воскресенье, 21 ноября 2010 г.
Համագումար, հետո գրանցում
Չնայած պետական ռեգիստրը հրաժարվում է գրանցել Սոցիալ Դեմոկրատ Հնչակյան Կուսակցությունից (ՍԴՀԿ) հեռացված անդամների նոր կուսակցությունը` Հնչակյան Սոցիալ-Դեմոկրատ Կուսակցություն (ՀՍԴԿ) անունով, այդ մարդիկ, մեր տեղեկություններով, պատրաստվում են դեկտեմբերի առաջին շաբաթվա ընթացքում այնուամենայնիվ համագումար անցկացնել:
Կարախանյանը չէր կարող անպատասխանատու հայտարարություններ անել
Իսկ ո՞վ է Սմբատ Կարախանյանը
Նոյեմբերի 15-ին Մոսկվայի «Միաբանություն» ակումբի նախագահ Սմբատ Կարախանյանը ռուսական «Ռեգնում» գործակալությանը տված հարցազրույցում մի քանի կարեւոր «բացահայտումներ» էր ներկայացրել, որոնք, սակայն, որքան էլ զարմանալի է` գրեթե արձագանք չունեցան Հայաստանի քաղաքական դաշտում: Իսկ Ս. Կարախանյանի տեսակետները կարեւոր են այնքանով, որքանով նրա անձը հատկապես վերջին շրջանում կարեւորում է Հայ Ազգային կոնգրեսը: ՀԱԿ գրեթե բոլոր հանրահավաքներում հղումներ են արվում Ս. Կարախանյանի գործունեությանը, հայտարարություններին, նրա հայտնած տեղեկություններին` տպավորություն ստեղծելով, թե նա ռուսական «էստեբլիշմենթում» այնպիսի դերակատարություն ունի, որ ուղղորդում է ՌԴ իշխանություններին` Հայաստանի հետ կապված հարցերում: Այս հանգամանքը հաշվի առնելով` Ս. Կարախանյանի վերջին հարցազրույցի վերաբերյալ Հայաստանի հատկապես ընդդիմադիր շրջանակների լռությունը, մեղմ ասած` տարակուսելի է: Այն դեպքում, երբ ՀԱԿ-ի` «մոսկովյան համակարգողը» անդրադարձել էր թե՛ Լեւոն Տեր-Պետրոսյանի հնարավոր իրավահաջորդի վերաբերյալ հարցին, թե՛ Կոնգրեսի քաղաքական ուղղվածությանը` նշելով, որ ՀԱԿ-ն ամբողջությամբ ռուսական կազմակերպություն է: Հիշեցնենք` խոսելով Հայաստանում արտահերթ ընտրությունների անցկացման հնարավորության եւ այն կարծիքների մասին, թե ՀԱԿ առաջնորդ Լեւոն Տեր-Պետրոսյանն այլեւս կարող է չհավակնել ՀՀ նախագահի պաշտոնին, Ս. Կարախանյանն ասել էր. «Այո, այսօր խոսքը հերթական ընտրություններին չի վերաբերում: Տեսականորեն Տեր-Պետրոսյանի կողքին կանգնածները բոլորն էլ կարող են փոխարինել նրան ընտրություններում: Սակայն մենք` «Միաբանությունը», ելնում ենք տեսանկյունից, որ նա պետք է ձեւավորի երիտասարդական գիծ, ՀԱԿ-ի կազմում միավորի մարդկանց, ովքեր կապ չունեն գոյություն ունեցող համակարգի հետ: ՀԱԿ-ը իշխանության գալու մեծ հնարավորություններ ունի: Վերջերս առաջ է մղվել Լեւոն Զուրաբյանի թեկնածությունը: Նրան ընդունում են, նա հստակ պատկերացնում է ներկա եւ հեռանկարային իրավիճակը»: Նաեւ հավելել էր. «Դատելով Լ. Տեր-Պետրոսյանի ելույթներից, Լ.