանի հրամանագրով Հայաստանի Հանրապետության անկախության 20-րդ տարեդարձի առթիվ կառավարությանն առընթեր ՀՀ ոստիկանության պետի տեղակալ, ոստիկանության գնդապետ Արթուր Հակոբի Օսիկյանին շնորհվել է ոստիկանության գեներալ-մայորի կոչում: Երկու տարում հնարավո՞ր է դառնալ գեներալ: Այն էլ այն դեպքում, երբ մարդն ընդամենը երկու տարի առաջ է մտել համակարգ:

суббота, 17 сентября 2011 г.

Համապարփակ փախուստ

Հայաստանյան հասարակությունում տիրող հոգեվիճակի շուրջ

Հայաստանում քաղաքացիական հասարակության կայացման գործնթացի հետ զուգընթաց նկատելի է մի երևույթ, որի բացասական դերն ու հետևանքները դժվար է գերագնահատել: Յուրաքանչյուր հասարակությունում տիրող հոգեվիճակը ուղղակիորեն կախված է առկա բարոյահոգեբանական մթնոլորտից, որը իր հերթին պայմանավորված է իշխող ընտրանու կողմից կիրառվող կառավարման մոդելի առանձնահատկություններով: 

Մասնավորապես, Հայաստանում, վերջին տասնամյակում իշխանության եկած «ընտրանին», չունենալով օրգանական կապ Մայր-Հայրենիքի հետ, անհաղորդ լինելով հայ ազգի պատմա-մշակութային, էթնո-հոգեբանական արմատներին, և այդ պատճառով էլ չկարողանալով իմաստավորել ժամանակակից հայոց պետության կառավարման փիլիսոփայությունը, զինավառվեց դրսից վերցրած, մեզ համար խորապես օտար գաղափարական զենքով, որի կիրառումը ունեցավ իսկապես աղետալի հետևանքներ:

вторник, 13 сентября 2011 г.

Իշխանությունն է թեժացնում մթնոլորտը

Հարցազրույց ՍԴՀԿ ատենապետ Լյուդմիլա Սարգսյանի հետ

- WikiLeaks-ի գաղտնազերծած փաստաթղթերից մեկը վերաբերվում էր Հայ Ազգային Կոնգրեսի ներքին հարաբերություններին: Ըստ այդ փաստաթղթի` Կոնգրեսի անդամ կուսակցություններից ՍԴՀԿ-ն հակասություններ ունի Կոնգրեսի ղեկավարության հետ` հայ-թուրքական հարաբերությունների հարցում: Ինչպես կմեկնաբանեք այդ փաստը:

- Մենք Կոնգրեսի հետ որեւէ հակասություն չունենք ներքաղաքական հարցերի շուրջ: Այսօր մեր առաջնային խնդիրը երկրում իրավիճակ փոխելն է, արտահերթ ընտրությունների անցկացումն ու օրինական իշխանության ձեւավորումը: Ինչ վերաբերում է հայ-թուրքական հարցերին, մենք` Հնչակյաններով ունենք մեր առանձին մոտեցումը, որը մշտապես արտահայտել ենք:

понедельник, 12 сентября 2011 г.

«Կպատժվեն նրանք, ովքեր Եվրոպայի միջնորդությամբ կամ այլ ճանապարհներով կարողացել են կորզել նման հայտարարություն»

Եվրոպայի խորհրդի Խորհրդարանական վեհաժողովի մոնիտորինգի հանձնաժողովը երեկ հայտարարություն էր տարածել, որում նշվել է. «Հայաստանում հայտարարված վերջին համաներումը, 2008 թ. մարտյան իրադարձությունների ընթացքում 10 մահվան դեպքերի նոր հետաքննություն սկսելու ազդակը, ընդդիմության և կառավարող կոալիցիայի միջև կառուցողական երկխոսության արդյունավետ սկիզբը նշանակում են, որ 2008 թվականի մարտյան դեպքերի վերաբերյալ գործը կարելի է վերջնականապես համարել փակված»։