Զուրաբյանի մոսկովյան այցերից, ռուսական մամուլի հրապարակումներից, կարելի է պնդել, որ ՀԱԿ-ը միանգամայն պրոռուսական կազմակերպություն է»: Հաշվի առնելով ՀԱԿ-ում Սմբատ Կարախանյանին վերապահվող կարեւորությունը, անհասկանալի է, որ Կոնգրեսը չի արձագանքում նրա` ամենեւին ոչ անկարեւոր այս հայտարարություններին: Երեկ մեր զրուցակիցներից մեկն այս դիտարկմանն ի պատասխան՝ կեսկատակ ասաց, թե Ս. Կարախանյանին ՀԱԿ-ում «գուցե այնքան լուրջ են ընդունում, որ նրա ասածները քննարկման ենթակա չե՞ն»: Մյուս կողմից, սակայն, ՀԱԿ անդամ, «Հանրապետություն» կուսակցության նախագահ Արամ Սարգսյանի` երեկ մեզ հետ զրույցում արած դիտարկումները Ս. Կարախանյանի վերաբերյալ, հակառակն են ապացուցում: «Ես Ս. Կարախանյանի արտահայտությունները մեկնաբանելու ցանկություն չունեմ: Ամեն մարդ կարող է տեսակետ ասի, իսկ ես այդպիսի գործիչ` Սմբատ Կարախանյան անունով, չեմ ճանաչում, հետեւաբար նրա ասածներն էլ չեմ մեկնաբանում»,- ասաց Ա. Սարգսյանը: Իսկ այն դիտարկմանը, թե, այնուամենայնիվ, ՀԱԿ-ում Ս. Կարախանյանի անձը չափազանց կարեւորվում է, եւ նրա յուրաքանչյուր հայտարարություն ընդունվում է որպես «բացարձակ ճշմարտություն», Ա. Սարգսյանը պատասխանեց. «Սմբատ Կարախանյան, Պողոս Պողոսյան, Մաթեւոս Մաթեւոսյան` կարող են ՀԱԿ-ի մասին տարբեր տեսակետներ ունենալ, ես հո ամեն մարդու ասածը չե՞մ մեկնաբանելու: Ո՞վ է նա: Կուսակցությո՞ւն է Սմբատ Կարախանյանը, ՀԱԿ-ի անդա՞մ է, ի՞նչ է, որ ես իր ասածները մեկնաբանեմ: Մեկնաբանելու բան ես չունեմ»: ՀԱԿ-ի կազմում ընդգրկված ՀԺԿ նախագահ Ստեփան Դեմիրճյանի պատասխանը` Ս. Կարախանյանի վերոնշյալ հարցազրույցը մեկնաբանելու մեր խնդրանքին` բավական լակոնիկ էր. «Տեղյակ չեմ»:
ՀԱԿ-ին անդամակցող մեկ այլ կուսակցության` ՍԴՀԿ ատենապետ Լյուդմիլա Սարգսյանն, ի տարբերություն մեր մյուս զրուցակիցների, պարզվեց, ոչ միայն կարդացել է Ս. Կարախանյանի հարցազրույցը, այլեւ անձամբ է ճանաչում նրան: «Ս. Կարախանյանն աշխատում եւ գործում է Մոսկվայում եւ, բնականաբար, կարող է նաեւ այդպիսի տեսակետ արտահայտել, բայց դա չի նշանակում, որ ՀԱԿ-ը պրոռուսական է: ՀԱԿ-ը ոչ պրոռուսական է, ոչ էլ պրոամերիկյան: Ուղղակի մենք շատ պարզ տեսնում ենք, թե Ռուսաստանն ինչ դերակատարում ունի տարածաշրջանում, եւ ԼՂՀ հարցի մեջ ինչպիսի մեծ ազդեցություն ունի: Եվ բնական է, որ մենք Ռուսաստանի հետ փորձում ենք ճիշտ հարաբերություններ հաստատել: Այո, մեր կուսակցությունը ռուսամետ կուսակցություն է, բայց ռուսամետ լինելով հանդերձ՝ մենք նախ եւ առաջ առաջնորդվում ենք մեր երկրի շահերով: Եվ եթե ՌԴ-ն ոտնահարի ՀՀ-ի շահերը, բնականաբար, մենք կվերանայենք նաեւ մեր տեսակետը»: Ըստ Լ. Սարգսյանի, եթե Ս. Կարախանյանը հստակ տեղեկատվություն ու նաեւ ռուսական իշխանությունների հետ անմիջական կապ չունենար, չէր կարող նման «անպատասխանատու» հայտարարություններ անել: «Միանշանակ է, որ նա տեղյակ է ռուսական իշխանությունների տեսակետին, եւ ես չեմ բացառում, որ ՌԴ իշխանությունները շահագրգիռ են, որ այդ ինֆորմացիան դուրս գա կոնկրետ Ս. Կարախանյանի միջոցով»,- ասաց Լ. Սարգսյանը:
Հաշվի առնելով ՀԱԿ-ին անդամակցող նշված կուսակցությունների ղեկավարների իրարամերժ տեսակետները՝ Մոսկվայի «Միաբանություն» ակումբի նախագահի` ՌԴ իշխանությունների հետ ունեցած հնարավոր կապերի մասին տեղեկությունները խնդրեցինք մեկնաբանել «Նոր Ժամանակներ» կուսակցության նախագահ Արամ Կարապետյանից, ով չի թաքցնում իր սերտ հարաբերությունները ռուսական շրջանակների հետ: Մեր հարցին` ճանաչո՞ւմ եք Ս. Կարախանյանին, Ա. Կարապետյանը պատասխանեց. «Ես Ս. Կարախանյան անձին անձնապես չեմ ճանաչում, լսել եմ, կարդացել եմ եւ կարծում եմ` հանրօգուտ աշխատանքով է զբաղված, վատ բաներ չի անում: Եվ կարծում եմ՝ նրա ասածները ոչ ամբողջական, բայց ինչ-որ մասով համապատասխանում է իրականությանը այնպես, ինչպես յուրաքանչյուրինը` քաղաքական գործունեության մեջ: Կարծում եմ` Ս. Կարախանյանի հարցազրույցները, նյութերը ՀՀ ընդդիմության համար կարեւոր դերակատարություն են` ՌԴ-ում ներկայացնելու համար: Սակայն բարդ է ասել, որ ՀԱԿ-ը ռուսամետ կազմակերպություն է, որովհետեւ այնտեղ կուսակցությունների, մարդկանց բազմություն է, եւ ես նման գնահատական ՀԱԿ-ին չէի տա: Նաեւ դժվար է նման բան պատկերացնել Լ. Տեր-Պետրոսյանի պարագայում: Իմ տպավորությամբ` Լ. Տեր-Պետրոսյանը չի կարող ռուսամետ լինել: Ռուսամետ կարելի է ներկայանալ: Տակտիկական առումով, եթե պետք է հիմա ռուսամետ երեւալ` կերեւա, դա այլ բան է, դա քաղաքականություն է, բայց պատկերացումներով` դժվար է ասել: Տեր-Պետրոսյանի տարբեր ելույթներ եմ հիշում. նա եղել է թե՛ արեւմտյան կողմնորոշման ջատագով, թե՛ եվրոպական, թե՛ ռուսական: Հետաքրքիր է, օրինակ, ՀԱԿ-ը կամ Ս. Կարախանյանը կո՞ղմ են նոր միութենական պայմանագրին: Նման հարցեր կան, որի պարագայում է երեւում` դու այդ միջուկի մե՞ջ ես, թե՞ Եվրոպայի կամ ՆԱՏՕ-ի»: Իսկ հարցին, թե ինչո՞ւ են ռուսական շրջանակները Լ. Տեր-Պետրոսյանին իրավահաջորդ փնտրում, ինչպես, ըստ էության` ասել է Ս. Կարախանյանը, ՆԺԿ նախագահը պատասխանեց. «Ես չգիտեմ, բայց կարող եմ ասել, որ եթե ճիշտ է, ապա պատճառները տեսականորեն կարող են լինել Տեր-Պետրոսյանի տարիքը եւ աշխարհաքաղաքական կողմնորոշումը: Եթե ՌԴ-ում են փնտրում, ուրեմն` նշանակում է, որ Լ. Տեր-Պետրոսյանին այնքան էլ չեն համարում պրոռուսական, որքան էլ ինքն ասի: Այդպես է դուրս գալիս: Սակայն իմ կարծիքով` ոչ փնտրել են, ոչ էլ գտել են»:
Լիլիթ ՍԵՅՐԱՆՅԱՆ
четверг, 18 ноября 2010 г.
ԼՂ հարցի լուծման բանալին Ռուսաստանի ձեռքում է
- Աստանայում ԵԱՀԿ գագաթնաժողովից Հայաստանում տարաբնույթ ակնկալիքներ ունեն, նշվում է նաև, թե հնարավոր է ղարաբաղյան հարցի վերաբերյալ ճանապարհային քարտեզ ստորագրվի: Տիկին Սարգսյան, ընդդիմությունն ի՞նչ սպասելիքներ ունի Աստանայից:
- Ընդդիմությունը, ինչպես և ամբողջ հայ ժողովուրդը, անհանգստացած է Աստանայում կայանալիք գագաթնաժողովի առնչությամբ: Մենք կողմ չենք, որ Սերժ Սարգսյանն այնտեղ մի փաստաթուղթ ստորագրի, որը համաձայնեցված չէ բոլոր քաղաքական ուժերի և ժողովրդի հետ, որովհետև Ղարաբաղի հարցը Սերժ Սարգսյանի որոշելու հարցը չէ: Մենք կողմ չենք, որ որևէ փաստաթուղթ ստորագրվի Աստանայում, քանզի մեր ժողովուրդը Արցախում արյուն է թափել և առանց համաձայնության՝ որևէ բան ստորագրելն անկարելի է: Ցավոք, չեմ բացառում, որ նոյեմբերի 19-ին ՆԱՏՕ-ի գագաթնաժողովին, որին մասնակցելու են և Սերժ Սարգսյանը, և Մեդվեդևը և Օբաման, ևս խոսակցություններ լինեն Ղարաբաղի հարցի վերաբերյալ, և հնարավոր է, որ վերջնական պարտադրանքների տակ դնեն Սերժ Սարգսյանին:
- Հոկտեմբերին Աստրախանում կայացած Սարգսյան-Ալիև-Մեդվեդև հանդիպումը կարծես թե նախապատրաստական փուլ էր Աստանայից առաջ: Ձեր գնահատմամբ, այդ հանդիպումը ի՞նչ տվեց կողմերին, և արդյո՞ք սա պարզապես ևս մեկ անգամ Ռուսաստանի առաջնահերթությունը շեշտելու փորձ չէր:
- Աստրախանում խնդիրը միայն գերիների փոխանակումը չէր, այլ հերթական անգամ Սերժ Սարգսյանին բերման ենթարկելն էր, հատկապես, որ այդ հանդիպումը կայացավ հոկտեմբերի 27-ին: Ստորացվեց մեր ամբողջ ազգը, քանի որ Սերժ Սարգսյանը, անտեսելով ազգային սգի օրը, չկարողացավ դիմադրել և ներկայացավ Աստրախան: Այդ ամենը վկայում է, որ Սերժ Սարգսյանի դիրքերը այնքան խոցելի ու թույլ են, որ նա ոչ մի բանի դիմակայել չի կարողանում և ինչ փաստաթուղթ էլ դնեն դիմացը, անմիջապես կստորագրի:
- Տիկին Սարգսյան, եթե այդուամենայնիվ, Աստանայում ոչ հայանպաստ փաստաթուղթ ստորագրվի, ո՞րն է լինելու ընդդիմության քայլը:
- Ընդդիմությունը ունի հստակ տեսակետ` մեր կողմից չի ընդունվելու որևէ փաստաթուղթ, որը կստորագրի Սերժ Սարգսյանը, քանի որ նա լեգիտիմ չէ: Կարծում եմ, որ մեր հասարակությունն այնքան մտահոգված է ղարաբաղյան հարցով, որ արդեն ժողովուրդն ինքը մեզ կպարտադրի որոշումներ կայացնել:
- Ինչպե՞ս կգնահատեք Սերժ Սարգսյանի Ղարաբաղյան այցելությունը և նրա կոշտ ու ինչ-որ տեղ նաև ռազմատենչ հռետորաբանությունը:
- Կարծում եմ, ղարաբաղյան այցելությունը պայմանավորված էր առաջիկա հանդիպուներով, և Սերժ Սարգսյանը, հավանաբար, ակնկալում է, որ իր ռազմատենչ հայտարարություններով կարող է շանտաժի ենթարկել Ռուսաստանին և Արևմուտքին: Բացի այդ, չի բացառվում, որ Սերժ Սարգսյանը գնացել էր ղարաբաղյան իշխանությունների հետ վերջնական համաձայնեցնելու իր զիջումները:
- Իսկ Ձեր գնահատմամբ, Ղարաբաղի իշխանությունները կանգնա՞ծ են Սերժ Սարգսյանի կողքին:
- Այն հանգամանքը, որ Սերժ Սարգսյանը Ղարաբաղում ներկայացավ որպես գերագույն հրամանատար և նախագահ, երբ իրականում պետք է հյուրի կարգավիճակում լիներ, արդեն իսկ խոսում է այն մասին, որ Սերժ Սարգսյանն ուզում էր ցույց տալ, որ Արցախը Հայաստանի մարզերից մեկն է, և նա այլևս չի կարող մասնակցել բանակցային գործընթացին, քանի որ կամ ես: Իսկ մենք ամբողջ աշխարհին ուզում ենք համոզենք, որ Արցախը առանձին իրավաբանակն սուբյեկտ է և նա պետք է բանակցային գործընթացներին մասնակցի: Կարծում եմ, որ Սերժ Սարգսյանի նման կեցվածքից հետո ոչ մի միջազգային կառույց այլևս չի դիտարկի Արցախը որպես առանձին պետություն: Չեմ բացառում, որ նա իրեն նման հայտարարություններ թույլ տվեց, քանի որ վերջնական համաձայնության չէր եկել ղարաբաղյան իշխանությունների հետ:
- Լևոն Տեր-Պետրոսյանի վերջին ելույթներում զգացվում է հստակ կողմնորոշումը դեպի Ռուսաստան, իսկ Արևմուտքի հասցեին արվող քննադատություններն էլ ավելի են սրանում: Տիկին Սարգսյան, Ձեր կարծիքով, կարելի՞ է վերջնականապես եզրակացնել, որ Հայաստանում առկա ներքաղաքական խնդիրների և ղարաբաղյան հարցի լուծման գործում որոշիչ դերը հենց Ռուսաստանինն է:
- Լևոն Տեր-Պետրոսյանը հստակ ասել է, որ Լեռնային Ղարաբաղի խնդրի լուծումը Ռուսաստանի ձեռքին է: Նա շատ իրատես է և շատ լավ հասկանում է, որ տարածաշրջանում Ռուսաստանը իր դիրքերը զիջելու ոչ մի ցանկություն չունի, այլ փորձում է ամրապնդել: Լևոն Տեր-Պետրոսյանին չի կարելի մեղադրել ո՛չ արևմտամետության, ո՛չ էլ ռուսամետության մեջ, նա պարզապես իրատես և լուրջ քաղաքական գործիչ է: Հնչակյան կուսակցությունն էլ, լինելով ռուսամետ ուժ, կարծում է, որ ղարաբաղյան հարցի բանալին Ռուսաստանի ձեռքում է, իսկ ԱՄՆ-ին այդ խնդիրը առանձնապես չի հուզում, նրանց Հայաստանը պետք է որպես պոլիգոն, որտեղով նա կարող է ճանապարհ հարթել դեպի Իրան և Աֆղանստան:
четверг, 11 ноября 2010 г.
Իշխանությունը լսողության հետ խնդիր ունի
Այս տարեսկզբին Հայ ազգային կոնգրեսը ներկայացրեց «100 քայլ. սոցիալ-տնտեսական քաղաքականության համակարգային վերափոխման ծրագիրը»: Դրանից հետո Հայ ազգային կոնգրեսը հրապարակեց նաեւ «Կենսաթոշակային բարեփոխման ծրագիրը» եւ «Առողջության պահպանման քաղաքականություն. հիմնադրույթները»: ՀՀ նախկին առողջապահության նախարար, Հայ ազգային կոնգրեսի անդամ Արարատ Մկրտչյանից հետաքրքվեցինք, թե իշխանություններն արդյոք արձագանքե՞լ են Հայ ազգային կոնգրեսի ներկայացրած ծրագրերին: Արարատ Մկրտչյանը հիշեց, որ «Առողջության պահպանման քաղաքականություն. հիմանդրույթներ» ծրագիրը հրապարակելուց եւ հանրայնացնելուց հետո լրատվամիջոցներից մեկը հարց էր ուղղել Առողջապահության նախարարին ծրագրի վերաբերյալ: Առողջապահության նախարարը պատասխանել էր, որ ՀԱԿ-ը ներկայացրել է իրենց շատ հասարակ, սովորական մի ծրագիր: «Իշխանությունները համապատասխան կառույցներին հրահանգել են չարձագանքել մեր ներկայացրած ծրագրերին: 100 քայլին չարձագանքեցին, չարձագանքեցին նաեւ «Առողջության պահպանման ծրագրին»»,- ասաց Արարատ Մկրտչյանը: Նա կարծիք հայտնեց, որ ցանկության դեպքում իշխանությունները կարող էին այդ ծրագիրը դնել քննարկման, հարցադրումներ առաջ քաշել, սակայն դա չարեցին:
пятница, 5 ноября 2010 г.
ՍԴՀԿ-ի փոխարեն կգրանցեն ՀՍԴԿ
Վերաքննիչ դատարանը վերջերս մերժել էր ՍԴՀԿ-ից առանձնացած աճեմյանական թեւի հայցը, որով պահանջվում էր անվավեր ճանաչել ՍԴՀԿ 2009 թվականի համագումարը եւ Լյուդմիլա Սարգսյանին զրկել կուսակցության ղեկավարի պաշտոնից: Նախօրեին դատարանի որոշումը ուժի մեջ է մտել: ՍԴՀԿ ԿՎ-ն երեկ հանդես է եկել հայտարարությամբ, որում մասնավորապես ասվում է. «1. ՍԴՀԿ ԿՎ-ն հայտարարում է, որ Հայաստանում գրանցված ՍԴՀԿ ԿՎ ատենապետն է Լյուդմիլա Սարգսյանը, 2. Չկա մեկ այլ գրանցված ՍԴՀԿ ԿՎ , որի անվան տակ կարող են հանդես գալ այլ անձինք, 3. Տեղեկացնում ենք, որ համաձայն ՍԴՀԿ ԿՎ 16.12.2009 թ. թիվ 14 նիստի արձանագրության` Վահան Շիրխանյանը, Գեւորգ Պերկուպերկյանը, Նարեկ Գալստյանը, Գագիկ Մելիքյանը, Արսեն Կուպելյանը հեռացված են ՍԴՀԿ շարքերից` կուսակցության կողմից որդեգրած քաղաքական ընդդիմադիր գիծը փոխելու միտումով ներկուսակցական պառակտում հրահրելու եւ իրականացնելու համար»:
среда, 3 ноября 2010 г.
Լ.Սարգսյան. «Հաջողություն եմ մաղթում նրանց»:
ՍԴՀԿ-ից հեռացված Վահան Շիրխանյանն իր համակիրների հետ միասին նոր կուսակցություն է ստեղծում` ՀՍԴԿ անունով: ՍԴՀԿ ատենապետ Լյուդմիլա Սարգսյանին խնդրեցինք մեկնաբանել այդ փաստը: «Հաջողություն եմ մաղթում նրանց»,- ասաց տիկին Սարգսյանը: Նա նշեց, թե ՍԴՀԿ համահնչակյան կառույցը միշտ էլ իմաստնություն ու ողջախոհություն է ցուցաբերել, սակայն հիմա դա կարծես թե նրանց լքել է, եւ այդ պատճառով համահնչակյան կառույցը սատարում է Շիրխանյանի թեւին: «Մենք պետռեգիստր, արդարադատության նախարարություն նամակ ենք ուղարկել` տեղեկացնելով, որ համապատասխան հասցեներում մեր կուսակցությունից վտարված անձինք ապօրինաբար օգտագործում են մեր դրոշը, սիմվոլները եւ այլն, ուստի խնդրել ենք ձեռնարկել համապատասխան միջոցներ»,- ասաց տիկին Սարգսյանը: Ըստ նրա` սա լուրջ իրավիճակ է, եւ իրենք օրենքի սահմաններում պետք է պաշտպանեն իրենց իրավունքը:
Հայտարարություն
Բոլոր լրատվամիջոցներին, կուսակցություններին և հասարակական կազմակերպություններին:
Հիմք ընդունելով Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի վճիռը և վերաքննիչ դատարանի որոշումը:
1. ՍԴՀԿ ԿՎ-ն հայտարարում է, որ Հայաստանում գրանցված Սոցիալ-Դեմոկրատ Հնչակյան կուսակցության կենտրոնական վարչության ատենապետն է Լյուդմիլա Սարգսյանը:
2. Չկա մեկ այլ գրանցված ՍԴՀԿ ԿՎ , որի անվան տակ կարող են հանդես գալ այլ անձինք:
3. Տեղեկացնում ենք, որ համաձայն ՍԴՀԿ ԿՎ 16.12.2009 թ. №14 նիստի արձանագրության
1) Վահան Շիրխանյանը
2) Գևորգ Պերկուպերկյանը
3) Նարեկ Գալստյանը
4) Գագիկ Մելիքյանը
5) Արսեն Կուպելյանը
Հեռացված են ՍԴՀԿ շարքերից` կուսակցության կողմից որդեգրած քաղաքական ընդդիմադիր գիծը փոխելու միտումով ներկուսակցական պառակտում հրահրելու և իրականացնելու համար:
Հիշեցում`
Վարդան Խաչատրյանի ապօրինի անդամությունը կասեցվել է դեռ ՍԴՀԿ ԿՎ 31.10.2009 թ. №11 նիստի որոշման հիման վրա:
Սոցիալ-Դեմոկրատ Հնչակյան կուսակցության
Կենտրոնական վարչություն
суббота, 30 октября 2010 г.
Не исключен сговор партии «Наследие» с Сержем Саргсяном - Людмила Саркисян
Процессы, протекающие вокруг законопроекта о признании Арменией независимости НКР уже сегодня могут служить поводом для спекуляций со стороны Азербайджана и международного сообщества. Об этом в беседе с корреспондентом АRMENIA Today заявила глава Социал-демократической партии «Гнчакян» Людмила Саркисян.
По ее словам, законопроект не должен был вносится в повестку дня парламента Армении, пока нет общей позиции по данному вопросу. «Подобные действия должны были организовываться как можно более дипломатично для того, чтобы не поднимать лишнего шума вокруг данного вопроса», - заявила Саркисян. «Партия «Наследие», будучи парламентской оппозицией, имеет возможность в той или иной степени общаться с провластными силами, поэтому была знакома с позицией парламентского большинства по этому вопросу. Если они знали, что законопроект по Карабаху может провалится, наверное, было бы правильно воздержаться от его внесения в повестку. Подобные шаги необходимо рассчитывать, и если они могут нанести ущерб переговорам и привести к возобновлению военных действий, то от подобных шагов необходимо воздерживаться», – считает она.
Комментируя вопрос о том, считает ли она возможным, что с учетом важности вопроса президент Армении Серж Саргсян может воспользоваться своим правом и распустить парламент до 9 декабря, когда планируется голосование по данному законопроекту, Саркисян заметила, что подобные действия главы государства исключены. Она заявила, что «не исключено, что действия «Наследия» были заранее спланированы самими властями Армении». «Не исключено, что Серж Саргсян, пытаясь исключить подписание какого-либо документа в Астане, мог пойти на то, чтобы обязать парламент обсуждать подобный законопроект», - заявила глава гнчаков. Обосновывая свою версию, Саркисян процитировала слова спикера парламента Овика Абрамяна, завившего в одном из своих интервью, что если Серж Саргсян по возвращению из Астрахани заявит о необходимости принять законопроект о признании, парламент его примет. «Если это всего лишь игра, направленная на обеспечение сохранение власти, то это просто преступление», - заключила Людмила Саркисян.
Россия в очередной раз унизила Армению
Неожиданная организация встречи президентов Армении, России и Азербайджана в Астрахани свидетельствует об отсутствие какого-либо проявления уважения к действующему президенту Сержу Саргсяну и Армении в целом. Об этом в беседе с корреспондентом АRMENIA Today заявила глава Социал-демократической партии «Гнчакян» Людмила Саркисян.
«Я не думаю, что встреча была организована спонтанно, поскольку подобные вопросы обычно заранее обсуждаются и подготавливаются. В этой связи, это стало очередным унижением Сержа Саргсяна, в результате чего был унижен весь армянский народ», - подчеркнула она.
среда, 27 октября 2010 г.
вторник, 26 октября 2010 г.
«ԳՆԱԼՈՒ ԵՆՔ ՄԻՆՉԵՎ ՎԵՐՋ ՈՒ ՄԻԱՆՇԱՆԱԿ ՀԱՂԹԵԼՈՒ ԵՆՔ»
Օրերս Լևոն Տեր-Պետրոսյանը հայտարարեց, թե Հայաստանի իշխանությունները խաբել են ԵԽ-ի ներկայացուցիչներին։ «Չեմ կարծում, թե միջազգային հանրությունը շատ խաբված է: Միգուցե ուզո՞ւմ են դեռ խաբված լինել: Եվրոպական կառույցները չեն կարող չիմանալ, թե Հայաստանում ինչ է կատարվում: ՀԱԿ-ը բազմաթիվ հանդիպումների ժամանակ ներկայացնում է երկրի ոչ ժողովրդավարական վիճակը, նամակներ ուղղում այդ կառույցներին: Հավանաբար, դեռ չի եկել այն պահը, որ նրանց արձագանքը շատ սուր լինի: Այժմ պահն արդեն հասունացել է, քանի որ այն հանցագործությունները, որոնք այս իշխանություններն են թույլ տվել տարիներ շարունակ, բումերանգի նման, ի վերջո, հարվածելու են նրանց: Ինչ վերաբերում է Տեր-Պետրոսյանի ասածին, կարծում եմ, ամեն մի անկախ, ինքնիշխան պետություն ինքը պետք է զբաղվի իր երկրում ժողովրդավարության հիմքերի հաստատմամբ, և այս ուղղությամբ միայն ՀԱԿ-ն է աշխատում: Վստահ եմ, որ ոչ միայն Հայաստանում են հասկացել, այլև աշխարհն է ընկալել, որ կոնգրեսն իրական այլընտրանք է դարձել իշխանություններին: Շատ գոհ եմ, որ շարժումն այս ճանապարհով է գնում: Արագ հաղթանակները միշտ չէ, որ կարողանում են ժողովրդավարության հիմքերն ամրացնել, իսկ կոնգրեսի առաքելությունը հենց դա է»,- մեր դիտարկմանն այսպես արձագանքեց ՍԴՀԿ ատենապետ ԼՅՈՒԴՄԻԼԱ ՍԱՐԳՍՅԱՆԸ:
суббота, 23 октября 2010 г.
ԻՇԽԱՆՈՒԹՅԱՆ «ՎԵՐՋԻՆ ՇԱՆՍԸ»
Ի՞նչ էին խոստանում՝ ինչ ստացվեց
Հայ ազգային կոնգրեսում 2011-ի բյուջեի նախագծի քննարկումների արդյունքում հանգել են այն տեսակետին, որ 2011 թվականի պետբյուջեի նախագիծը Տիգրան Սարգսյանի կառավարության եւ կոալիցիոն կուսակցությունների՝ խոստումների իրականացման վերջին շանսն է: Այս տեսանկյունից, «Առավոտի» հետ զրույցում ՀՀ առողջապահության նախկին նախարար, ՍԴՀԿ անդամ Արարատ Մկրտչյանը փորձեց համադրել կուսակցությունների եւ կոալիցիոն կառավարության, նախագահ Սերժ Սարգսյանի նախընտրական խոստումների՝ առողջապահությանը վերաբերող բաժինը՝ 2011-ի բյուջեի նախագծի հետ: Ի հեճուկս ՀՀ իշխանավորների՝ կոռուպցիոն ռիսկերի եւ բյուջեի թափանցիկության մասին անընդհատ խոսակցությունների, Արարատ Մկրտչյանն «Առավոտի» միջոցով իրազեկում է, որ համաշխարհային պրակտիկայում բյուջեի թափանցիկության խնդիրներով զբաղվող կազմակերպություն գոյություն ունի:
суббота, 16 октября 2010 г.
Իշխանությունները ստիպված են հեռանալու, իսկ մենք ամեն ինչ կանենք, որ դա խաղաղ արվի.
«Ես միանշանակ կարծում եմ, որ այդ օրը, երբ մեր համբերության բաժակը կլցվի ու մենք որոշենք մտնել Ազատության հրապարակ, շատ մոտ է։ Ուղղակի պետք է որոշենք օրը, բայց մինչ օրը որոշելը մենք իրավական բոլոր քայլերն անում ենք և փաստում ենք, որ անհիմն ձևով իշխանություններն ամեն անգամ մերժում են Ազատության հրապարակում հանրահավաք անցկացնելու մեր հայտը», – Теrt.am–ի հետ զրույցում ասաց ՍԴՀԿ ատենապետ Լյուդմիլա Սարգսյանը։
Ըստ նրա, Կոնգրեսն ամեն ինչ անում է օրենքի սահմաններում, և միայն օրենքի բոլոր միջոցները սպառելուց հետո կորոշի իր անելիքները։
Ըստ նրա, Կոնգրեսն ամեն ինչ անում է օրենքի սահմաններում, և միայն օրենքի բոլոր միջոցները սպառելուց հետո կորոշի իր անելիքները։
четверг, 14 октября 2010 г.
ՀԱԿ. Հանրապետականը երազանքերի գիրկն է ընկել եւ երազախաբություններով է տառապում
Հայաստանի հանրապետական կուսակցությունը թող երազանքների գիրկը չընկնի եւ ցանկալին իրողության տեղ չընդունի։ NEWS.am-ի թղթակցի հետ զրույցում Սոցիալ դեմոկրատ Հնչակյան կուսակցության (ՍԴՀԿ) ատենապետ Լյուդմիլա Սարգսյանն այսպես մեկնաբանեց ՀՀԿ անդամ, Ազգային ժողովի պատգամավոր Կարեն Ավագյանի այն հայտարարությունը, թե 2012-2013թ-ին Հայաստանի «քաղաքական շքերթը գլխավորելու է ՀՀԿ, քանի որ այն գերծանրքաշային քաղաքական ուժն է հանրապետությունում»։
Подписаться на:
Сообщения (Atom)